ഒന്നാം വർഷ പി.ജി പ്രവേശനം - 2017: ചേർത്തല സെന്റ് മൈക്കിൾസ് കോളജിൽ എംഎസ്സി കെമിസ്ട്രി
ചേർത്തല സെന്റ് മൈക്കിൾസ് കോളജിൽ 201718 അധ്യയന വർഷം മുതൽ എംഎസ്സി പോളിമർ കെമിസ്ട്രിക്ക് പകരം എംഎസ്സി കെമിസ്ട്രി കോഴ്സിന് പ്രവേശനം അനുവദിച്ചിരിക്കുന്നു. മുൻവർഷങ്ങളിൽ ഈ കോളജിൽ നടത്തിയിരുന്ന പോളിമർ കെമിസ്ട്രി കോഴ്സിന് ഈ അധ്യയന വർഷം മുതൽ പ്രവേശനം ഉണ്ടായിരിക്കുന്നതല്ല. താൽപ്പര്യമുള്ള വിദ്യാർഥികൾ ഓണ്ലൈൻ അപേക്ഷയിൽ ഓപ്ഷനായി ഈ കോഴ്സ് ചേർക്കണം. വിദ്യാർഥികൾക്ക് തങ്ങളുടെ പ്രൊഫൈൽ പരിശോധിച്ച് ആവശ്യമെങ്കിൽ മാറ്റം വരുത്താം.
ഒന്നാം വർഷ ബിരുദ പ്രവേശനം 2017
അഫിലിയേറ്റ് ചെയ്തിട്ടുള്ള തിരുവനന്തപുരം കഠിനംകുളം പള്ളിനട എംജിഎം കോളജ് ഓഫ് ആർട്സ് ആൻഡ് സയൻസ് കോളജിൽ പുതുതായി അനുവദിച്ച ബികോം (കംപ്യൂട്ടർ ആപ്ലിക്കേഷൻ ഇലക്ടീവ്), ബിബിഎ കോഴ്സുകൾക്ക് അപേക്ഷിക്കുവാൻ താത്പര്യമുള്ളവർ ഓഗസ്റ്റ് രണ്ടിനു വൈകുന്നേരം അഞ്ചിനു മുൻപായി കോളജിൽ അപേക്ഷ സമർപ്പിക്കണം. മെറിറ്റ് സീറ്റിലേയ്ക്ക് പരിഗണിയ്ക്കുന്പോൾ ഓണ്ലൈൻ രജിസ്ട്രേഷൻ ചെയ്തവരേയാണ് ആദ്യം പരിഗണിക്കുക. ഓണ്ലൈൻ രജിസ്ട്രേഷൻ ചെയ്തവരെ പരിഗണിച്ച ശേഷവും ഒഴിവ് വന്നാൽ രജിസ്ട്രേഷൻ ഇല്ലാത്തവരേയും പരിഗണിക്കും. സർവകലാശാലയിലേയ്ക്ക് അപേക്ഷ സമർപ്പിക്കേണ്ടതില്ല.
പി.ജി സ്പോർട്സ് ക്വാട്ട പ്രവേശനം
അഫിലിയേറ്റ് ചെയ്തിട്ടുള്ള കോളജുകളിൽ 201718 അധ്യയന വർഷത്തെ സ്പോർട്സ് ക്വാട്ട വഴിയുള്ള പി.ജി.പ്രവേശനത്തിന് 31 മുതൽ അതത് കോളജുകളിൽ അപേക്ഷ സമർപ്പിക്കാം. ഓണ്ലൈൻ രജിസ്ട്രേഷന്റേയും കായിക ഇനങ്ങളിലെ നേട്ടം തെളിയിക്കുന്ന രേഖകളുടേയും പകർപ്പാണ് സമർപ്പിക്കേണ്ടത്. സർവകലാശാലയിലേയ്ക്ക് പ്രത്യേക അപേക്ഷ സമർപ്പിക്കേണ്ടതില്ല.
ഒന്നാം വർഷ പി.ജി: കമ്മ്യൂണിറ്റി ക്വാട്ട പ്രവേശനം
അഫിലിയേറ്റ് ചെയ്തിട്ടുള്ള എയ്ഡഡ് കോളജുകളിൽ 201718 അധ്യയന വർഷത്തെ കമ്യൂണിറ്റി ക്വാട്ട വഴിയുള്ള പി.ജി പ്രവേശനത്തിന് 31മുതൽ അതത് കോളജുകളിൽ അപേക്ഷ സമർപ്പിക്കാം. ഓണ്ലൈൻ രജിസ്ട്രേഷന്റേയും ജാതി തെളിയിക്കുന്ന രേഖകളുടേയും പകർപ്പാണ് സമർപ്പിക്കേണ്ടത്. സർവകലാശാലയിലേയ്ക്ക് പ്രത്യേക അപേക്ഷ സമർപ്പിക്കേണ്ടതില്ല.
ഒന്നാം വർഷ ബിരുദ പ്രവേശനം 2017 നാലാം സപ്ലിമെന്ററി അലോട്ട്മെന്റ്നിർദേശങ്ങൾ
201718 അധ്യയന വർഷത്തെ ബിരുദ പ്രവേശനത്തിനുള്ള നാലാം സപ്ലിമെന്ററി അലോട്ട്മെന്റ് വെബ്സൈറ്റിൽ 31ന് പ്രസിദ്ധപ്പെടുത്തും. അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. കേന്ദ്രീകൃത അലോട്ട്മെന്റ് സംവിധാനത്തിലൂടെ ഇതുവരെയും ഒരു കോളജിലും പ്രവേശനം ലഭിക്കാത്തതും എന്നാൽ ഈ സപ്ലിമെന്ററി അലോട്ട്മെന്റിൽ പുതുതായി അലോട്ട്മെന്റ് ലഭിക്കുകയും ചെയ്തവർ അഡ്മിഷൻ ഫീസ് അടക്കുന്നതിനുള്ള ചെല്ലാൻ പ്രിന്റൗട്ടെടുത്ത് എസ്ബിഐ യുടെ ഏതെങ്കിലും ശാഖയിൽ ഫീസ് അടയ്ക്കണം. മുൻ അലോട്ട്മെന്റുകൾ വഴി കോളേജുകളിൽ പ്രവേശനം നേടിയ ശേഷം തങ്ങളുടെ ഹയർ ഓപ്ഷനുകൾ നിലനിർത്തിയ അപേക്ഷകർക്ക് നാലാം സപ്ലിമെന്ററി അലോട്ട്മെന്റിൽ തങ്ങളുടെ ഹയർ ഓപ്ഷനുകളിലേക്ക് അലോട്ട്മെന്റ് ലഭിച്ചാൽ നിർബന്ധമായും ഇപ്പോൾ പ്രവേശനം നേടിയിരിക്കുന്ന കോളജിൽ നിന്ന് ടിസി വാങ്ങി പുതുതായി അലോട്ട്മെന്റ് ലഭിച്ച കോളജിൽ പ്രവേശനം നേടണം.
കോളജുകളിൽ പ്രവേശനം നേടിയ ശേഷം ആ സീറ്റിൽ തൃപ്തരാണെങ്കിൽ അവരുടെ ഹയർ ഓപ്ഷനുകൾ നാലിന് വൈകുന്നേരം അഞ്ച്വരെ നീക്കം ചെയ്യാം. നിലനിർത്തപ്പെടുന്ന ഹയർ ഓപ്ഷനുകൾ തുടർന്നുള്ള അലോട്ട്മെന്റുകൾ ഉണ്ടെങ്കിൽ പരിഗണിക്കും. പുതിയ അലോട്ട്മെന്റ് ലഭിക്കുന്ന പക്ഷം ആ സീറ്റ് നിർബന്ധമായും സ്വീകരിക്കണം.
ബിഎ പരീക്ഷ തീയതി മാറ്റം
31ന് നടത്താനിരുന്ന നാലാം സെമസ്റ്റർ ബിഎ ഇംഗ്ലീഷ് ആൻഡ് കമ്യൂണിക്കേറ്റീവ് ഇംഗ്ലീഷ് (കരിയർ റിലേറ്റഡ് സിബിസിഎസ്) ഡിഗ്രി പരീക്ഷയുടെ കോംപ്ലിമെന്ററി പേപ്പർ ഇഏ 1431 ഒകടഠഛഞഥ ഛഎ ഋചഏഘകടഒ ഘഅചഏഡഅഏഋ & ജഒഛചഋഠകഇട (2015 അഡ്മിഷൻ) പരീക്ഷ ഓഗസ്റ്റ് എട്ടിന് നടക്കും. പരീക്ഷാകേന്ദ്രത്തിനും സമയത്തിനും മാറ്റമില്ല.
യുണിവേഴ്സിറ്റി മെരിറ്റ് സ്കോളർഷിപ്പ് 201617
201617 അധ്യയന വർഷത്തെ യൂണിവേഴ്സിറ്റി മെറിറ്റ് സ്കോളർഷിപ്പിന് അപേക്ഷിക്കാനുള്ള അവസാന തീയതി ഓഗസ്റ്റ് 10 വരെ നീട്ടി. സർവകലാശാലയുടെ വിവിധ ഡിപ്പാർട്ട്മെന്റുകളിലും അഫിലിയേറ്റഡ് കോളജുകളിലും 201617 വർഷം വിവിധ ബിരുദ/ ബിരുദാനന്തരബിരുദ (ബിഎ/ ബിഎസ്സി/ ബികോം/ബിബിഎ/ബിസിഎ/എംഎ/ എംഎസ്സി/ എംകോം/ എംസിജെ/ എംഎസ്ഡബ്ലിയു/ എംബിഎ/എംഎഡ്/ എൽഎൽഎം) കോഴ്സുകൾക്ക് പ്രവേശനം ലഭിച്ച വിദ്യാർഥികൾക്ക് അപേക്ഷിക്കാം. കോളജ്/ഡിപ്പാർട്ട്മെന്റ് മേധാവി വഴി നിശ്ചിത ഫോമിലുള്ള അപേക്ഷയും യോഗ്യത പരീക്ഷയുടെ സാക്ഷ്യപ്പെടുത്തിയ പകർപ്പുകളും സമർപ്പിക്കണം. ഓഗസ്റ്റ് 10നുള്ളിൽ അപേക്ഷ സമർപ്പിക്കാത്തതു മൂലം സ്കോളർഷിപ്പ് ലഭിക്കാത്തതിന് സർവകലാശാലയ്ക്ക് ഉത്തരവാദിത്വം ഉണ്ടായിരിക്കില്ല. വിശദവിവരങ്ങൾ വെബ്സൈറ്റിൽ ലഭിക്കും.
ബിടെക് ഫലം
2016 സെപ്റ്റംബറിൽ നടത്തിയ അഞ്ചാം സെമസ്റ്റർ ബിടെക് ഡിഗ്രി (2008 സ്കീം) സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് 17 വരെ ഓണ്ലൈനായി അപേക്ഷിക്കാം.
2016 സെപ്റ്റംബറിൽ നടത്തിയ മൂന്നാം സെമസ്റ്റർ ബിടെക് പാർട്ട് ടൈം റീസ്ട്രക്ചേർഡ് 2008 സ്കീം സപ്ലിമെന്ററി പരീക്ഷാഫലം വെബ്സൈറ്റിൽ ലഭിക്കും.
ബിസിഎ ഫലം
ഫെബ്രുവരിയിൽ നടത്തിയ ആറാം സെമസ്റ്റർ ബിസിഎ (റീസ്ട്രക്ചേർഡ്, 2007 സ്കീം) സപ്ലിമെന്ററി പരീക്ഷാഫലം വെബ്സൈറ്റിൽ ലഭിക്കും.
എംവിഎ പരീക്ഷ പുന:ക്രമീകരിച്ചു
ഓഗസ്റ്റ് രണ്ടിന് ആരംഭിക്കാനിരുന്ന രണ്ടാം സെമസ്റ്റർ എംവിഎ (പെയിന്റിംഗ് ആൻഡ് ആർട്ട് ഹിസ്റ്ററി) പരീക്ഷ സെപ്റ്റംബർ 19ലേക്കും ഓഗസ്റ്റ് മൂന്നിന് ആരംഭിക്കാനിരുന്ന മൂന്നാം സെമസ്റ്റർ എംവിഎ (പെയിന്റിംഗ് ആൻഡ് ആർട്ട് ഹിസ്റ്ററി) പരീക്ഷ സെപ്റ്റംബർ 13ലേക്കും പുന:ക്രമീകരിച്ചു. പുതുക്കിയ ടൈംടേബിൾ പിന്നീട് പ്രസിദ്ധീകരിക്കും.
എംഎസ്സി കംപ്യൂട്ടർ സയൻസ് സപ്ലിമെന്ററി പരീക്ഷ
വിദൂരവിദ്യാഭ്യാസ പഠന കേന്ദ്രം ഓഗസ്റ്റ് 21 മുതൽ ആരംഭിക്കുന്ന ഒന്നാം സെമസ്റ്റർ എംഎസ്സി കംപ്യൂട്ടർ സയൻസ് സപ്ലിമെന്ററി പരീക്ഷയ്ക്ക് 2014 അഡ്മിഷൻ മുതലുള്ള വിദ്യാർഥികൾ 29 മുതൽ ഓണ്ലൈനായും 2014 അഡ്മിഷന് മുന്പുള്ള വിദ്യാർഥികൾ ഓഫ്ലൈനായും (അപേക്ഷാഫോം വഴിയും) അപേക്ഷ സമർപ്പിക്കണം. പിഴ കൂടാതെ ഓഗസ്റ്റ് ഏഴ് (50 രൂപ പിഴയോടെ ഓഗസ്റ്റ് ഒന്പത്, 125 രൂപ പിഴയോടെ ഓഗസ്റ്റ് 11) വരെ ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
അക്കാദമിക് കലണ്ടർ പ്രസിദ്ധീകരിച്ചു
സിബിസിഎസ്എസിന് കീഴിലുള്ള ഡിഗ്രി പ്രോഗ്രാമുകളിലെ മുന്നും നാലും (2016 അഡ്മിഷൻ), അഞ്ചും ആറും (2015 അഡ്മിഷൻ) സെമസ്റ്ററുകളുടെ അക്കാദമിക് കലണ്ടർ വെബ്സൈറ്റിൽ പ്രസിദ്ധീകരിച്ചു.