ബിരുദം പ്രവേശനം: ഫൈനൽ അലോട്ട്മെന്റ് ഓപ്ഷൻ രജിസ്ട്രേഷൻ 18 വരെ
ബിരുദ പ്രവേശനത്തിനുള്ള ഫൈനൽ അലോട്ട്മെന്റിനു നാളെ മുതൽ 18 വരെ ഓപ്ഷൻ രജിസ്ട്രേഷൻ നൽകാം. ഓണ്ലൈൻ അപേക്ഷയിൽ വരുത്തിയ തെറ്റു മൂലം അലോട്ട്മെന്റിനു പരിഗണിക്കപ്പെടാത്തവർക്കും ലഭിച്ച പ്രവേശനം റദ്ദായവർക്കും അപേക്ഷിക്കാം. പ്രത്യേകമായി ഫീസ് അടക്കാതെ നിലവിലെ ആപ്ലിക്കേഷൻ നന്പരും പാസ്വേഡും ഉപയോഗിച്ച് www.cap.mgu.ac.in എന്ന വെബ്സൈറ്റിൽ അക്കൗണ്ട് ക്രിയേഷൻ എന്ന ലിങ്കിൽ ക്ലിക്ക് ചെയ്യുന്പോൾ ലഭിക്കുന്ന പുതിയ ആപ്ലിക്കേഷൻ നന്പരും പഴയ പാസ്വേർഡും ഉപയോഗിച്ചു ലോഗിൻ ചെയ്ത് ഓപ്ഷൻ പുതുക്കാം.
18നു വൈകുന്നേരം അഞ്ചു വരെ സമയമുണ്ട്. ലോഗിൻ ചെയ്ത ശേഷം നേരത്തേ നൽകിയ അപേക്ഷയിലെ തെറ്റു തിരുത്താം. ഓപ്ഷൻ നൽകിയ ശേഷം അപേക്ഷ സേവ് ചെയ്ത് ഓണ്ലൈനായി സമർപ്പിക്കണം. പ്രിന്റൗട്ട് സർവകലാശാലയിൽ സമർപ്പിക്കേണ്ടതില്ല. വിശദവിവരം സർവകലാശാല വെബ്സൈറ്റിൽ. മാനേജ്മെന്റ് കമ്മ്യൂണിറ്റി ക്വോട്ടകളിലെ പ്രവേശന നടപടികളും 29നകം പൂർത്തീകരിക്കണം.
വൈവാവോസി
2017 ജൂണിലെ നാലാം സെമസ്റ്റർ എംഎഡ് (2015 അഡ്മിഷൻ ദ്വിവത്സരം റെഗുലർ) ഡിഗ്രി പരീക്ഷയുടെ വൈവാവോസി 21 മുതൽ എംജി സർവകലാശാലാ കാന്പസിലെ സ്കൂൾ ഓഫ് പെഡഗോഗിക്കൽ സയൻസസിൽ നടത്തും. ടൈംടേബിൾ വെബ്സൈറ്റിൽ.
പരീക്ഷമാറ്റി
സ്കൂൾ ഓഫ് മെഡിക്കൽ എഡ്യൂക്കേഷൻ, സ്കൂൾ ഓഫ് ടെക്നോളജി ആൻഡ് അപ്ലൈഡ് സയൻസസ്, ഡിപ്പാർട്ട്മെന്റ് ഓഫ് കമ്മ്യൂണിക്കേഷൻ ആൻഡ് ജേർണലിസം, സ്കൂൾ ഓഫ് അപ്ലൈഡ് ലൈഫ് സയൻസസ് എന്നീ സ്ഥാപനങ്ങൾ നടത്തുന്ന എല്ലാ കോഴ്സുകളുടെയും പരീക്ഷകൾ മാറ്റിവച്ചു. പുതുക്കിയ തിയതി പിന്നീടറിയിക്കും.
നാളെ നടത്താൻ നിശ്ചയിച്ചിരുന്ന രണ്ടാം സെമസ്റ്റർ എംഎ തമിഴ് (സിഎസ്എസ് 2016 അഡ്മിഷൻ റെഗുലർ) ഡിഗ്രി പരീക്ഷകൾ മാറ്റിവച്ചു. പുതുക്കിയ തിയതി പിന്നീടറിയിക്കും.
പരീക്ഷാഫലം
2017 മാർച്ചിലെ അഞ്ചും ആറും സെമസ്റ്റർ ബികോം (സിബിസിഎസ്എസ് പ്രൈവറ്റ് രജിസ്ട്രേഷൻ) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷമപരിശോധനയ്ക്കുമുള്ള അപേക്ഷ 26 വരെ സ്വീകരിക്കും. ഫലം വെബ്സൈറ്റിൽ.
2016 ജൂലൈയിലെ ഒന്നാം സെമസ്റ്റർ പഞ്ചവത്സര ബിബിഎ, എൽഎൽബി ഡിഗ്രി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷമപരിശോധനയ്ക്കുമുള്ള അപേക്ഷ 25 വരെ.
2016 ജൂലൈയിലെ ഒന്നാം സെമസ്റ്റർ പഞ്ചവത്സര ബികോം എൽഎൽബി ഡിഗ്രി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷമപരിശോധനയ്ക്കുമുള്ള അപേക്ഷ 25 വരെ.
2017 മാർച്ചിലെ അഞ്ചും ആറും സെമസ്റ്റർ ബിഎ (സിബിസിഎസ്എസ് പ്രൈവറ്റ് റെഗുലർ, സപ്ലിമെന്ററി) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷമപരിശോധനയ്ക്കുമുള്ള അപേക്ഷ 29 വരെ. ഫലം വെബ്സൈറ്റിൽ.