കോഴിക്കോട് പി.ടി. ഉഷ റോഡിലെ ഫാഷൻ ഡിസൈനിംഗ് കേന്ദ്രത്തിൽ കാലിക്കട്ട് സർവകലാശാല നേരിട്ടുനടത്തുന്ന ബിഎസ്സി കോസ്റ്റ്യൂം ആൻഡ് ഫാഷൻ ഡിസൈനിംഗ് കോഴ്സിൽ ഏതാനും സീറ്റുകൾ ഒഴിവുണ്ട്. ഏകജാലക ബിരുദ പ്രവേശനത്തിന് രജിസ്റ്റർ ചെയ്തവരിൽ താത്പര്യമുള്ളവർക്ക് പ്രവേശനം നൽകും. 14ന് വൈകുന്നേരം നാലുവരെ പി.ടി. ഉഷ റോഡിലെ കേന്ദ്രത്തിൽ ഹാജരായി പ്രവേശനം നേടാം. വിവരങ്ങൾക്ക് 9656358717, 0495 2761335.
യുജി മൂല്യനിർണയ ക്യാന്പ്
മൂന്നാം സെമസ്റ്റർ ബിഎ, ബിഎസ് സി, ബികോം, ബിബിഎ (സിയുസിബിസിഎസ്എസ്) നവംബർ 2016 പരീക്ഷകളുടെ മൂല്യനിർണയ ക്യാന്പ് 24, 25 തിയതികളിൽ നടക്കും. അഫിലിയേറ്റഡ് ആർട്സ് ആൻഡ് സയൻസ്, അറബിക് കോളജുകളിൽ ഈ ദിവസങ്ങളിൽ റഗുലർ ക്ലാസുകൾ ഉണ്ടായിരിക്കുന്നതല്ല. അധ്യാപകർ ക്യാന്പിന്റെ വിവരങ്ങളറിയാൻ ക്യാന്പ് ചെയർമാൻമാരുമായി ബന്ധപ്പെടേണ്ടതാണ്. വിവരങ്ങൾ വെബ്സൈറ്റിൽ.
പുനഃപ്രവേശനം
അഫിലിയേറ്റഡ് കോളജുകളിൽ 2014, 2015 വർഷങ്ങളിൽ ബിരുദ പഠനത്തിന് ചേർന്ന് (സിയുസിബിസിഎസ്എസ്) ഒന്ന് മുതൽ നാല് വരെ സെമസ്റ്റർ വരെയുള്ള പരീക്ഷകൾ എഴുതിയ ശേഷം തുടർ പഠനം നടത്താനാകാത്തവർക്ക് വിദൂരവിദ്യാഭ്യാസം വഴി അഞ്ചാം സെമസ്റ്ററിൽ പഠനം തുടരാവുന്നതാണ്. അപേക്ഷ പിഴകൂടാതെ 31 വരെ ഓണ്ലൈനിൽ അപേക്ഷിക്കാം. പ്രിന്റൗട്ടും രേഖകളും സഹിതം ഡയറക്ടർ, സ്കൂൾ ഓഫ് ഡിസ്റ്റൻസ് എഡ്യുക്കേഷൻ, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തിൽ സെപ്റ്റംബർ ഏഴിനകം ലഭിക്കണം. 50 രൂപ കൂടി അടച്ച് അപേക്ഷ എസ്ഡിഇ ഓഫീസിൽ നേരിട്ട് സമർപ്പിച്ച് സ്പോട്ട് അഡ്മിഷൻ നേടാവുന്നതുമാണ്. ഫോണ്: 0494 2407356.
റാങ്ക് ലിസ്റ്റും അലോട്ട്മെന്റും
എംഎസ് സി ക്ലിനിക്കൽ സൈക്കോളജി പ്രവേശന റാങ്ക് ലിസ്റ്റും കോളജുകളിലേക്കുള്ള ഒന്നാംഘട്ട അലോട്ട്മെന്റ് ലിസ്റ്റും പ്രസിദ്ധീകരിച്ചു. അലോട്ട്മെന്റ് ലഭിച്ചവർ 14ന് വൈകുന്നേരം മൂന്നിന് മുന്പ് ആവശ്യമായ രേഖകൾ സഹിതം കോളജുകളിൽ പ്രവേശനം നേടണം. സഹൃദയ കോളജ് ഓഫ് അഡ്വാൻസ്ഡ് സ്റ്റഡീസിൽ പ്രവേശനം ആഗ്രഹിക്കുന്ന റാങ്ക് ലിസ്റ്റിൽ ഉൾപ്പെട്ടവർക്ക് കോളജിൽ 14ന് രാവിലെ 11ന് വരെയാണ് റിപ്പോർട്ട് ചെയ്യേണ്ടത്.
റിപ്പോർട്ട് ചെയ്തവരിൽ നിന്ന് റാങ്ക് ലിസ്റ്റ് തയ്യാറാക്കി പ്രസിദ്ധീകരിച്ച് 14ന് സഹൃദയ കോളജിൽ പ്രവേശനം നൽകും. ഹയർ ഓപ്ഷൻ ഉള്ള വിദ്യാർഥികൾക്ക് കോളജുകളിൽ താത്കാലിക പ്രവേശനം അനുവദിക്കും. ഇവർ ഫീസ് അടയ്ക്കേണ്ടതില്ല.
പ്രവേശന റാങ്ക് ലിസ്റ്റ്
സ്കൂൾ ഓഫ് ഹെൽത്ത് സയൻസസിൽ നടത്തുന്ന സ്വാശ്രയ എംഎസ്സി ഫുഡ് സയൻസ് ആൻഡ് ടെക്നോളജി എൻട്രൻസ് വിഭാഗം പ്രവേശന റാങ്ക് ലിസ്റ്റും നോണ് എൻട്രൻസ് വിഭാഗം താത്കാലിക റാങ്ക് ലിസ്റ്റും ഡയറക്ടറേറ്റ് ഓഫ് അഡ്മിഷൻ വെബ്സൈറ്റിൽ. വിവരങ്ങൾക്ക്: 0494 2407345.
11, 14 തിയതികളിലെ ബികോം പരീക്ഷ മാറ്റി
11നും 14നും നടത്താനിരുന്ന വിദൂരവിദ്യാഭ്യാസം രണ്ടാം സെമസ്റ്റർ ബികോം, ബിബിഎ (സിയുസിബിസിഎസ്എസ്) പരീക്ഷകൾ യഥാക്രമം 21, 22 തിയതികളിലേക്ക് പുനഃക്രമീകരിച്ചു. ടൈംടേബിൾ വെബ്സൈറ്റിൽ.
ബിപിഇ സ്പെഷൽ പരീക്ഷ
അവസരം കഴിഞ്ഞ 2002 മുതൽ 2010 വരെ പ്രവേശനം (2002 സ്കീം, സിലബസ്) ഒന്ന്, രണ്ട്, മൂന്ന് വർഷ ബിപിഇ (ത്രിവത്സരം) വിദ്യാർഥികൾക്കായി സ്പെഷൽ പരീക്ഷ നടത്തുന്നു. അപേക്ഷ സാധാരണ ഫോമിൽ 21നകം ലഭിക്കണം. പരീക്ഷാ ഫീ പേപ്പറൊന്നിന് 2,500 രൂപ. വിശദമായ വിജ്ഞാപനം വെബ്സൈറ്റിൽ.
ഹാൾടിക്കറ്റ്
വിദൂരവിദ്യാഭ്യാസം 16ന് ആരംഭിക്കുന്ന രണ്ടാം സെമസ്റ്റർ ബികോം, ബിബിഎ റഗുലർ, സപ്ലിമെന്ററി, ഇംപ്രൂവ്മെന്റ് (സിയുസിബിസിഎസ്എസ്) ഏപ്രിൽ 2017 പരീക്ഷകളുടെ ഹാൾടിക്കറ്റും ടൈംടേബിളും വെബ്സൈറ്റിൽ.
പരീക്ഷ
മൂന്നാം സെമസ്റ്റർ എംആർക് റഗുലർ, സപ്ലിമെന്ററി (ഇന്റേണൽ) പരീക്ഷ 21ന് ആരംഭിക്കും.
വൈവാ വോസി
വിദൂരവിദ്യാഭ്യാസം മൂന്ന്, നാല് സെമസ്റ്റർ എംഎ അറബിക് ഏപ്രിൽ, മേയ് പരീക്ഷയുടെ വൈവാ വോസി ആൻഡ് സൈമൾട്ടേനിയസ് ട്രാൻസ്ലേഷൻ പ്രാക്ടിക്കൽ 21 മുതൽ 26 വരെ പെരിന്തൽമണ്ണ പിടിഎം ഗവണ്മെന്റ് കോളജിൽ നടക്കും.
വിദൂരവിദ്യാഭ്യാസം ഫൈനൽ എംഎ സോഷ്യോളജി വൈവാ വോസി 21 മുതൽ കോഴിക്കോട് ഗുരുവായൂരപ്പൻ കോളജിലും (നോർത്ത് സോണ്) തൃശൂർ വിമല കോളജിലും (സൗത്ത് സോണ്) നടക്കും. വിദൂരവിദ്യാഭ്യാസം ഫൈനൽ എംഎ മലയാളം വൈവാ വോസി 22 മുതൽ കോഴിക്കോട് ഗുരുവായൂരപ്പൻ കോളജിലും (നോർത്ത് സോണ്) പട്ടാന്പി എസ്എൻജിഎസ് കോളജിലും (സൗത്ത് സോണ്) നടക്കും. ഷെഡ്യൂൾ വെബ്സൈറ്റിൽ.
ഗ്രേഡ് കാർഡ്
മാർച്ചിൽ നടത്തിയ രണ്ടാം വർഷ അഫ്സൽഉൽഉലമ പ്രിലിമിനറി പരീക്ഷയുടെ ഗ്രേഡ് കാർഡുകൾ 14 മുതൽ പരീക്ഷാകേന്ദ്രങ്ങളിൽ വിതരണം ചെയ്യും.
ബി.ടെക് ഇന്റേണൽ ഇംപ്രൂവ്മെന്റ് പരീക്ഷ
ഏഴ്, അഞ്ച്, മൂന്ന് സെമസ്റ്റർ ബിടെക്, പാർട്ട്ടൈം ബിടെക് (2000, 2004, 2009, 2009 മുതൽ 2012 പ്രവേശനം സ്കീം) സെപ്റ്റംബർ 2017 ഇന്റേണൽ ഇംപ്രൂവ്മെന്റ് പരീക്ഷയ്ക്ക് അപേക്ഷിക്കാനുള്ള ലിങ്ക് 14 വരെ ലഭ്യമാകും.
ഐടി മിഷൻ പരീക്ഷാഫലം
2014 നവംബർ, ഡിസംബർ മാസങ്ങളിലും 2017 ഏപ്രിലിലുമായി നടത്തിയ ഐടി മിഷൻ പരീക്ഷകളായ ഡിഐടി, ജിഐടി, ഡിഡബ്ല്യൂപിഎ പരീക്ഷാഫലം സർവകലാശാലാ വെബ്സൈറ്റിൽ.
പരീക്ഷാഫലം
2016 ഡിസംബറിൽ നടത്തിയ എംബിഇ ഒന്ന്, മൂന്ന് സെമസ്റ്റർ പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 24 വരെ അപേക്ഷിക്കാം.
രണ്ടാം സെമസ്റ്റർ ബികോം, ബിഎ, ടിഎച്ച്എം സപ്ലിമെന്ററി, ഇംപ്രൂവ്മെന്റ് (സിസിഎസ്എസ്) ഏപ്രിൽ 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 23 വരെ അപേക്ഷിക്കാം. പ്രിന്റൗട്ട് ചലാൻ സഹിതം 29നകം ലഭിക്കണം.
പുനർമൂല്യനിർണയ ഫലം
നാലാം സെമസ്റ്റർ ബിഎംഎംസി (ഏപ്രിൽ 2016), അഞ്ചാം സെമസ്റ്റർ ബിഎംഎംസി (നവംബർ 2016), ആറാം സെമസ്റ്റർ ബിഎംഎംസി (ഏപ്രിൽ 2017) പരീക്ഷകളുടെയും മൂന്നാം സെമസ്റ്റർ എംഎച്ച്എ (ഡിസംബർ 2016) പരീക്ഷയുടെയും പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
പിജി ഇന്റേണൽ മാർക്ക്
രണ്ടാം സെമസ്റ്റർ എംഎ, എംഎസ് സി, എംകോം, എംഎസ്ബ്ല്യൂ, എംസിജെ, എംടിടിഎം, എംബിഇ, എംടിഎച്ച്എം (സിയുസിഎസ്എസ്) പരീക്ഷയുടെ ഇന്റേണൽ മാർക്ക് അപ്ലോഡ് ചെയ്യാനുള്ള ലിങ്ക് 24 വരെ ലഭ്യമാവും.
പിജി ഡെസർട്ടേഷൻ
നാലാം സെമസ്റ്റർ എംഎ, എംഎസ് സി, എംകോം, എംഎസ്ഡബ്ല്യൂ, എംഎൽഐഎസ് സി, എംസിജെ, എംടിടിഎം, എംടിഎച്ച്എം (സിയുസിഎസ്എസ്) ഡെസർട്ടേഷൻ സമർപ്പിക്കുന്നതിനുള്ള അവസാന തിയതി 26.