ബിരുദ പ്രവേശനം അവസാനിച്ചു
കണ്ണൂർ സർവകലാശാലയുടെ കീഴിലുള്ള അഫിലിയേറ്റഡ് ആർട്സ് ആൻഡ് സയൻസ് കോളജുകളിലെ 201718 അധ്യയനവർഷത്തെ ഒന്നാം‌വർഷ ബിരുദ കോഴ്സുകളിലേക്കുള്ള പ്രവേശന നടപടികൾ അവസാനിച്ചു. ഇനി ഒരു കാരണവശാലും പ്രവേശനം അനുവദിക്കുന്നതല്ല.
മൂന്നാം സെമസ്റ്റർ എംഎസ്ഡബ്ല്യു പരീക്ഷാഫലം
കണ്ണൂർ സർവകലാശാലയുടെ മൂന്നാം സെമസ്റ്റർ എംഎസ്ഡബ്ല്യു (റഗുലർ/സപ്ലിമെന്‍ററിഡിസംബർ 2016) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
തുറന്ന സംവാദം 17 ന്
ബോട്ടണിയിൽ ഗവേഷണം നടത്തുന്ന ധ്രുവൻ തണ്ട്യേക്കൽ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്നസംവാദം 17ന് രാവിലെ 11ന് സർ‌സയ്യിദ് കോളജിലെ ബോട്ടണി വിഭാഗത്തിൽ നടത്തുന്നതാണ്. പ്രസ്തുത പ്രബന്ധം സെമിനാറിനു മൂന്നുദിവസം മുന്പു മുതൽ സർ സയ്യിദ് കോളജിലെ ബോട്ടണി വിഭാഗം ലൈബ്രറിയിൽ പരിശോധനയ്ക്കു ലഭ്യമായിരിക്കും.
എംബിഎ ഡിഗ്രി പ്രോജക്ട് ഇവാല്വേഷൻ വൈവ വോസി
നാലാം സെമസ്റ്റർ എംബിഎ (റഗുലർ ജൂലൈ 2017) ഡിഗ്രിയുടെ പ്രോജക്റ്റ് ഇവാലുവേഷൻ/വൈവ വോസി ഓഗസ്റ്റ് 21 മുതൽ മാങ്ങാട്ടുപറന്പ യൂനിവേഴ്സിറ്റി കാന്പസിൽ നടത്തുന്നതാണ്. വിശദമായ ടൈംടേബിൾ യൂണിവേഴ്സിറ്റി വെബ് സൈറ്റിൽ ലഭ്യമാണ്.
അസിസ്റ്റന്‍റ് പ്രഫസർ നിയമനം വാക്ക് ഇൻ ഇൻറ്റർവ്യൂ
കണ്ണൂർ സർവകലാശാലയുടെ കാസർഗോട്ട് പ്രവർത്തിക്കുന്ന കണ്ണൂർ സർവകലാശാല ടീച്ചർ എഡ്യുക്കേഷൻ സെന്‍ററിലേക്ക്, ഇംഗ്ലീഷ്, അറബിക് വിഷയങ്ങളിലേക്കു കരാറടിസ്ഥാനത്തിൽ അസിസ്റ്റന്‍റ് പ്രഫസർമാരെ നിയമിക്കുന്നതിനായി 23 ന് യഥാക്രമം രാവിലെ 10.30, 11.30 എന്നീ സമയങ്ങളിൽ സർവകലാശാലയുടെ താവക്കര കാന്പസിൽ വാക്ക് ഇൻ ഇൻറ്റർവ്യൂ നടത്തും. വിദ്യാഭ്യാസ യോഗ്യത: 1. ബന്ധപ്പെട്ട വിഷയത്തിൽ 55 ശതമാനം മാർക്കിൽ കുറയാത്ത കണ്ണൂർ യൂണിവേഴ്സിറ്റി അംഗീകരിച്ച ബിരുദാനന്തര ബിരുദം (വിഷയം: ഇംഗ്ലീഷ്, അറബിക്). 2. 55 ശതമാനം മാർക്കോടെ എംഎഡ്. 3. നെറ്റ്/പിഎച്ച്ഡി (നെറ്റ്/പിഎച്ച്ഡി യോഗ്യതയുള്ളവരുടെ അഭാവത്തിൽ മറ്റുള്ളവരെയും പരിഗണിക്കും). ജോലി പരിചയമുള്ളവർക്കു മുൻഗണന നൽകും. കണ്ണൂർ സർവകലാശാല നിയമങ്ങൾക്കു വിധേയമായിട്ടായിരിക്കും നിയമനം . തെരഞ്ഞെടുക്കപ്പെടുന്നവർക്ക് നെറ്റ്/പിഎച്ച്ഡി യോഗ്യതയുണ്ടെങ്കിൽ പ്രതിമാസം 25,000 രൂപയും മറ്റുള്ളവർക്ക് 21,000 രൂപയും വേതനം ലഭിക്കും.
ഇന്‍റർവ്യൂവിനു ഹാജരാകുന്ന ഉദ്യോഗാർഥികൾ വിദ്യാഭ്യാസ യോഗ്യത, വയസ്, ജാതി, ജനനതീയതി, ജോലിപരിചയം, ദേശീയ/അന്തർദേശീയ തലത്തിലുള്ള സെമിനാർ പ്രസന്‍റേഷൻസ്, പബ്ലിക്കേഷൻസ് എന്നിവ തെളിയിക്കുന്നതിനാവശ്യമായ എല്ലാ അസൽ സർട്ടിഫിക്കറ്റുകളും അവയുടെ സ്വയം സാക്ഷ്യപ്പടുത്തിയ പകർപ്പുമായി അന്നേദിവസം രാവിലെ 10.00 ന് താവക്കര കാന്പസിലുള്ള അക്കാദമിക് വിഭാഗത്തിൽ ഹാജരാകണം. കേരളത്തിനുപുറത്തുനിന്ന് നിർദിഷ്ട യോഗ്യത നേടിയ ഉദ്യോഗാർഥികളെ തുല്യതാ സർട്ടിഫിക്കറ്റ് ഹാജരാക്കാതെ ഇന്‍റർവ്യൂവിൽ പങ്കെടുപ്പിക്കുന്നതല്ല. പൂരിപ്പിച്ച അപേക്ഷയോടൊപ്പം സർവകലാശാലയൂടെ ഫണ്ടിൽ അടച്ച 200 രൂപയുടെ ഒറിജിനൽ ചലാൻ രസീത് ഹാജരാക്കണം. അപേക്ഷാഫോമും വിശദവിവരങ്ങളും സർവകലാശാലയുടെ വെബ്സൈറ്റിൽ (www.kannuruniversity.ac.in) ലഭ്യമാണ്. സംവരണാനുകൂല്യത്തിന് അർഹതയുള്ളവർ നോണ് ക്രിമിലയർ സർട്ടിഫിക്കറ്റ് ഹാജരാക്കണം. 10.30 ന് ശേഷം സമർപ്പിക്കുന്ന അപേക്ഷകൾ യാതൊരു കാരണവശാലും പരിഗണിക്കുന്നതല്ല. മൂന്നുവർഷം പൂർത്തിയാക്കുന്ന നിലവിൽ കരാറടിസ്ഥാനത്തിൽ പ്രവർത്തിക്കുന്ന അസിസ്റ്റന്‍റ് പ്രഫസർമാർക്ക് വകുപ്പ് തലവന്‍റെ സമ്മതപത്രം ഹാജരാക്കുന്ന പക്ഷം ഇന്‍റർവ്യൂവിൽ പങ്കെടുക്കാം.