ഒന്നാം വർഷ ബിരുദ പ്രവേശനം - 2017 നാലാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു
201718 അധ്യയന വർഷത്തെ ബിരുദ പ്രവേശനത്തിനുള്ള നാലാം സപ്ലിമെന്ററി അലോട്ട്മെന്റ് വെബ്സൈറ്റിൽ ഇന്നലെ പ്രസിദ്ധീകരിച്ചു. അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. കേന്ദ്രീകൃത അലോട്ട്മെന്റ് സംവിധാനത്തിലൂടെ ഇതുവരെയും ഒരു കോളജിലും പ്രവേശനം ലഭിക്കാത്തതും എന്നാൽ ഈ സപ്ലിമെന്ററി അലോട്ട്മെന്റിൽ പുതുതായി അലോട്ട്മെന്റ് ലഭിക്കുകയും ചെയ്തവർ അഡ്മിഷൻ ഫീസ് അടക്കുന്നതിനുള്ള ചെല്ലാൻ പ്രിന്റൗട്ടെടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് അടയ്ക്കണം. അഡ്മിഷൻ ഫീസ് ജനറൽ വിഭാഗത്തിന് 1525/ രൂപയും എസ്.സി/എസ്.ടി വിഭാഗത്തിന് 840/ രൂപയുമാണ്. ഇപ്രകാരം അഡ്മിഷൻ ഫീസ് അടച്ചവർ അഡ്മിഷൻ ഫീസ് അടച്ചതിന്റെ വിവരം വെബ്സൈറ്റിൽ നൽകിയ ശേഷം അലോട്ട്മെന്റ് മെമ്മോ പ്രിന്റെടുത്ത് മെമ്മോയിൽ പറഞ്ഞിരിക്കുന്ന കോളജിൽ പ്രവേശനം നേടണം.
ഒന്ന്, രണ്ട്, മൂന്ന് തീയതികളിലാണ് കോളജുകളിൽ അഡ്മിഷൻ എടുക്കേണ്ടത്. കൂടുതൽ വിവരങ്ങൾക്ക് അലോട്ട്മെന്റ് മെമ്മോ കാണുക. കോളജുകളിൽ പ്രവേശനം നേടിയ ശേഷം ആ സീറ്റിൽ തൃപ്തരാണെങ്കിൽ അവരുടെ ഹയർ ഓപ്ഷനുകൾ നാലിന് വൈകുന്നേരം അഞ്ചുവരെ നീക്കം ചെയ്യാം. നിലനിർത്തപ്പെടുന്ന ഹയർ ഓപ്ഷനുകൾ തുടർന്നുള്ള അലോട്ട്മെന്റുകൾ ഉണ്ടെങ്കിൽ പരിഗണിക്കും. പുതിയ അലോട്ട്മെന്റ് ലഭിക്കുന്ന പക്ഷം ആ സീറ്റ് നിർബന്ധമായും സ്വീകരിക്കണം.
ഓണ്ലൈൻ അപേക്ഷ: തീയതി നീട്ടി
വിദൂര വിദ്യാഭ്യാസ കേന്ദ്രം 201718 ലേക്ക് നടത്തുന്ന യു.ജി/പി.ജി പ്രോഗ്രാമുകളുടെ ഓണ്ലൈൻ അപേക്ഷ പിഴയില്ലാതെ 16 വരെ സ്വീകരിക്കും.
ബിഎസ്സി ഫലം
ജനുവരിയിൽ നടത്തിയ ഒന്നാം സെമസ്റ്റർ കരിയർ റിലേറ്റഡ് സിബിസിഎസ് ബിഎസ്സി കംപ്യൂട്ടർ സയൻസ് സപ്ലിമെന്ററി പരീക്ഷയുടെ (2012 അഡ്മിഷൻ മാത്രം 2010 സ്കീം) ഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്കും പുനർമൂല്യനിർണയത്തിനും 11 വരെ അപേക്ഷിക്കാം.
വൈവ വോസി പരീക്ഷ
വിദൂര വിദ്യാഭ്യാസ കേന്ദ്രം നടത്തുന്ന ബി.ബി.എ 2014 ബാച്ചിന്റെ വൈവ വോസി പരീക്ഷ എട്ട്, ഒൻപത്, പത്ത് തീയതികളിൽ രാവിലെ 10മുതൽ വൈകുന്നേരം 4.30 വരെ പാളയം വിദൂര വിദ്യാഭ്യാസ കേന്ദ്രത്തിൽ നടത്തും. വൈവ വോസിക്ക് വരുന്ന വിദ്യാർഥികൾ ഹാൾടിക്കറ്റും പ്രോജക്ടിന്റെ കോപ്പിയും കൊണ്ടുവരണം.
എംപിഇ ഫലം
ഏപ്രിലിൽ നടത്തിയ മാസ്റ്റർ ഓഫ് ഫിസിക്കൽ എഡ്യുക്കേഷൻ (എംപിഇ) പ്രീവിയസ്, ഫൈനൽ പരീക്ഷകളുടെ ഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്ക് 31 വരെ അപേക്ഷിക്കാം.