എംബിഎ പ്രവേശനം: അഭിമുഖം പത്തിന്
സർവകലാശാല നേരിട്ട് നടത്തുന്ന വടകര, കോഴിക്കോട്, കുറ്റിപ്പുറം, തിരൂർ (തൃശൂർ), തൃശൂർ ജോണ് മത്തായി സെന്റർ, പാലക്കാട് എന്നീ കേന്ദ്രങ്ങളിലെ ഒഴിവുള്ള മെറിറ്റ്, സംവരണ സീറ്റുകളിലേക്കും അഫിലിയേറ്റഡ് മാനേജ്മെന്റ് ഇൻസ്റ്റിറ്റ്യൂട്ടുകൾ (മെറിറ്റ്) എന്നിവിടങ്ങളിലേക്കും എംബിഎ പുനഃവിജ്ഞാപനം പ്രകാരം പ്രവേശനത്തിന് അപേക്ഷിച്ചവരുടെ ഗ്രൂപ്പ് ഡിസ്കഷനും, അഭിമുഖവും പത്തിന് സർവകലാശാലാ കാന്പസിലെ കോമേഴ്സ് പഠനവകുപ്പിൽ നടക്കും. അർഹരായവരുടെ ലിസ്റ്റ് സർവകലാശാലാ വെബ്സൈറ്റിൽ.
എംഎസ് സി റേഡിയേഷൻ ഫിസിക്സ് റാങ്ക്ലിസ്റ്റ്
എംഎസ് സി റേഡിയേഷൻ ഫിസിക്സ് പ്രൊവിഷണൽ റാങ്ക്ലിസ്റ്റ് വെബ്സൈറ്റിൽ.(www.cuonline.ac.in). പ്രവേശനം 17ന് രാവിലെ പത്തിന് ഫിസിക്സ് പഠനവകുപ്പിൽ നടക്കും. ഫോണ് : 0494 2407415.
ബിരുദ പ്രവേശനം
ബിരുദ പ്രവേശനത്തിന് വിദ്യാർഥികൾക്ക് ലോഗിൻ ചെയ്ത് അവരുടെ റാങ്കും വേക്കൻസിയും പരിശോധിച്ച് കോളജുകളിൽ മൂന്നിന് 11ന് വരെ റിപ്പോർട്ട് ചെയ്യാൻ അവസരമുണ്ടായിരിക്കും.
പരീക്ഷാ അപേക്ഷ
വിദൂരവിദ്യാഭ്യാസം, പ്രൈവറ്റ് രജിസ്ട്രേഷൻ രണ്ടാം സെമസ്റ്റർ ബിഎ, ബിഎ (പിഒടി), ബിഎ അഫ്സൽഉൽഉലമ (സിയുസിബിസിഎസ്എസ്) സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് 150 രൂപ പിഴയോടെ 11 വരെ അപേക്ഷിക്കാം.
വിദൂരവിദ്യാഭ്യാസം എംഎ മലയാളം ഡെസർട്ടേഷൻ
വിദൂരവിദ്യാഭ്യാസം എംഎ മലയാളം പ്രോഗ്രാമിന് 2016ൽ പ്രവേശനം നേടിയവർ ഒന്നാം വർഷ പരീക്ഷയുടെ ഭാഗമായി സമർപ്പിക്കേണ്ട ഡെസർട്ടേഷൻ 18നകം വിദൂരവിദ്യാഭ്യാസ വിഭാഗത്തിൽ സമർപ്പിക്കണം.
പരീക്ഷ
വിദൂരവിദ്യാഭ്യാസം മൂന്നാം സെമസ്റ്റർ യുജി (സിസിഎസ്എസ്) സപ്ലിമെന്ററി, ഇംപ്രൂവ്മെന്റ് പരീക്ഷ 22ന് ആരംഭിക്കും. അവസാന വർഷ ബിഡിഎസ് പാർട്ട് രണ്ട് അഡീഷണൽ, സപ്ലിമെന്ററി പരീക്ഷ 18ന് ആരംഭിക്കും.
ബിആർക് തിസീസ്
പത്താം സെമസ്റ്റർ ബിആർക് തിസീസ് ഏഴ് വരെ സമർപ്പിക്കാം.
പരീക്ഷാഫലം
2016 ജൂലൈയിൽ നടത്തിയ രണ്ടാം സെമസ്റ്റർ എംഎസ് സി ബയോടെക്നോളജി പരീക്ഷാഫലം വെബ്സൈറ്റിൽ.
ബിവോക് പ്രാക്ടിക്കൽ
ആറാം സെമസ്റ്റർ ബിവോക് സോഫ്റ്റ്വെയർ ഡവലപ്മെന്റ്, ടെക്നോളജി പ്രാക്ടിക്കൽ നാലിന് ആരംഭിക്കും.