എംഎസ് സി അപ്ലൈഡ് സുവോളജി ബിപിഎൽ പ്രവേശനം
എംഎസ് സി അപ്ലൈഡ് സുവോളജി പ്രവേശന പരീക്ഷാ റാങ്ക്ലിസ്റ്റിൽ ഉൾപ്പെട്ട മുന്നോക്ക വിഭാഗത്തിലെ ബിപിഎൽ അപേക്ഷകർ 21ന് വൈകുന്നേരം അഞ്ചിനകം പഞ്ചായത്ത് സെക്രട്ടറി സാക്ഷ്യപ്പെടുത്തിയ ബിപിഎൽ സർട്ടിഫിക്കറ്റ് സുവോളജി പഠനവകുപ്പിൽ ഹാജരാക്കണം.
പിജി പ്രവേശനം
ഏകജാലക പിജി പ്രവേശനം ഒന്ന്, രണ്ട് അലോട്ട്മെന്റുകൾ ലഭിച്ചവർക്ക് ഇന്ന് ഉച്ച കഴിഞ്ഞ് രണ്ട് വരെ കോളജ്, പഠനവകുപ്പിൽ പ്രവേശനത്തിന് റിപ്പോർട്ട് ചെയ്യാം.
എയ്ഡഡ് കോളജിൽ കമ്മ്യൂണിറ്റി ക്വാട്ടയിൽ പ്രവേശനത്തിന് 21ന് ഉച്ചയ്ക്ക് 12 വരെ റിപ്പോർട്ട് ചെയ്യാം. റിപ്പോർട്ട് ചെയ്തവരുടെ റാങ്ക്ലിസ്റ്റ് ഉച്ച കഴിഞ്ഞ് രണ്ടിന് കോളജ് നോട്ടീസ് ബോർഡിൽ പ്രസിദ്ധീകരിക്കും. വിഭിന്നശേഷി വിഭാഗത്തിന് സംവരണം ചെയ്ത ഒഴിവിൽ അതത് കോളജുകളാണ് പ്രവേശനം നടത്തുന്നത്. കോളജിലേക്ക് അയച്ച റാങ്ക്ലിസ്റ്റിൽ ഉൾപ്പെട്ടവർ 21ന് ഉച്ചയ്ക്ക് 12നകം കോളജിൽ റിപ്പോർട്ട് ചെയ്യണം. പിജി മൂന്നാം അലോട്ട്മെന്റ് 21ന് വൈകുന്നേരം മൂന്നിന് പ്രസിദ്ധീകരിക്കും. ഫോണ്: 0494 2407016, 2407017.
എംഎസ് സി സൈക്കോളജി അലോട്ട്മെന്റ്
എംഎസ് സി സൈക്കോളജി പ്രവേശന പരീക്ഷാ പുതുക്കിയ റാങ്ക്ലിസ്റ്റും ഒന്നാംഘട്ട അലോട്ട്മെന്റ് ലിസ്റ്റും വെബ്സൈറ്റിൽ. അലോട്ട്മെന്റ് ലിസ്റ്റിൽ ഉൾപ്പെട്ടവർ 21, 22 തിയതികളിൽ വൈകുന്നേരം മൂന്നിനകം എല്ലാ രേഖകളും സഹിതം കോളജിൽ ഹാജരായി പ്രവേശനം നേടണം.
എംസിഎ ക്ലാസ്
സർവകലാശാലയുടെ എംസിഎ ക്ലാസ് 21ന് ആരംഭിക്കും.
പരീക്ഷാഫലം
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎസ് സി സ്റ്റാറ്റിസ്റ്റിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 31 വരെ അപേക്ഷിക്കാം.
പുനർമൂല്യനിർണയ ഫലം
നാലാം സെമസ്റ്റർ എംസിഎ ഡിസംബർ 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
പൂർവവിദ്യാർഥി സംഗമം
സർവകലാശാലാ സുവർണ്ണ ജൂബിലി ആഘോഷങ്ങളുടെ ഭാഗമായി സർവകലാശാലാ അറബി പഠനവിഭാഗത്തിന്റെ സന്പൂർണ പൂർവവിദ്യാർഥി സംഗമം സെപ്റ്റംബർ 12ന് കാന്പസിൽ നടത്തുന്നു. അതിനോടനുബന്ധിച്ച് സംഘാടക സമിതി യോഗം ഇന്ന് ഉച്ച കഴിഞ്ഞ് രണ്ടിന് പഠനവിഭാഗം ഹാളിൽ ചേരും. വൈസ് ചാൻസലറും രജിസ്ട്രാറും പങ്കെടുക്കുന്ന ആലോചനാ യോഗത്തിൽ എല്ലാ പൂർവവിദ്യാർഥികളും പങ്കെടുക്കണമെന്ന് പഠനവിഭാഗം മേധാവി ഡോ.എ.ബി. മൊയ്തീൻകുട്ടി അറിയിച്ചു.