ബിഎഡ് യോഗ്യതാ സർട്ടിഫിക്കറ്റ് ഹാജരാക്കണം
കണ്ണൂർ സർവകലാശാലയുടെ ബിഎഡ് 201517 അധ്യയനവർഷത്തിലെ യോഗ്യതാസർട്ടിഫിക്കറ്റ് ഹാജരാക്കാത്ത വിദ്യാർഥികൾ ഫലപ്രഖ്യാപനത്തിന്റെ ആവശ്യത്തിലേക്കായി സർട്ടിഫിക്കറ്റുകൾ അവർ പഠിച്ച കോളജ് പ്രിൻസിപ്പൽ മുഖാന്തിരം എത്രയും പെട്ടെന്ന് സർവകലാശാലയിൽ ഹാജരാക്കണം.
തുറന്ന സംവാദം
ബോട്ടണിയിൽ ഗവേഷണം നടത്തുന്ന അനൂപ് പി. ബാലൻ പിഎച്ച്ഡിക്കായി സമർപ്പിച്ച പ്രബന്ധത്തിന്മേലുള്ള തുറന്ന സംവാദം 22ന് രാവിലെ 11ന് സർ സയ്യിദ് കോളജിലെ ബോട്ടണി വിഭാഗത്തിൽ നടക്കും. പ്രസ്തുത പ്രബന്ധം സെമിനാറിനു മൂന്നു ദിവസം മുന്പു മുതൽ കോളജിലെ ബോട്ടണി വിഭാഗം ലൈബ്രറിയിൽ പരിശോധനയ്ക്ക് ലഭിക്കും.
രണ്ടാം സെമസ്റ്റർ ബിപിഎഡ് പ്രായോഗിക പരീക്ഷകൾ
രണ്ടാം സെമസ്റ്റർ ബിപിഎഡ് ഡിഗ്രിയുടെ (റഗുലർ, സപ്ലിമെന്ററി മേയ്2017) പ്രായോഗിക പരീക്ഷകൾ 17, 18 തീയതികളിൽ മാങ്ങാട്ട്പറന്പ് കാന്പസിൽ നടക്കും. പരീക്ഷയ്ക്ക് അപേക്ഷിച്ച വിദ്യാർഥികൾ ഫിസിക്കൽ എഡ്യുക്കേഷൻ ഡിപ്പാർട്ട്മെന്റുമായി ബന്ധപ്പെടണം.