ഒന്നാം സെമസ്റ്റർ എംസിജെ/എംഎസ്ഡബ്ല്യു പരീക്ഷാഫലം
കണ്ണൂർ സർവകലാശാലയുടെ ഒന്നാം സെമസ്റ്റർ എംസിജെ/ എംഎസ്ഡബ്ല്യു (റഗുലർ/സപ്ലിമെന്ററി ഡിസംബർ 2016) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
എട്ടാം സെമസ്റ്റർ ബിടെക് പരിക്ഷാഫലം
കണ്ണൂർ സർവകലാശാലയുടെ എട്ടാം സെമസ്റ്റർ ബിടെക് (ഏപ്രിൽ 2017) ഡിഗ്രി പരീക്ഷാഫലം പ്രസിദ്ധീകരിച്ചു.ഫലം സർവകലാശാല വെബ്സൈറ്റിൽ ലഭ്യമാണ്. സൂക്ഷ്മപരിശോധന/പുനഃപരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ 14 വരെ സമർപ്പിക്കാം. പ്രൊവിഷണൽ സർട്ടിഫിക്കറ്റും കണ്സോളിഡേറ്റഡ് മാർക്ക് ലിസ്റ്റും 14 മുതൽ ബിടെക് സെക്ഷനിൽനിന്നും ലഭിക്കും. പ്രൊവിഷണൽ സർട്ടിഫിക്കറ്റും കണ്സോളിഡേറ്റഡ് മാർക്ക് ലിസ്റ്റും തപാൽ മുഖേന ആവശ്യമുള്ളവർ അപേക്ഷകൾ 470 രൂപ ഫീസ് അടച്ചതിന്റെ ഒറിജിനൽ ചലാൻ, എല്ലാ സെമസ്റ്ററുകളുടെയും മാർക്ക് ലിസ്റ്റുകളുടെ സ്വയം സാക്ഷ്യപ്പെടുത്തിയ പകർപ്പ്, 40 രൂപ സ്റ്റാന്പ് പതിച്ച സ്വന്തം മേൽവിലാസമെഴുതിയ 12X10 വലിപ്പത്തിലുള്ള കവർ എന്നിവ സഹിതം കണ്ട്രോളർ ഓഫ് എക്സാമിനേഷൻസ്, കണ്ണൂർ സർവകലാശാല, സിവിൽ സ്റ്റേഷൻ (പിഒ), കണ്ണൂർ 670002 എന്ന വിലാസത്തിൽ അയയ്ക്കണം.
മൂന്നാം സെമസ്റ്റർ ബിഎഎൽഎൽബി പരീക്ഷ എട്ടിന്
തലശേരി കാന്പസിലെ നിയമവകുപ്പിൽ ജൂണ് 19ന് റദ്ദാക്കിയ മൂന്നാം സെമസ്റ്റർ ബിഎഎൽഎൽബി ഡിഗ്രിയുടെ പേപ്പർ ആറ് ലോ ഓഫ് കോണ്ട്രാക്റ്റ് ഒന്ന് പുനഃരീക്ഷ എട്ടിന് നടക്കും. പരീക്ഷാസമയത്തിൽ മാറ്റമില്ല.
യൂണിവേഴ്സിറ്റി യൂണിയൻ തെരഞ്ഞെടുപ്പ്; പ്രാഥമിക വോട്ടർ പട്ടിക വെബ്സൈറ്റിൽ
കണ്ണൂർ സർവകലാശാല യൂണിയൻ തെരഞ്ഞെടുപ്പ് 11 ന് താവക്കര യൂണിവേഴ്സിറ്റി ആസ്ഥാനത്ത് നടക്കും. പ്രാഥമിക വോട്ടർപട്ടിക യൂണിവേഴ്സിറ്റി വെബ്സൈറ്റിൽ പ്രസിദ്ധീകരിച്ചിട്ടുണ്ട്. കോളജധികൃതർക്ക് ഡൗൺലോഡ് ചെയ്ത് ഉപയോഗിക്കാം. സർവകലാശാലയിൽ ചേർന്ന വിവിധ വിദ്യാർഥി സംഘടനാ പ്രതിനിധികളുടെ യോഗം തെരഞ്ഞെടുപ്പ് നടപടിക്രമങ്ങൾ അവലോകനം ചെയ്തു. പ്രോ വൈസ് ചാൻസലർ ഡോ. ടി. അശോകൻ അധ്യക്ഷത വഹിച്ചു. പരീക്ഷാ കൺട്രോളർ ഡോ.ബാബു ആന്റോ, വിദ്യാർഥി ക്ഷേമ ഡയറക്ടർ പത്മനാഭൻ കാവുമ്പായി എന്നിവർ സംസാരിച്ചു.
വിദൂര വിദ്യാഭ്യാസ പ്രവേശനം
കണ്ണൂർ സർവകലാശാല വിദൂര വിദ്യാഭ്യാസ വിഭാഗത്തിൽ 201718 വർഷത്തേക്കുള്ള എല്ലാ കോഴ്സുകളിലേക്കുമുള്ള അഡ്മിഷൻ ആരംഭിച്ചു. അപേക്ഷ ഓണ്ലൈൻ ആയിട്ടാണ് സമർപ്പിക്കേണ്ടത്. വിശദ വിവരങ്ങൾക്ക് സർവകലാശാല വെബ്സൈറ്റ് സന്ദർശിക്കുക.