രണ്ടും നാലും സെമസ്റ്റർ എംസിജെ, എംഎസ്ഡബ്ല്യു പരീക്ഷകൾ
കണ്ണൂർ സർവകലാശാലയുടെ രണ്ടും നാലും സെമസ്റ്റർ എംസിജെ, എംഎസ്ഡബ്ല്യു ഡിഗ്രി (റഗുലർ, സപ്ലിമെന്ററി, ഇംപ്രൂവ്മെന്റ് ജൂണ് 2017) പരീക്ഷകൾക്കുള്ള അപേക്ഷകൾ പിഴകൂടാതെ ഒൻപത് വരെയും 150 രൂപ പിഴയോടെ 11 വരെയും സമർപ്പിക്കാം. അപേക്ഷയോടൊപ്പം എപിസി, ചലാൻ എന്നിവ 16നകം സർവകലാശാലയിൽ എത്തിക്കണം. പരീക്ഷാതീയതികൾ പിന്നീട് പ്രഖ്യാപിക്കും. ഫീസ് ഇപ്രകാരമാണ്: ആപ്ലിക്കേഷൻ ഫീസ് 40 രൂപ, തിയറി 130 രൂപ പേപ്പറൊന്നിന് (സപ്ലിമെന്ററി 180), ഡിസർട്ടേഷൻ, പ്രോജക്ട് 460, വൈവ 90, മാർക്ക് ലിസ്റ്റ് 60, സിവി ക്യാന്പ് ഫീസ് 150 രൂപ. സർവകലാശാലയുടെ വെബ്സൈറ്റിൽനിന്നും ഡൗണ്ലോഡ് ചെയ്യുന്ന അപേക്ഷാഫോമിന് 40 രൂപ ചലാൻ അടയ്ക്കണം.
മൂന്നാം സെമസ്റ്റർ ബിഎസ്സിഎംഎൽടി പരീക്ഷ 23 മുതൽ
മൂന്നാം സെമസ്റ്റർ ബിഎസ്സി മെഡിക്കൽ ലബോറട്ടറി ടെക്നോളജി (എംഎൽടി) ഡിഗ്രി (സപ്ലിമെന്ററി ജൂണ് 2017) പരീക്ഷകൾ 23ന് ആരംഭിക്കും. അപേക്ഷകൾ പിഴകൂടാതെ ഒന്പത് വരെയും 150 രൂപ പിഴയോടെ 11 വരെയും സമർപ്പിക്കാം. അപേക്ഷയോടൊപ്പം എപിസി, ചലാൻ എന്നിവ 16നകം സർവകലാശാലയിൽ എത്തിക്കണം. ഫീസ് ഇപ്രകാരമാണ്. ആപ്ലിക്കേഷൻ ഫീസ് 40 രൂപ, തിയറി 80 രൂപ പേപ്പറൊന്നിന് (സപ്ലിമെന്ററി130), പ്രാക്ടിക്കൽ 110 (സപ്ലിമെന്ററി160), ഡിസർട്ടേഷൻ, പ്രോജക്ട് 460, വൈവ 90 രൂപ. സർവകലാശാലയുടെ വെബ്സൈറ്റിൽനിന്നും ഡൗണ്ലോഡ് ചെയ്യുന്ന അപേക്ഷാഫോമിന് 40 രൂപ ചലാൻ അടയ്ക്കണം.
എംഎസ്സി ഇലക്ട്രോണിക്സ് പ്രായോഗിക പരീക്ഷകൾ
രണ്ടാം സെമസ്റ്റർ എംഎസ്സി ഇലക്ട്രോണിക്സ് ഡിഗ്രിയുടെ (റഗുലർ, സപ്ലിമെന്ററി, ഇംപ്രൂവ്മെന്റ് മേയ് 2017) പ്രായോഗിക പരീക്ഷകൾ ഏഴു മുതൽ വിവിധ കേന്ദ്രങ്ങളിൽ ആരംഭിക്കും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
ബിടെക് ആറാം സെമസ്റ്റർ പ്രായോഗിക പരീക്ഷകൾ
ബിടെക് ആറാം സെമസ്റ്റർ റഗുലർ, സപ്ലിമെന്ററി മേയ് 2017 ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയിറിംഗ് വിഭാഗം പ്രായോഗിക പരീക്ഷകൾ ഏഴു മുതൽ 11 വരെ വിവിധ കേന്ദ്രങ്ങളിൽ നടത്തും. പരീക്ഷയ്ക്ക് അപേക്ഷിച്ച വിദ്യാർഥികൾ അതത് പരീക്ഷാകേന്ദ്രങ്ങളുമായി ബന്ധപ്പെടണം.