ബിഎസ്സി നഴ്സിംഗ്, പാരാമെഡിക്കൽ പ്രവേശനം: ഓണ്ലൈൻ ഓപ്ഷനുകൾ 19വരെ സമർപ്പിക്കാം
തിരുവനന്തപുരം: ബിഎസ്സി നഴ്സിംഗ്, പാരാമെഡിക്കൽ ഡിഗ്രി കോഴ്സുകളിലേക്കുള്ള ഒന്നാം ഘട്ട അലോട്ട്മെന്റിനായി ഓണ്ലൈൻ ഓപ്ഷനുകൾ സമർപ്പിക്കുന്നതിനു 19ന് ഉച്ചയ്ക്ക് ഒരുമണിവരെ www.cee.ker ala.gov.in എന്ന വെബ്സൈറ്റിൽ സൗകര്യം ഉണ്ടായിരിക്കും.
ഹൈക്കോടതിയുടെ ഉത്തരവു പ്രകാരം മലപ്പുറം മിംസ് കോളജ് ഓഫ് അലൈഡ് ഹെൽത്ത് സയൻസസ് എന്ന സ്വകാര്യ സ്വാശ്രയ കോളജിലെ ബിസിവിടി, ബിഎസ്സി പെർഷ്യൂഷൻ ടെക്നോളജി എന്നീ കോഴ്സുകളെ അലോട്ട്മെന്റിൽ ഉൾപ്പെടുത്താൻ ഉത്തരവായി.
അതിന്റെ അടിസ്ഥാനത്തിൽ പ്രസ്തുത കോഴ്സുകളിലേക്ക് ഓണ്ലൈൻ ഓപ്ഷനുകൾ സമർപ്പിക്കുന്നതിനുള്ള സൗകര്യം വെബ്സൈറ്റിൽ ലഭ്യമാണ്.