എംഎഡിന് 20 വരെ അപേക്ഷിക്കാം
കണ്ണൂർ സർവകലാശാലയുടെ കീഴിലുള്ള സ്കൂൾ ഓഫ് പെഡഗോഗിക്കൽ സയൻസസിൽ എം എഡ് കോഴ്സിന് അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 20 വരെ നീട്ടി.
ഏഴും ഒൻപതും സെമസ്റ്റർ ബിഎ എൽഎൽബി പരീക്ഷകൾ
കണ്ണൂർ സർവകലാശാലയുടെ ഏഴും ഒൻപതും സെമസ്റ്റർ ബിഎ എൽഎൽബി ഡിഗ്രി (റഗുലർ/സപ്ലിമെന്ററി നവംബർ 2016) പരീക്ഷകൾക്കുള്ള അപേക്ഷകൾ പിഴകൂടാതെ ഈ മാസം ഒൻപത് വരെയും 150 രൂപ പിഴയോടെ 11 വരെയും സമർപ്പിക്കാം. അപേക്ഷയോടൊപ്പം ചലാൻ, എപിസി എന്നിവ 16നകം സർവകലാശാലയിൽ എത്തിക്കണം. പരീക്ഷാതീയതികൾ പിന്നീട് പ്രഖ്യാപിക്കും. ഫീസ് നിരക്ക് ഇപ്രകാരമാണ്: ആപ്ലിക്കേഷൻ ഫീസ് 40 രൂപ, തിയറി 90 രൂപ പേപ്പറൊന്നിന് (സപ്ലി: 110 രൂപ), പ്രാക്ടിക്കൽ 130 രൂപ (സപ്ലി: 150 രൂപ), ഡിസർട്ടേഷൻ/പ്രോജക്ട് 460 രൂപ, വൈവ 90 രൂപ, മാർക്ക് ലിസ്റ്റ് 60 രൂപ, സി.വി. ക്യാന്പ് ഫീസ് 150 രൂപ. സർവകലാശാല വെബ്സൈറ്റിൽനിന്നും ഡൗണ്ലോഡ് ചെയ്തെടുത്ത അപേക്ഷാഫോമിന് 40 രൂപയുടെ ചലാൻ അധികമായി അടയ്ക്കണം.
ബിടെക് നാലാം സെമസ്റ്റർ പ്രായോഗിക പരീക്ഷകൾ
ബിടെക് നാലാം സെമസ്റ്റർ സപ്ലിമെന്ററി/ഇംപ്രൂവ്മെന്റ്, മേയ് 2017 ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ് വിഭാഗം പ്രായോഗിക പരീക്ഷകൾ ഇന്നും നാളെയുമായി എൽബിഎസ് എൻജിനിയറിംഗ് കോളജിലും, ഓഗസ്റ്റ് ഏഴു മുതൽ ഒൻപതു വരെ വിവിധ കേന്ദ്രങ്ങളിലും നടത്തും. പരീക്ഷയ്ക്ക് അപേക്ഷിച്ച വിദ്യാർഥികൾ അതത് പരീക്ഷാകേന്ദ്രങ്ങളുമായി ബന്ധപ്പെടണം.
എംഎസ്സി ജോഗ്രഫി പ്രവേശനം
കണ്ണൂർ സർവകലാശാല ഭൂമിശാസ്ത്രവിഭാഗത്തിൽ എംഎസ്സി ഭൂമിശാസ്ത്രത്തിൽ എസ്സി വിഭാഗക്കാർക്ക് സീറ്റ് ഒഴിവുണ്ട്. യോഗ്യരായവർ അസൽ രേഖകൾ സഹിതം പയ്യന്നൂർ സ്വാമി ആനന്ദതീർഥ കാന്പസിൽ പ്രവർത്തിക്കുന്ന ഭൂമിശാസ്ത്ര വകുപ്പിൽ എട്ടിന് രാവിലെ 11 ന് ഹാജരാകണം.