രണ്ടാം സെമസ്റ്റർ പിജി (പഠന വകുപ്പ്) ടൈംടേബിൾ
കണ്ണൂർ സർവകലാശാലയുടെ പഠനവകുപ്പുകളിൽ 14 മുതൽ ആരംഭിക്കുന്ന രണ്ടാം സെമസ്റ്റർ എംഎ/എംഎസ്സി/എംബിഎ/എംസിജെ/ എംഎൽഐഎസ്സി/എംസിഎ (ലാറ്ററൽ എൻട്രി ഉൾപ്പെടെ) ഡിഗ്രികളുടെ (സിസിഎസ്എസ് റഗുലർ/സപ്ലിമെന്ററിമേയ് 2017) പരീക്ഷാ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
ബിഎഎൽഎൽബി (ഓണേഴ്സ്) പരീക്ഷാഫലം
ഒന്നും ഏഴും സെമസ്റ്റർ ബിഎഎൽഎൽബി (ഓണേഴ്സ്) ഡിഗ്രി (സപ്ലിമെന്ററിഡിസംബർ 2015) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം/സൂക്ഷ്മ പരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ 23 വരെ സർവകലാശാലയിൽ സ്വീകരിക്കും.
തീയതി നീട്ടി
കണ്ണൂർ സർവകലാശാലയുടെ ധർമശാലയിലെ സ്കൂൾ ഓഫ് പെഡഗോഗിക്കൽ സയൻസസിൽ എംഎഡ് പ്രവേശനത്തിന് അപേക്ഷിക്കാനുള്ള അവസാന തീയതി ഈമാസം 20 വരെ നീട്ടി. ബിഎഡ് പരീക്ഷയെഴുതി ഫലം കാത്തിരിക്കുന്നവർക്കും അപേക്ഷിക്കാം. ഫോൺ: 0497 2781290.