നാളത്തെ രണ്ടാം വർഷ ബിപിടി പരീക്ഷകളും ഓഗസ്റ്റ് രണ്ടിലെ രണ്ടാം വർഷ ബിഎസ്സി എംഎൽടി പരീക്ഷകളും മാറ്റിവച്ചു
നാളെ മുതൽ നടത്താനിരുന്ന രണ്ടാം വർഷ ബിപിടി (2015 അഡ്മിഷൻ റെഗുലർ/സപ്ലിമെന്ററി) പരീക്ഷകളും ഓഗസ്റ്റ് രണ്ടു മുതൽ നടത്താൻ നിശ്ചയിച്ചിരുന്ന രണ്ടാം വർഷ ബിഎസ്സി എംഎൽടി (പുതിയ സ്കീം 2015 അഡ്മിഷൻ റെഗുലർ/സപ്ലിമെന്ററി) പരീക്ഷകളും മാറ്റിവച്ചു. പുതുക്കിയ തീയതിയും പരീക്ഷാകേന്ദ്രവും പിന്നീട് അറിയിക്കും.
പരീക്ഷാതീയതി
ആറാം സെമസ്റ്റർ ബിഎ വിഷ്വൽ കമ്യൂണിക്കേഷൻ (സിബിസിഎസ്എസ്റെഗുലർ) ഡിഗ്രി പരീക്ഷയുടെ അഡ്വർടൈസിംഗ് എന്ന പേപ്പറിന്റെ പരീക്ഷ ഓഗസ്റ്റ് എട്ടിനു നടത്തും.
നാലാം സെമസ്റ്റർ എംഎസ്സിഫിഷറി ബയോളജി ആൻഡ് അക്വാകൾച്ചർ (പുതിയ സ്കീം 2015 അഡ്മിഷൻ റെഗുലർ ആൻഡ് 2015ന് മുൻപുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകൾ ഓഗസ്റ്റ് 11നു തുടങ്ങും. അപേക്ഷകൾ ഓഗസ്റ്റ് മൂന്നുവരെയും 50 രൂപ പിഴയോടെ നാലു വരെയും 500 രൂപ സൂപ്പർഫൈനോടെ ഏഴുവരെ സ്വീകരിക്കും.
പ്രാക്ടിക്കൽ പരീക്ഷ
2017 ഏപ്രിൽ, മേയ് മാസങ്ങളിലെ ബിഎ ആനിമേഷൻ ആൻഡ് ഗ്രാഫിക് ഡിസൈൻ (ഓഫ് കാന്പസ് അഞ്ചും ആറും സെമസ്റ്റർ 2014 മുതലുള്ള അഡ്മിഷൻ റെഗുലർ /2013 അഡ്മിഷൻ സപ്ലിമെന്ററി/2012നു മുൻപുള്ള അഡ്മിഷൻ മേഴ്സിചാൻസ്) ഡിഗ്രി പരീക്ഷകളുടെ പ്രാക്ടിക്കൽ ഓഗസ്റ്റ് ഒന്പതു മുതൽ ചങ്ങനശേരി സെന്റ് ജോസഫ് കോളജ് ഓഫ് കമ്യൂണിക്കേഷനിൽ തുടങ്ങും. വിദ്യാർഥികൾ ഹാൾടിക്കറ്റും തിരിച്ചറിയൽ രേഖയും സഹിതം രാവിലെ ഒന്പതിന് ഹാജരാകണം. ടൈംടേബിൾ വെബ്സൈറ്റിൽ.
ഉത്തരക്കടലാസ് മൂല്യനിർണയം
2016 നവംബറിലെ ഒന്നാം സെമസ്റ്റർ സിബിസിഎസ്എസ് ഡിഗ്രി പരീക്ഷയുടെ ഉത്തരക്കടലാസ് മൂല്യനിർണയത്തിനായി കൈപ്പറ്റിയിട്ടുള്ള അഡീഷണൽ എക്സാമിനർമാർ മൂല്യനിർണയം ഓഗസ്റ്റ് ഒന്പതിനും ചീഫ് എക്സാമിനർമാർ മൂല്യനിർണയം ഓഗസ്റ്റ് 21നും പൂർത്തിയാക്കണം.
പരീക്ഷാഫലം
2016 ജൂലൈയിലെ മൂന്നാം സെമസ്റ്റർ എംഎ ഇംഗ്ലീഷ് (പ്രൈവറ്റ്/പ്രൈവറ്റ് സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മ പരിശോധനയ്ക്കും പുനർമുല്യനിർണയത്തിനുമുള്ള അപേക്ഷ ഓഗസ്റ്റ് 14 വരെ സ്വീകരിക്കും.
2016 ജൂലൈയിലെ നാലാം സെമസ്റ്റർ എംഎ ഇംഗ്ലീഷ് (പ്രൈവറ്റ്/പ്രൈവറ്റ് സപ്ലിമെന്ററി/റെഗു ലർ, നോണ് സിഎസ്എസ് സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ ഓഗസ്റ്റ് 14 വരെ സ്വീകരിക്കും.