എംഎസ്ഡബ്ല്യു, എംഎഡ്, എംടെക് റാങ്ക് ലിസ്റ്റ് പ്രവേശന റാങ്ക് ലിസ്റ്റ് പ്രസിദ്ധീകരിച്ചു
എംഎസ്ഡബ്ല്യു സ്കൂൾ ഓഫ് പെഡഗോഗിക്കൽ സയൻസസിലെ എംഎഡ്, സ്കൂൾ ഓഫ് കെമിക്കൽ സയൻസിലെ എംടെക് പോളിമർ സയൻസ് ആൻഡ് ടെക്നോളജി എന്നീ പ്രോഗ്രാമുകൾക്ക് 2017 18 അക്കാദമിക വർഷത്തിലെ പ്രവേശന റാങ്ക് ലിസ്റ്റ് പ്രസിദ്ധപ്പെടുത്തി. ലിസ്റ്റിലുൾപെട്ടിട്ടുള്ളവർ 17ന് അസംബ്ലി ഹാളിൽ നടക്കുന്ന പ്രവേശന കൗണ്‍സിലിംഗിനു ഹാജരാകണം. കൂടുതൽ വിവരങ്ങൾ വെബ്സൈറ്റുകളിൽ. കൗണ്‍സലിംഗിനായി പ്രത്യേക അറിയിപ്പ് അയയ്ക്കില്ല.
പരീക്ഷ മാറ്റി
സ്കൂൾ ഓഫ് മെഡിക്കൽ എഡ്യൂക്കേഷൻ കേന്ദ്രങ്ങളിലും പത്തനംതിട്ട ചുട്ടിപ്പാറ സ്കൂൾ ഓഫ് അപ്ലൈഡ് ലൈഫ് സയൻസസിലും ഇന്നു മുതൽ എംജി യൂണിവേഴ്സിറ്റി നടത്താൻ നിശ്ചയിച്ചിരുന്ന എല്ലാ പരീക്ഷകളും മാറ്റിവച്ചു.
പുനർമൂല്യനിർണയ ഫലം
ആറാം സെമസ്റ്റർ ബിഎ (സിബിസിഎസ്എസ്) ഡിഗ്രി പരീക്ഷയുടെ പുനർമൂല്യനിർണയഫലം വെബ്സൈറ്റിൽ. മാർക്ക് വ്യത്യാസമുള്ള വിദ്യാർഥികൾ മെമ്മോ ഡൗണ്ലോഡ് ചെയ്തു യൂണിവേഴ്സിറ്റിയുമായി ബന്ധപ്പെട്ട ടാബുലേഷൻ സെക്ഷനിൽ ഹാജരാക്കണം.
സൂക്ഷ്മ പരിശോധന
2016 ഒകടോബറിലെ മൂന്നാം സെമസ്റ്റർ ബിഎ ഡിഗ്രി പരീക്ഷയുടെ സൂക്ഷ്മപരിശോധനയ്ക്ക് അപേക്ഷ നൽകിയിട്ടുള്ളവർ 16, 17, 18 തീയതികളിൽ പരിക്ഷാഭവനിലെ ഇ. ജെ പതിനൊന്ന് സെക്ഷനിൽ ഹാൾടിക്കറ്റ് സഹിതം ഹാജരാകണം.
2016 ഓഗസ്റ്റ്, സെപ്റ്റംബർ മാസങ്ങളിൽ നടത്തിയ രണ്ടാം സെമസ്റ്റർ എംകോം (സിഎസ്എസ് റെഗുലർ, സപ്ലിമെന്‍ററി) ഡിഗ്രി പരീക്ഷകളുടെ ഉത്തരക്കടലാസുകളുടെ സൂക്ഷ്മപരിശോധനയ്ക്ക് അപേക്ഷിച്ച വിദ്യാർഥികൾ 17, 18 തീയതികളിൽ ഹാൾടിക്കറ്റോ ഐഡി കാർഡോ സഹിതം പുതിയ പരിക്ഷാ ഭവനിലെ ഇ. ജെ അഞ്ച് സെക്ഷനിൽ (റൂം നന്പർ 226) ഹാജരാകണം.
സംവരണ സീറ്റൊഴിവ്
സ്കൂൾ ഓഫ് കംപ്യൂട്ടർ സയൻസസിൽ 2017 19 ബാച്ചിൽ എംഎസ്സി. കംപ്യൂട്ടർ സയൻസ് കോഴ്സിന് എസ്ടി വിഭാഗത്തിൽ ഒരു ഒരൊഴിവുണ്ട്. താത്പര്യമുള്ളവർ അസൽ സർട്ടിഫിക്കറ്റുകളുമായി 14ന് രാവിലെ 10നു സ്കൂൾ ഓഫിസിൽ ഹാജരാകണം. എസ്ടി വിഭാഗക്കാരുടെ അഭാവത്തിൽ എസ്‌സി വിഭാഗക്കാരെയും പരിഗണിക്കും. 0481 2731037.
എംഎസ്സി സീറ്റൊഴിവ്
സ്കൂൾ ഓഫ് ബിഹേവിയറൽ സയൻസസിൽ എംഎസ്സി ഡിസെബിലിറ്റി സ്റ്റഡീസ് ആൻഡ് റിഹാബിലിറ്റേഷൻ സയൻസസ് കോഴ്സിൽ ഏതാനും സീറ്റുകൾ ഒഴിവുണ്ട്. ആർട്സ് വിഷയങ്ങളിൽ 45 ശതമാനം മാർക്കോടെയോ സയൻസ് വിഷയങ്ങളിൽ 50 ശതമാനം മാർക്കോടെയോ ബിരുദമാണു യോഗ്യത. താത്പര്യമുള്ളവർ അസൽ സർട്ടിഫിക്കറ്റ് സഹിതം 17ന് രാവിലെ 10.30 ന് സ്കൂൾ ഓഫ് ബിഹേവിയറൽ സയൻസസിൽ ഹാജരാകണം. 0481 2731034.
ബാങ്ക് ക്ലാർക്ക് പരീക്ഷാ പരിശീലനം
കോഓപ്പറേറ്റീവ് സർവീസ് എക്സാമിനേഷൻ ബോർഡ്, സഹകരണ വകുപ്പിലെ ജൂണിയർ ക്ലാർക്ക് നിയമനത്തിനായി നടത്തുന്ന മത്സര പരീക്ഷയ്ക്കുള്ള പരിശീലനം എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ആരംഭിക്കും. സർവകലാശാലാ കാന്പസിൽ നടത്തുന്ന പരിശീലനത്തിൽ പങ്കെടുക്കാൻ താല്പര്യമുള്ളവർ കോഴ്സ് ഫീസായ 2,000 രൂപയടച്ചു പേരു രജിസ്റ്റർ ചെയ്യണം. പട്ടികജാതി, പട്ടികവർഗ, ഭിന്നശേഷി വിഭാഗത്തിൽപ്പെട്ട വിദ്യാർഥികൾക്ക് 50 ശതമാനം ഫീസിളവ് ഉണ്ടാകും. 0481 2731025.