എൻജിനിയറിംഗ് /ആർക്കിടെക്ചർ/ ഫാർമസി: ഒഴിവുള്ള സീറ്റുകളിലേക്ക് ഓണ്‍ലൈൻ അലോട്ട്മെന്റ്
തിരുവനന്തപുരം : സർക്കാർ/എയ്ഡഡ്/സർക്കാർ നിയന്ത്രിത സ്വാശ്രയ എൻജിനിയറിംഗ്/ആർക്കിടെക്ചർ കോളജുകളിലും സർക്കാർ ഫാർമസി കോളജുകളിലും മൂന്നാംഘട്ട അലോട്ട്മെന്റിനു ശേഷം നിലനിൽക്കുന്ന ഒഴിവുള്ള സീറ്റുകൾ നികത്തുന്നതിനായി ഒരു ഓണ്‍ലൈൻ അലോട്ട്മെന്റ് ഓഗസ്റ്റ് നാലിനു നടത്തും.
ഓണ്‍ലൈൻ കണ്‍ഫർമേഷൻ നടത്തുന്നതിനും നിലവിലുള്ള ഹയർ ഓപ്ഷനുകൾ പുനക്രമീകരിക്കുന്നതിനും ആവശ്യമില്ലാത്തവ റദ്ദ് ചെയ്യുന്നതിനുമുള്ള സൗകര്യം ഓഗസ്റ്റ് ഒന്നിനു മുതൽ മൂന്നുവരെ രാവിലെ 10 വരെ www.cee.kerala.gov.in എന്ന വെബ്സൈറ്റിൽ ലഭ്യമാകുന്നതാണ്.
അലോട്ട്മെന്റ് ലഭിക്കുന്ന വിദ്യാർഥികൾ ഓഗസ്റ്റ് എട്ടിനു വൈകുന്നേരം അഞ്ചിനു മുന്പ് അതത് കോളജുകളിൽ പ്രവേശനം നേടണം.
ഓണ്‍ലൈൻ കണ്‍ഫർമേഷൻ നടത്താത്തവരെ ഒഴിവുള്ള സീറ്റുകൾ നികത്തുന്നതിനായി അലോട്ട്മെന്റിനായി പരിഗണിക്കുന്നതല്ല. മുൻ അലോട്ട്മെന്റ് പ്രകാരം എൻജിനിയറിംഗ്/ആർക്കിടെക്ചർ/ഫാർമസി കോഴ്സുകളിലേക്ക് അലോട്ട്മെന്റ് ലഭിക്കുകയും കോളജുകളിൽ പ്രവേശനം നേടുകയും ചെയ്തവരുടെ അലോട്ട്മെന്റ് നിലനിർത്തും.
ഓഗസ്റ്റ് എട്ടിനു ശേഷം സർക്കാർ/എയഡഡ്/സർക്കാർ നിയന്ത്രിത സ്വാശ്രയ എൻജിനിയറിംഗ് കോളജുകളിലും സർക്കാർ ഫാർമസി കോളജുകളിലും ഒഴിവുകൾ നിലനിൽക്കുന്ന പക്ഷം അതത് കോളജ് അധികാരികൾക്ക് സ്പോർട് അഡ്മിഷൻ മുഖേന ഓഗസ്റ്റ് 15നകം നികത്താം. ഫോണ് : 04712339101.