സർട്ടിഫിക്കറ്റ് കോഴ്സ് പരീക്ഷ
മനുഷ്യാവകാശവും കടമകളും എന്ന സർട്ടിഫിക്കറ്റ് കോഴ്സിന്റെ പരീക്ഷ 19 രാവിലെ 10 ന് കാര്യവട്ടം നിയമ പഠനവകുപ്പിൽ നടക്കും. പരീക്ഷാഫോറം നിയമ പഠനവകുപ്പിന്‍റെ ഓഫീസിൽ നിന്നും ലഭിക്കും. പരീക്ഷാഫോറം സമർപ്പിക്കാനുള്ള അവസാന തീയതി 14 വൈകുന്നേരം മൂന്നുവരെയാണ്. വിവരങ്ങൾക്ക് ഫോണ്: 04712308936.
ലക്ചറർ : അപേക്ഷ ക്ഷണിച്ചു
രാജാ രവിവർമ സെന്‍റർ ഓഫ് എക്സലൻസ് ഫോർ വിഷ്വൽ ആർട്സ്, മാവേലിക്കരയിൽ കരാറടിസ്ഥാനത്തിൽ ലക്ചറർ ഇൻ ആർട് ഹിസ്റ്ററി നിയമനത്തിന് അപേക്ഷ ക്ഷണിച്ചു. അവസാന തീയതി 11. വിശദവിവരങ്ങൾ വെബ്സൈറ്റിൽ
ബിഎൽഐഎസ്‌സി പ്രവേശന വിജ്ഞാപനം
വൈറ്റ് മെമ്മോറിയൽ കോളജ് ഓഫ് ആർട്സ് ആൻഡ് സയൻസ് ഫോർ വിമെൻ നടത്തുന്ന ഏകവത്സര ബിഎൽഐഎസ്‌സി (201718) കോഴ്സിലേക്കുള്ള പ്രവേശന വിജ്ഞാപനം വെബ്സൈറ്റിൽ
ഇന്‍റർവ്യൂ
യുഐടികളിലേക്ക് ബിസിനസ് മാനേജ്മെന്‍റ് വിഷയത്തിൽ കോണ്ട്രാക്ട് ലക്ച്ചറർ തസ്തികയിലേക്ക് അപേക്ഷിച്ച ഉദ്യോഗാർഥികളുടെ ഇന്‍റർവ്യൂ ഏഴിനും ഒൻപതിനും രാവിലെ 10 ന് നടക്കുന്നതാണ്. ഇന്‍റർവ്യൂ മെമ്മോ ലഭിച്ചവർ അന്നേ ദിവസം പാളയം സർവകലാശാല ആസ്ഥാനത്ത് ഹാജരാകേണ്ടതാണ്.
എംഎസ്‌സി കംപ്യൂട്ടേഷണൽ ബയോളജി ഫലം
ഏപ്രിലിൽ നടത്തിയ എംഎസ്‌സി കംപ്യൂട്ടേഷണൽ ബയോളജി 201517 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു. രാജേഷ് കുമാർ മൗര്യ ഒന്നാം റാങ്ക് കരസ്ഥമാക്കി.
ബിഎഡ് സ്പോട്ട് അഡ്മിഷൻ
ട്രെയിനിംഗ് കോളജുകളിലും കോളജ് ഓഫ് ടീച്ചർ എഡ്യുക്കേഷനുകളിലും 201719 അധ്യയന വർഷത്തെ ബിഎഡ് കോഴ്സിലേക്ക് ഒഴിവുള്ള സീറ്റുകളിൽ എട്ടിനും ഒന്പതിനും സ്പോട്ട് അഡ്മിഷൻ അതത് കോളജുകളിൽ നടത്തുന്നതാണ്. അഡ്മിഷൻ ആഗ്രഹിക്കുന്ന വിദ്യാർഥികൾ അസൽ സർട്ടിഫിക്കറ്റുകളുമായി രാവിലെ 10 ന് മുന്പായി കോളജുകളിൽ നേരിട്ട് ഹാജരാകണം. എല്ലാ കോളജുകളും 11നകം അഡ്മിഷൻ നടപടികൾ പൂർത്തിയാക്കേണ്ടതാണ്.
ബിഎ ഫലം
2016 നവംബറിൽ നടത്തിയ രണ്ടാം സെമസ്റ്റർ ബിഎ സിബിസിഎസ് (2010, 2011 ആൻഡ് 2012 സ്കീം സപ്ലിമെന്‍ററി) ഫലവും കരട് മാർക്ക് ലിസ്റ്റും വെബ്സൈറ്റിൽ. സൂക്ഷ്മപരിശോധനയ്ക്കും പുനർമൂല്യനിർണയത്തിനും 26 വരെ അപേക്ഷിക്കാം.