ബിരുദം: സപ്ലിമെന്‍ററി അലോട്ട്മെന്റ് രജിസ്ട്രേഷൻ ഇന്നു മുതൽ
ബിരുദ പ്രവേശന അലോട്ട്മെന്റിന് ഇന്നു മുതൽ മൂന്നു വരെ പുതുതായി ഓപ്ഷൻ നൽകാം. നിലവിൽ അപേക്ഷ സമർപ്പിക്കാത്തവർക്കും മുൻ അലോട്ട്മെന്റിൽ പ്രവേശനം ലഭിച്ചവർ ഉൾപ്പെടെ എല്ലാ വിഭാഗം അപേക്ഷകർക്കും വേണ്ടി സ്പെഷൽ അലോട്ട്മെന്റ് നടത്തും.
അപേക്ഷകൻ ഓണ്‍ലൈൻ അപേക്ഷയിൽ വരുത്തിയ തെറ്റ് മൂലം അലോട്ട്മെന്റിനു പരിഗണിക്കപ്പെടാത്തവർക്കും അലോട്ട്മെന്റിലൂടെ ലഭിച്ച പ്രവേശനം റദ്ദായവർക്കും പ്രത്യേകമായി ഫീസ് അടക്കാതെ തന്നെ തന്‍റെ നിലവിലുള്ള ആപ്ലിക്കേഷൻ നന്പരും പാസ്വേഡും ഉപയോഗിച്ച് ww w.cap.mgu.ac.in എന്ന വെബ്സൈറ്റിൽ അക്കൗണ്ട് ക്രിയേഷൻ എന്ന ലിങ്കിൽ ക്ലിക്ക് ചെയ്യുന്പോൾ ലഭിക്കുന്ന പുതിയ ആപ്ലിക്കേഷൻ നന്പരും പഴയ പാസ്വേഡും ഉപയോഗിച്ച് ലോഗിൻ ചെയ്ത് ഓപ്ഷനുകൾ പുതുതായി നൽകാം.
വിവിധ കോളജുകളിലെ ഒഴിവുള്ള പ്രോഗ്രാമുകളുടെ വിശദവിവരം സർവകലാശാല വെബ്സൈറ്റിലുണ്ട്. സ്പെഷൽ അലോട്ട്മെന്റ് ലിസ്റ്റ് അഞ്ചിനു പ്രസിദ്ധീകരിക്കും.
പിജി: രജിസ്ട്രേഷൻ 18 വരെ നീട്ടി
പ്രൈവറ്റ് രജിസ്ട്രേഷൻ വിദ്യാർഥികൾക്കു കൂടി അവസരം നൽകാനായി ആർട്സ് ആൻഡ് സയൻസ് കോളജുകളിലെ ഒന്നാം വർഷ ബിരുദാനന്തരബിരുദ പ്രോഗ്രാം പ്രവേശനത്തിനുള്ള ഓണ്‍ലൈൻ രജിസ്ട്രേഷൻ 18 വരെ നീട്ടി. മെറിറ്റ് സീറ്റുകളിലേക്കും, എസ്‌സി, എസ്ടി, എസ്ഇബിസി, ഇബിഎഫ്സി സംവരണ സീറ്റുകളിലേക്കുമുള്ള അലോട്ട്മെന്റ് നടത്തും.
ഓണ്‍ലൈൻ രജിസ്ട്രേഷൻ www.cap.mgu.ac.in എന്ന വെബ്സൈറ്റിൽ PGCAPF എന്ന ലിങ്കിൽ നടത്താം. വിശദവിവരങ്ങൾ വെബ്സൈറ്റിൽ. റാങ്ക് ലിസ്റ്റ് 14നു കോളജ് നോട്ടീസ് ബോർഡിൽ പ്രസിദ്ധീകരിക്കും. പ്രവേശനം 28ന് നടത്തും.
പ്രാക്ടിക്കൽ പരീക്ഷ മാറ്റി
ജൂലൈ 30 ന് തിരുവനന്തപുരം കൈമനം വിമൻസ് പോളിടെക്നിക് കോളജിൽ നടത്താനിരുന്ന ബികോം ഓഫ് ക്യാന്പസ് കംപ്യൂട്ടർ ആപ്ലിക്കേഷൻ പ്രാക്ടിക്കൽ പരീക്ഷ അഞ്ചിന് നടത്താനായി പുതുക്കി. പരീക്ഷാ കേന്ദ്രത്തിനും സമയത്തിനും മാറ്റമില്ല.
പ്രാക്ടിക്കൽ പരീക്ഷ
ഒന്നാം വർഷ എംഫാം (റെഗുലർ, സപ്ലിമെന്‍ററി) ജൂലൈ 2017 ഡിഗ്രി പരീക്ഷയുടെ പ്രാക്ടിക്കൽ ഇന്ന് ആരംഭിക്കും. ടൈംടേബിൾ വെബ്സൈറ്റിൽ.
അപേക്ഷാ തീയതി
ഒന്നു മുതൽ നാലു വരെ സെമസ്റ്റർ എംഎസ്‌സി മൈക്രോബയോളജി, ബയോകെമിസ്ട്രി ആൻഡ് ബയോടെക്നോളജി ( 2012നു മുൻപുള്ള അഡ്മിഷൻ പഴയ സ്കീം) അവസാന മേഴ്സി ചാൻസ് ഡിഗ്രി പരീക്ഷകൾക്കു 10 വരെയും, 50 രൂപ പിഴയോടെ 11 വരെയും, 500 രൂപ സൂപ്പർഫൈനോടെ 18 വരെയും സ്വീകരിക്കും. അപേക്ഷകർ 10,00 0 രൂപ സ്പെഷൽ ഫീസായി നിശ്ചിത പരീക്ഷ ഫീസിനും സിവി ക്യാന്പ് ഫീസിനും പുറമേ അടക്കണം. പരീക്ഷാ തിയതി പിന്നീട്
പരീക്ഷാഫലം
രണ്ടാം സെമസ്റ്റർ ബിടെക് (2017 മേയിൽ നടത്തിയ 2016 അഡ്മിഷൻ റെഗുലർ പരീക്ഷ), നാലാം സെമസ്റ്റർ ബിടെക് (2017 മെയിൽ നടത്തിയ 2015 അഡ്മിഷൻ റെഗുലർ പരീക്ഷ), മൂന്നാം സെമസ്റ്റർ ബിടെക് (2016 ഡിസംബറിൽ നടത്തിയ 2015 അഡ്മിഷൻ സപ്ലിമെന്‍ററി, ഇംപ്രൂവ്മെന്‍റ്), ഒന്നാം സെമസ്റ്റർ ബിടെക് (2017 ജനുവരിയിൽ നടത്തിയ 2015 ആൻഡ് 2016 അഡ്മിഷൻ സപ്ലിമെന്‍ററി, ഇംപ്രൂവ്മെന്‍റ്) എന്നീ ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷ 16 വരെ സ്വീകരിക്കും.
2017 ജനുവരിയിൽ നടത്തിയ മൂന്നാം സെമസ്റ്റർ എംഎ ചരിത്രം ( സിഎസ്എസ് റെഗുലർ, ഇംപ്രൂവ്മെന്‍റ്, സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 14 വരെ സ്വീകരിക്കും.
2016 ജൂണിൽ നടത്തിയ മൂന്നും, നാലും സെമസ്റ്റർ എംഎ ഇസ്ലാമിക് ഹിസ്റ്ററി (പ്രൈവറ്റ് സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 14 വരെ സ്വീകരിക്കും.
തിരുവല്ല മാക്ഫാസ്റ്റ് കോളജിൽ 2016 നവംബറിൽ നടത്തിയ മൂന്നാം സെമസ്റ്റർ എംബിഎ വിദ്യാർഥികളുടെ തടഞ്ഞുവച്ച ഡിഗ്രി പരീക്ഷയുടെ ഫലം ഹൈക്കോടതിയുടെ അന്തിമവിധിക്കു വിധേയമായി പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 13 വരെ സ്വീകരിക്കും.
സ്കൂൾ ഓഫ് പെഡഗോഗിക്കൽ സയൻസസിൽ 2017 ഏപ്രിലിൽ നടത്തിയ രണ്ടാം സെമസ്റ്റർ എംഫിൽ (സിഎസ്എസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
എംഎച്ച്ആർഎം പ്രവേശനം
അഫിലിയേറ്റഡ് കോളജുകളിൽ 201718 അധ്യയന വർഷത്തിൽ നടത്തുന്ന എംഎച്ച്ആർഎം പ്രോഗ്രാമുകൾക്ക് മൂന്നു വരെ അപേക്ഷിക്കാം. റാങ്ക് ലിസ്റ്റ് ഏഴിന് പ്രസിദ്ധീകരിക്കും. ഒന്പതിന് അഭിമുഖം നടത്തുകയും 14നു ക്ലാസുകൾ ആരംഭിക്കുകയും 31ന് പ്രവേശനം അവസാനിപ്പിക്കും. വിശദവിവരങ്ങൾ വെബ് സൈറ്റിൽ.
പിഎച്ച്ഡി ബിരുദധാരികൾക്ക് ആദരം
201617 ൽ പിഎച്ച്ഡി ബിരുദം കരസ്ഥമാക്കിയവരെ ആദരിക്കാൻ ഇന്നു രാവിലെ 10നു സർവകലാശാലാ അസംബ്ലി ഹാളിൽ ചടങ്ങ് സംഘടിപ്പിക്കും. വൈസ് ചാൻസലർ ഡോ. ബാബു സെബാസ്റ്റ്യൻ അധ്യക്ഷതവഹിക്കും. കേരളാ ശാസ്ത്ര സാങ്കേതിക പരിസ്ഥിതി കൗണ്‍സിൽ എക്സിക്യൂട്ടീവ് വൈസ് പ്രസിഡന്‍റ് ഡോ. സുരേഷ്ദാസ് മുഖ്യാതിഥിയായിരിക്കും.