ഗോത്രവർഗ വികസന വകുപ്പ് പഠനോപകരണങ്ങൾ നൽകി
തേഞ്ഞിപ്പലം: കാലിക്കട്ട് സർവകലാശാല വയനാട് ചെതലയത്ത് നടത്തുന്ന ഗോത്രവർഗ പഠനഗവേഷണ കേന്ദ്രത്തിലെ (ഐടിഎസ്ആർ) വിദ്യാർഥികൾക്ക് ഗോത്രവർഗ വികസന വകുപ്പ് പഠനോപകരണങ്ങൾ നൽകി. വയനാട് പ്രിൻസിപ്പൽ ജില്ലാ ജഡ്ജ് പഠനോപകരണങ്ങൾ വിതരണം ചെയ്തു. ചെതലയത്ത് നടന്ന ചടങ്ങിൽ കാലിക്കട്ട് സർവകലാശാലാ ഭാഷാ വിഭാഗം ഡീൻ ഡോ.ഗീതാകുമാരി അധ്യക്ഷത വഹിച്ചു. സുൽത്താൻ ബത്തേരി ട്രൈബൽ ഡെവലപ്മെന്റ് ഓഫീസർ ശ്രീകുമാർ, കൽപ്പറ്റ ഐടിഡിപി പ്രോജക്ട് ഓഫീസർ എ. വാണിദാസ് എന്നിവർ പങ്കെടുത്തു. ഐടിഎസ്ആർ ഡയറക്ടർ ഡോ.ഇ. പുഷ്പലത സ്വാഗതവും, സ്റ്റാഫ് സെക്രട്ടറി ഡോ.വി.പി.സി. ഉബൈദ് നന്ദിയും പറഞ്ഞു.