ബിരുദ ഏകജാലകം : രണ്ടാം സപ്ലിമെന്ററി അലോട്ട്മെന്റിന് ഓപ്ഷൻ പുനഃക്രമീകരണം നാളെവരെ
11നു നടത്തുന്ന രണ്ടാം സപ്ലിമെന്ററി അലോട്ട്മെന്റിന് പരിഗണിക്കുന്നതിനായി അപേക്ഷകർക്ക് തങ്ങൾ നേരത്തേ നൽകിയ ഓപ്ഷനുകൾ നാളെ വൈകുന്നേരം അഞ്ചു വരെ പുനഃക്രമീകരിക്കാം. അപേക്ഷകർക്ക് തങ്ങളുടെ ആപ്ലിക്കേഷൻ നന്പർ, പാസ്വേഡ് എന്നിവ ഉപയോഗിച്ച് ലോഗിൻ ചെയ്ത് ഓപ്ഷനുകളിൽ ആവശ്യമായ പുനഃക്രമീകരണം നടത്താം. എന്നാൽ പുതുതായി കോളജുകളോ, പ്രോഗ്രാമുകളോ കൂടുതലായി കൂട്ടിച്ചേർക്കാൻ ഈ ഘട്ടത്തിൽ സാധിക്കുകയില്ല. ഒന്നാം സപ്ലിമെന്ററി അലോട്ട്മെന്റ് വഴി പ്രവേശനം ലഭിച്ച വിദ്യാർഥികൾ തങ്ങൾക്ക് നിലവിൽ ലഭിച്ച അലോട്ട്മെന്റിൽ തൃപ്തരാണെങ്കിൽ നിലനിൽക്കുന്ന ഹയർ ഓപ്ഷനുകൾ ഡിലീറ്റ് ചെയ്യണം. അലോട്ട്മെന്റ് ലഭിച്ച വിദ്യാർഥികൾ ഹയർ ഓപ്ഷനുകൾ ഡിലീറ്റ് ചെയ്യാതിരിക്കുകയും തന്മൂലം രണ്ടാം സ്പെഷൽ അലോട്ട്മെന്റിൽ പുതുതായി ഹയർ ഓപ്ഷനിലെ മറ്റൊരു പ്രോഗ്രാമിലേക്ക്, കോളജിലേക്ക് അലോട്ട്മെന്റ് ലഭിക്കുകയും ചെയ്യുന്ന പക്ഷം പുതുതായി അലോട്ട്മെന്റ് ലഭിച്ച പ്രോഗ്രാമിലേക്ക്, കോളജിലേക്ക് നിർബന്ധമായും പ്രവേശനം സ്വീകരിക്കേണ്ടതായി വരും. കൂടാതെ അവർക്ക് ആദ്യം ലഭിച്ച അലോട്ട്മെന്റ് നഷ്ടപ്പെടുകയും ചെയ്യും. സ്ഥിര പ്രവേശനം നേടിയവർ ഹയർ ഓപ്ഷനുകൾ റദ്ദാക്കേണ്ടതില്ല.
പരീക്ഷാത്തീയതി
രണ്ടാം സെമസ്റ്റർ എംഎസ്സി അപ്ലൈഡ് ഫിഷറീസ് ആൻഡ അക്വാകൾച്ചർ (സിഎസ്എസ് 2013 അഡ്മിഷൻ റെഗുലർ, 2012 അഡ്മിഷൻ ഇംപ്രൂവ്മെന്റ് ആൻഡ് സപ്ലിമെന്ററി) ഡിഗ്രി പരീക്ഷകൾ 22ന് ആരംഭിക്കും. അപേക്ഷകൾ 11വരെയും, 50 രൂപ പിഴയോടെ 14 വരെയും, 500 രൂപ സൂപ്പർഫൈനോടെ 16 വരെയും സ്വീകരിക്കും. റെഗുലർ വിദ്യാർഥികൾ 150 രൂപയും വീണ്ടുമെഴുതുന്നവർ പേപ്പറൊന്നിന് 30 രൂപ വീതവും സിവി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടയ്ക്കണം.
മേഴ്സി ചാൻസ് പരീക്ഷ
ബിഎ, ബിഎസ്സി ബികോം, ബിഎ മൾട്ടിമീഡിയ (വൊക്കേഷണൽ മോഡൽ രണ്ട് 2009ന് മുന്പുള്ള അഡ്മിഷൻ) വിദ്യാർഥികളുടെ അവസാന മേഴ്സി ചാൻസ് ഡിഗ്രി പരീക്ഷകൾ 18ന് ആരംഭിക്കും. കോട്ടയം, പത്തനംതിട്ട ജില്ലകളിലെ കോളജുകൾ പരിക്ഷാകേന്ദ്രമായി അപേക്ഷിച്ചിട്ടുള്ള വിദ്യാർഥികൾ കോട്ടയം ഗവണ്മെന്റ് കോളജിൽ നിന്നു ഹാൾ ടിക്കറ്റ് വാങ്ങി അവിടെത്തന്നെയും, ഇടുക്കി ജില്ലയിലെ കോളജുകൾ പരീക്ഷാകേന്ദ്രമായി അപേക്ഷിച്ചിട്ടുള്ള വിദ്യാർഥികൾ മൂലമറ്റം സെന്റ് ജോസഫ് കോളജിൽ നിന്നു ഹാൾ ടിക്കറ്റ് വാങ്ങി അവിടെത്തന്നെയും, എറണാകുളം ജില്ലയിലെ കോളജുകൾ പരിക്ഷാകേന്ദ്രമായി അപേക്ഷിച്ചിട്ടുള്ള വിദ്യാർഥികൾ തൃക്കാക്കര ഭാരതമാതാ കോളജിൽ നിന്നു ഹാൾ ടിക്കറ്റ് വാങ്ങി അവിടെത്തന്നെയും പരീക്ഷ എഴുതണം. വിശദമായ ടൈംടേബിൾ സർവകലാശാലാ വെബ് സൈറ്റിൽ ലഭ്യമാണ്.
പരീക്ഷാഫലം
2017 മാർച്ചിൽ നടത്തിയ ഒന്നും രണ്ടും സെമസ്റ്റർ ബിപിഎഡ് (സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ 21 വരെ സ്വീകരിക്കും.
ഉത്തരക്കടലാസ് കൈപ്പറ്റണം
2017 ജൂണിൽ നടത്തിയ രണ്ടും നാലും സെമസ്റ്റർ എംഎഡ് (ദ്വിവത്സരം) ഡിഗ്രി പരീക്ഷകളുടെ ഉത്തരക്കടലാസ് മൂല്യനിർണയത്തിനായി നിയോഗിക്കപ്പെട്ട അധ്യാപകർ എട്ടിന് രാവിലെ 11ന്് പുതിയ പരീക്ഷാഭവനിലെ മൂല്യനിർണയക്യാന്പിൽ നിന്നു ഉത്തരക്കടലാസ് കൈപ്പറ്റണം.
9447 230 637.