പി.ജി എൻട്രൻസ് 2017: അക്കാദമിക വിവരങ്ങൾ അപ്ലോഡ് ചെയ്യണം
പി.ജി എൻട്രൻസ് 2017(സിഎസ്എസ്)പരീക്ഷ എഴുതിയവരുടെ അക്കാഡമിക് ഡീറ്റെയിൽസ് സർകലാശാല വെബ്സൈറ്റിൽ ലോഗിൻ ചെയ്ത് 10നു വൈകുന്നേരം അഞ്ചിനുമുന്പായി അപ്ലോഡ് ചെയ്യണം.
ബിഎ ഫലം
ഏപ്രിൽ/മേയിൽ നടത്തിയ ബിഎ ആന്വൽ സ്കീം പാർട്ട് മൂന്ന് ഇംഗ്ലീഷ് ലിറ്ററേച്ചർ മെയിൻ പരീക്ഷയുടെ സപ്ലിമെന്ററി (ഓഫ്ലൈൻ) വിദ്യാർഥികളുടെ തടഞ്ഞുവച്ചിരുന്ന ഫലം വെബ്സൈറ്റിൽ ലഭിക്കും.
ബിഎസ്സി മേഴ്സി ചാൻസ് ടൈംടേബിൾ
21ന് ആരംഭിക്കുന്ന ബിഎസ്സി (ആന്വൽ സ്കീം) പാർട്ട് മൂന്ന് മെയിൻ വിഷയങ്ങളുടെ മേഴ്സി ചാൻസ് പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
ബിഎംഎംഎഎം ഫലം
2016 നവംബറിൽ നടത്തിയ രണ്ടാം സെമസ്റ്റർ (ഫുൾടൈം, റെഗുലർ) ബിഎംഎംഎഎം ഡിഗ്രി പരീക്ഷാഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്ക് 22 വരെ അപേക്ഷിക്കാം.
മനുഷ്യാവകാശത്തിലുള്ള പി.ജി ഡിപ്ലോമ കോഴ്സിന് അപേക്ഷ ക്ഷണിച്ചു
നിയമവകുപ്പ് മനുഷ്യാവകാശത്തിലുള്ള പി.ജി ഡിപ്ലോമ കോഴ്സിന് അപേക്ഷ ക്ഷണിച്ചു. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. എട്ട് മാസം ദൈർഘ്യമുള്ള കോഴ്സിന് 2500/ രൂപയാണ് ഫീസ്. അപേക്ഷ സമർപ്പിക്കേണ്ട അവസാന തീയതി 31നു ഉച്ചകഴിഞ്ഞ് മൂന്നുവരെ. ഫോണ്: 04712308936.
ബിഎസ്സി ഇലക്ട്രോണിക്സ് പ്രാക്ടിക്കൽ ടൈംടേബിൾ
നാലാം സെമസ്റ്റർ ബിഎസ്സി ഇലക്ട്രോണിക്സ് പ്രാക്ടിക്കൽ പരീക്ഷകൾ 16 മുതലും രണ്ടാം സെമസ്റ്റർ പരീക്ഷകൾ 22 മുതലും അതത് പരീക്ഷാ കേന്ദ്രങ്ങളിൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ ലഭിക്കും.
സിബിസിഎസ് റാങ്കുകൾ പ്രസിദ്ധീകരിക്കില്ല
ബിഎ, ബിഎസ്സി, ബികോം ഡിഗ്രി കോഴ്സുകൾക്ക് സിബിസിഎസ് നടപ്പിലാക്കിയതിനെ തുടർന്ന് റാങ്ക് നൽകുന്ന രീതി നിറുത്തലാക്കി. പുനർമൂല്യനിർണയവും സൂക്ഷ്മപരിശോധനയും കഴിഞ്ഞ ശേഷം മാത്രം പൊസിഷൻ സർട്ടിഫിക്കറ്റ് നൽകും. ആയതിനാൽ സർവകലാശാലയുടെ ആധികാരിക രേഖയില്ലാത്ത റാങ്ക് പരസ്യപ്പെടുത്തുന്ന രീതി നിറുത്തിവയ്ക്കണം.
ബിഎച്ച്.എം പരീക്ഷ
ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി (ബിഎച്ച്എം) യുടെ (2014 സ്കീം) ആറാം സെമസ്റ്റർ പരീക്ഷയ്ക്കുള്ള ഓണ്ലൈൻ രജിസ്ട്രേഷൻ എട്ടിന് ആരംഭിക്കും. പിഴ കൂടാതെ 16വരെ (50 രൂപ പിഴയോടെ ആഗസ്റ്റ് 18, 125 രൂപ പിഴയോടെ ആഗസ്റ്റ് 19) ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.