രാജ്യത്തെ ഏറ്റവും പഴക്കം ചെന്ന ബിസിനസ് സ്കൂളുകളിൽ ഒന്നായ സേവ്യർ ലേബർ റിലേഷൻസ് ഇൻസ്റ്റിറ്റ്യൂട്ട് നടത്തുന്ന മാനേജ്മെന്‍റ് അഭിരുചി പരീക്ഷയ്ക്ക് ഇപ്പോൾ അപേക്ഷിക്കാം. ജംഷഡ്പുർ ആസ്ഥാനമായി 1949ലാണ് സേവിയർ ലേബർ റിലേഷൻസ് ഇൻസ്റ്റിറ്റ്യൂട്ട് (എക്സ് എൽആർഐ) സ്ഥാപിതമായത്.
ഇൻസ്റ്റിറ്റ്യൂട്ട് നടത്തുന്ന മാനേജ്മെന്‍റ് അഭിരുചി പരീക്ഷയായ സേവ്യർ ആപ്റ്റിറ്റ്യൂഡ് ടെസ്റ്റ് (എക്സാറ്റ്) രാജ്യവ്യാപകമായി വിവിധ കേന്ദ്രങ്ങളിൽ ജനുവരി ഏഴിനു നടത്തും. സേവ്യർ ഇൻസ്റ്റിറ്റ്യൂട്ട് ഓഫ് മാനേജ്മെന്‍റ് ഇൻസ്റ്റിറ്റ്യൂട്ടി(എക്സ്എഎംഐ)ന്‍റെ ആഭിമുഖ്യത്തിലാണ് എക്സാറ്റ്. രാജ്യത്തെ 150ൽപ്പരം ബിസിനസ് സ്കൂളുകളിൽ അഡ്മിഷന് എക്സാറ്റ് സ്കോർ പരിഗണിക്കുന്നുണ്ട്.എക്സ്എൽആർഐയിലാണ് അഡ്മിഷൻ ആഗ്രഹിക്കുന്നതെങ്കിൽ ബിസിനസ് മാനേജ്മെന്‍റ്, ഹ്യൂമൻ റിസോഴ്സ് മാനേജ്മെന്‍റ്, ഗ്ലോബൽ ബിസിനസ് മാനേജ്മെന്‍റ്, ജനറൽ മാനേജ്മെന്‍റ് പ്രോഗ്രാം എന്നിവയിൽ ഏതെങ്കിലും ഒന്നു സെലക്ട് ചെയ്യാം.
നവംബർ 30 വരെ ഓണ്‍ലൈനായി രജിസ്റ്റർ ചെയ്യാം. ക്രെഡിറ്റ്, ഡെബിറ്റ് കാർഡ് ഉപയോഗിച്ചോ ഡിഡിയായോ അപേക്ഷാ ഫീസ് അടയ്ക്കാം. 1650 രൂപയാണു പരീക്ഷാഫീസ്. എക്സ്എൽആർഐ പ്രോഗ്രാമുകൾക്ക് കൂടി അപേക്ഷിക്കാൻ 300 രൂപ കൂടി അധികം നൽകിയാൽ മതി.
ക്രെഡിറ്റ്/ഡെബിറ്റ് കാർഡ് ഉപയോഗിച്ചും ഐഡിബിഐ ബാങ്കിന്‍റെ തെരഞ്ഞെടുത്ത ശാഖകളിലും ഫീസ് അടയ്ക്കാം. ബിരുദധാരികൾക്കും 2018 ജൂണ്‍ 10നു മുന്പ് ഫലം പ്രതീക്ഷിക്കുന്നവർക്കും അപേക്ഷിക്കാം. അഡ്മിറ്റ് കാർഡുകൾ ഡിസംബർ 20 മുതൽ ഡൗണ്ലോഡ് ചെയ്യാം. ജനുവരി 31നു ഫലം പ്രസിദ്ധീകരിക്കും.
കേരളത്തിൽ തിരുവനന്തപുരവും കൊച്ചിയും പരീക്ഷാകേന്ദ്രങ്ങളാണ്. ദുബായിയിലും പരീക്ഷാകേന്ദ്രമുണ്ട്. അഗർത്തല, അഹദാബാദ്, അലഹബാദ്, അമൃത്‌സർ, ബംഗളൂരു, ബേറാംപൂർ, ഭോപ്പാൽ, ഭുവനേശ്വർ, ചിഗഡ്, ചെന്നൈ, കോയന്പത്തൂർ, കക്ക്, ഡെറാഡൂണ്‍, ഡെൽഹി, ഗോവ, ഗ്രേറ്റർ നോയിഡ, ഗുഡ്ഗാവ്, ഗോഹട്ടി, ഹൈദരാബാദ്, ഇൻഡോർ, ജബൽപൂർ, ജയ്പൂർ, ജമ്മു, ജംഷഡ്പൂർ, കാണ്‍പൂർ, കോൽക്കത്ത, ലക്നോ, മംഗലാപുരം, മുംബൈ, നാഗ്പൂർ, നാസിക്, നോയിഡ, പാറ്റ്ന, പൂന, റായ്പൂർ, റാഞ്ചി, റൂർക്കല, സാംബൽപൂർ, സൂററ്റ്, തിരുച്ചിറപ്പള്ളി, ഉദയ്പൂർ, ബറോഡ്, വാരണാസി, വിജയവാഡ, വിശാഖപണം എന്നിവയാണു മറ്റു പരീക്ഷാ കേന്ദ്രങ്ങൾ. എക്സാറ്റിന് അപേക്ഷിക്കുന്നതോടൊപ്പം അതതു കോളജുകളിലേക്കു പ്രത്യേകം അപേക്ഷ സമർപ്പിക്കണം.
സേവ്യർ ലോബർ റിലേഷൻസ് ഇൻസ്റ്റിറ്റ്യൂട്ട് (എക്സ്എൽആർഐ ജംഷഡ്പൂർ), സേവ്യർ ഇൻസ്റ്റിറ്റ്യൂട്ട് ഓഫ് മാനേജ്മെന്‍റ് (എക്സ്ഐഎം ഭുവനേശ്വർ), സേവ്യർ ഇൻസ്റ്റിറ്റ്യൂട്ട് ഓഫ് മാനേജ്മെന്‍റ് ആൻഡ് എന്‍റർപ്രണർഷിപ് (എക്സ്ഐഎംഇ ബാംഗളൂരു), സേവ്യർ ഇൻസ്റ്റിറ്റ്യൂട്ട് ഓഫ് ഡെവലപ്മെന്‍റ് ആക്‌ഷൻ ആൻഡ് സ്റ്റഡീസ് (എക്സ്ഐഡിഎഎസ് ജബൽപൂർ), സേവ്യർ ഇൻസ്റ്റിറ്റ്യൂട്ട് ഓഫ് സോഷ്യൽ സർവീസ് (എക്സ്ഐഎസ്എസ് റാഞ്ചി), ലയോള ഇൻസ്റ്റിറ്റ്യൂട്ട് ഓഫ് ബിസിനസ് അഡ്മിനിസ്ട്രേഷൻ (എൽഐബിഎ ചെന്നൈ), സേവ്യർ ഇൻസ്റ്റിറ്റ്യൂട്ട് ഓഫ് മാനേജ്മെന്‍റ് ആൻഡ് റിസർച്ച് മുംബൈ എന്നിവ ഉൾപ്പടെ നൂറ്റന്പതിലധികം പ്രമുഖ മാനേജ്മെന്‍റ് സ്ഥാപനങ്ങൾ ബിരുദാനന്തര ബിരുദ മാനേജ്മെന്‍റ് പ്രോഗ്രാമുകൾക്കുള്ള അഡ്മിഷന് എക്സാറ്റ് സ്കോറാണ് ഉപയോഗിക്കുന്നത്.
രാവിലെ പത്തു മുതൽ ഉച്ചയ്ക്ക് ഒന്നര വരെയാണ് എക്സാറ്റ്. ഇതിൽ ക്വാണ്ടിറ്റേറ്റീവ് എബിലിറ്റി, ഇംഗ്ലീഷ് ലാംഗ്വേജ് എബിലിറ്റി, ലോജിക്കൽ റീസണിംഗ്, ഡിസിഷൻ മേക്കിംഗ്, ഇംഗ്ലീഷ് എസേ റൈറ്റിംഗ്, ജനറൽ അവയർനസ് എന്നിവ ഉൾപ്പെടുത്തിയിരിക്കുന്നു.
ഫോണ്: : 1800 419 2929. വെബ്സൈറ്റ്: www. xatonline.net. in, www. xlri.ac.in, www. xlri. edu. ഇമെയിൽ: admissions@ xatonline.in.
വിലാസം: ചെയർപേഴ്സണ്‍ അഡ്മിഷൻ, എക്സ്എൽആർഐ, സർക്യൂട്ട് ഹൗസ് ഏരിയ (ഈസ്റ്റ്), ജംഷഡ്പൂർ 831001.