എൻഎൽപി പരിശീലനത്തിന് അപേക്ഷിക്കാം
ഇസ്ലാമിക് ചെയറിന്റെ ആഭിമുഖ്യത്തിൽ ന്യൂറോ ലിംഗ്വിസ്റ്റിക് പ്രോഗ്രാമിംഗ് (എൻഎൽപി) 27, 28 തിയതികളിൽ പരിശീലന പരിപാടി സംഘടിപ്പിക്കുന്നു. ഫോണ്: 9746904678.
ബിഎഡ്: ഒഴിവുള്ള സീറ്റുകളിലേക്ക് അപേക്ഷിക്കാം
ബിഎഡ് കോഴ്സുകൾക്ക് ഒഴിവുള്ള സീറ്റിലേക്ക് പ്രവേശനം നേടുന്നതിന് ഇതുവരെ രജിസ്റ്റർ ചെയ്യാത്തവർക്ക് 25 വരെ ഫീസടക്കാം. അപേക്ഷ 26 വരെ ഓണ്ലൈനായി സമർപ്പിക്കാം.
പിജി ഇംഗ്ലീഷ് പ്രവേശന പരീക്ഷ
പിജി പ്രവേശനത്തിനു അപേക്ഷിച്ച് ബിരുദതലത്തിൽ ഇംഗ്ലീഷ് കോർ വിഷയമായി പഠിച്ചിട്ടില്ലാത്തവർക്ക് പ്രവേശന പരീക്ഷ ഏഴിന് സർവകലാശാലാ ടാഗോർ നികേതനിൽ നടക്കും. ഓണ്ലൈൻ അപേക്ഷയുടെ പകർപ്പ് സഹിതം രാവിലെ പത്തിന് എത്തണം.
എംഎസ്ഡബ്ല്യൂ പ്രവേശന പരീക്ഷാ റാങ്ക് ലിസ്റ്റ്
എംഎസ്ഡബ്ല്യൂ പ്രവേശന പരീക്ഷാ പ്രൊവിഷണൽ റാങ്ക് ലിസ്റ്റ് വെബ്സൈറ്റിൽ. അലോട്ട്മെന്റ് എട്ടിന് രാവിലെ പത്തിന് സർവകലാശാലാ ടാഗോർ നികേതൻ ഹാളിൽ നടക്കും. ഫോണ്: 04936 226258.
പിജി പരീക്ഷകളിൽ മാറ്റം
എട്ട് മുതൽ 14 വരെ നടത്താനിരുന്ന വിദൂരവിദ്യാഭ്യാസം ഒന്ന്, രണ്ട് സെമസ്റ്റർ/പ്രീവിയസ് എംഎ പരീക്ഷകളും, അഫിലിയേറ്റഡ് കോളജുകളിലെ നാലാം സെമസ്റ്റർ എംഎസ്സി/എംകോം/എംസിജെ/എംഎസ്ഡബ്ല്യൂ/എംടിടിഎം/എംബിഇ (സിയുസിഎസ്എസ്) പരീക്ഷകളും മാറ്റി. മറ്റ് തിയതികളിലെ പരീക്ഷകൾക്ക് മാറ്റമില്ല. പുതുക്കിയ ടൈംടേബിൾ വെബ്സൈറ്റിൽ.
യുജി പരീക്ഷകളിൽ മാറ്റം
11, 14 തിയതികളിൽ നടത്താനിരുന്ന കോളജ്/പ്രൈവറ്റ് രജിസ്ട്രേഷൻ/വിദൂരവിദ്യാഭ്യാസം രണ്ടാം സെമസ്റ്റർ ബികോം/ബിബിഎ/ബിഎച്ച്എ/ബികോം ഓണേഴ്സ്/ബിടിഎച്ച്എം/ബികോം പ്രൊഫഷണൽ റഗുലർ/സപ്ലിമെന്ററി പരീക്ഷകൾ യഥാക്രമം 21, 22 തിയതികളിലേക്ക് മാറ്റി. സമയം ഉച്ചയ്ക്ക് 1.30 മുതൽ 4.30 വരെ.
ഒന്പത്, പത്ത് തിയതികളിൽ നടത്താനിരുന്ന ബിഎഡ് രണ്ടാം സെമസ്റ്റർ റഗുലർ/സപ്ലിമെന്ററി പരീക്ഷകൾ യഥാക്രമം 16, 17 തിയതികളിലേക്ക് മാറ്റി. സമയം രാവിലെ 9.30 മുതൽ 12.30 വരെ.
പരീക്ഷാഫലം
രണ്ടാം സെമസ്റ്റർ ബിഎസ്സി/ബിസിഎ (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് ഏപ്രിൽ 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് അപേക്ഷിക്കാനുള്ള തിയതി പിന്നീട് അറിയിക്കും.
ആറാം സെമസ്റ്റർ ബിബിഎഎൽഎൽബി (ഓണേഴ്സ്) നവംബർ 2016, എൽഎൽബി (പഞ്ചവത്സരം) ഒക്ടോബർ 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 19 വരെ അപേക്ഷിക്കാം.