എംസിജെ പ്രവേശന പരീക്ഷാ രണ്ടാംഘട്ട റാങ്ക്ലിസ്റ്റും (സപ്ലിമെന്ററി) കൗണ്സലിംഗ്/അലോട്ട്മെന്റ് ഷെഡ്യൂളും വെബ്സൈറ്റിൽ. സപ്ലിമെന്ററി റാങ്ക് ഒന്ന് മുതൽ 243 വരെയുള്ളവർ 25ന് രാവിലെ 10.30ന് എല്ലാ രേഖകളും സഹിതം സർവകലാശാലാ ജേർണലിസം പഠനവകുപ്പിൽ ഹാജരാകണം. പഠനവകുപ്പിലെ ഒഴിവുള്ള സീറ്റുകളിലേക്കും അന്ന് പ്രവേശനം നടത്തും.
പരീക്ഷ
റഗുലർ/പ്രൈവറ്റ്/വിദൂരവിദ്യാഭ്യാസം അവസാന വർഷ ബിഎ/ബിഎസ്സി/ബിഎ അഫ്സൽഉൽഉലമ പാർട്ട് മൂന്ന് മെയിൻ, സബ്സിഡിയറി ഇംപ്രൂവ്മെന്റ്/സപ്ലിമെന്ററി പരീക്ഷ ഒക്ടോബർ 17ന് ആരംഭിക്കും.
മൂല്യനിർണയ ക്യാന്പ്
മൂന്നാം സെമസ്റ്റർ ബിഎസ്സി/ബിസിഎ (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് നവംബർ 2016 പരീക്ഷയുടെ മൂല്യനിർണയ ക്യാന്പ് 24, 25 തിയതികളിൽ വിവിധ കേന്ദ്രങ്ങളിൽ നടക്കും. അഫിലിയേറ്റഡ് കോളജുകളിലെ അധ്യാപകർ നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
ബിഎസ്സി സുവോളജി എക്സാമിനേഴ്സ് മീറ്റിംഗ്
നാലാം സെമസ്റ്റർ ബിഎസ്സി സുവോളജി ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് മലപ്പുറം ജില്ലയിലെ കോളജുകളിലെ അധ്യാപകർ 30ന് തിരൂരങ്ങാടി പിഎസ്എംഒ കോളജിൽ രാവിലെ 10.30ന് ഹാജരാകണം.
പിജി ഇന്റേണൽ മാർക്ക്
പഠനവകുപ്പുകളിലെ രണ്ടാം സെമസ്റ്റർ പിജി (സിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് ജൂണ് 2017 പരീക്ഷയുടെ ഇന്റേണൽ മാർക്ക് അപ്ലോഡ് ചെയ്യാനുള്ള ലിങ്ക് സെപ്റ്റംബർ 15 വരെ ലഭ്യമായിരിക്കും.
കാന്പസുകളിലെ പൊതുപരിപാടികൾ ഹരിത പ്രോട്ടോകോൾ പാലിച്ച് നടത്തും
തേഞ്ഞിപ്പലം: കാലിക്കട്ട് സർവകലാശാലയുടെ 432 അഫിലിയേറ്റഡ് കോളജുകളിലെ പൊതുപരിപാടികളും ഭാവിനിർമാണ പ്രവർത്തനങ്ങളും കാന്പസ് പരിപാലനവും ഹരിത പ്രോട്ടോകോൾ അനുസരിച്ചാവാൻശ്രദ്ധചെലുത്തണമെന്ന് കാലിക്കട്ട് സർവകലാശാലാ രജിസ്ട്രാർ ഡോ. ടി.എ. അബ്ദുൾ മജീദ്. സുവർണ ജൂബിലി ആഘോഷങ്ങളുടെ ഭാഗമായി നടത്തുന്ന ഗ്രീൻ കാന്പസ് കാന്പയിൻ എന്ന ഒരു വർഷത്തെ പദ്ധതിക്കുവേണ്ടി കോളജുകളിലെ തെരഞ്ഞെടുത്ത വിദ്യാർഥികൾക്ക് പരിശീലനം നൽകുന്ന ശിൽപശാല മഞ്ചേരി യൂണിറ്റി വിമൻസ് കോളജിൽ ഉദ്ഘാടനം ചെയ്യുകയായിരുന്നു അദ്ദേഹം.
ഇന്ത്യൻ സർവകലാശാലകളിലെ ബൊട്ടാണിക്കൽ ഗാർഡനുകളിൽ ഏറ്റവും മികച്ചത് കാലിക്കട്ട് സർവകലാശാലയിലേതാണ്. നല്ലൊരുഭാഗം പാറക്കെട്ടുകളുള്ള ഭൂമിയാണ് ശരിയായ ആസൂത്രണത്തിലൂടെ ഇത്തരത്തിൽ രൂപപ്പെടുത്തിയത്. കോളജുകളിലെ ഭൂമിയുടെ അവസ്ഥയോ സൗകര്യങ്ങളോ ഒന്നും ദൃഢനിശ്ചയത്തോടെ നടത്തുന്ന ഹരിതവൽക്കരണ പ്രവർത്തനങ്ങൾക്ക് തടസമല്ലെന്നതിന് ഇത് ഉദാഹരണമാണെന്നും രജിസ്ട്രാർ പറഞ്ഞു.
സയ്യിദ് മുനവറലി ശിഹാബ് തങ്ങൾ അധ്യക്ഷത വഹിച്ചു. സിൻഡിക്കറ്റ് അംഗം ഒ. അബ്ദുൾ അലി, സർവകലാശാലാ ബോട്ടണി വിഭാഗത്തിലെ ഡോ. സി.സി. ഹരിലാൽ, പിആർഒ എം.വി. സക്കറിയ, ഫാ. ചെറിയാൻ ആഞ്ഞിലിമൂട്ടിൽ, ഡോ. സി.എം. അബ്ദുൾ സലാം എന്നിവർ പ്രസംഗിച്ചു.
സർവകലാശാലയിൽ മാൻഹോൾ പ്രദർശിപ്പിക്കും
തേഞ്ഞിപ്പലം: സുവർണ ജൂബിലി ആഘോഷങ്ങളുടെ ഭാഗമായി സർവകലാശാലയിൽ മികവുറ്റ ചലച്ചിത്രങ്ങളുടെ പ്രതിമാസ പ്രദർശനവും സംവാദവും ആരംഭിക്കുന്നു. സർവകലാശാലാ പബ്ലിക് റിലേഷൻസ് വിഭാഗം, കാലിക്കട്ട് യൂണിവേഴ്സിറ്റി ഫിലിം സൊസൈറ്റി, കേരള ചലച്ചിത്ര അക്കാഡമി എന്നിവയുടെ സംയുക്താഭിമുഖ്യത്തിൽ നാളെ വൈകുന്നേരം 5.15ന് സർവകലാശാല സെമിനാർ കോംപ്ലക്സിൽ മാൻഹോൾ എന്ന സിനിമയുടെ പ്രദർശനവും സംവിധായിക വിധു വിൻസന്റുമായി സംവാദവുമാണ് പ്രഥമ പരിപാടി. പരിപാടിയിൽ പൊതുജനങ്ങൾക്കും പങ്കെടുക്കാവുന്നതാണ്.
എരി, പാഠവും വായനയും സെമിനാർ നാളെ
തേഞ്ഞിപ്പലം: ഗവേഷക വേദിയുടെ ആഭിമുഖ്യത്തിൽ എരി, പാഠവും വായനയും സെമിനാർ നാളെ രാവിലെ പത്തിന് മനഃശാസ്ത്ര വിഭാഗം ഹാളിൽ നടക്കും. കഥാകാരൻ ഉണ്ണി ആർ ഉദ്ഘാടനം ചെയ്യും. കെ.വി. ശശി, ഡോ.അനിൽ വള്ളത്തോൾ, ഡോ. എം.ബി. മനോജ്, ഡോ. കെ.എം. അനിൽ തുടങ്ങിയവർ പങ്കെടുക്കും. ഗവേഷക വിദ്യാർഥികളുടെയും അധ്യാപകരുടെയും പ്രബന്ധാവതരണം ഉണ്ടാകും.
മൂല്യനിർണയ വേതനവിതരണം പുനരാരംഭിച്ചു
തേഞ്ഞിപ്പലം: എംബിഎയുടെ വിവിധ സെമസ്റ്റർ പരീക്ഷകളുടെ മൂല്യനിർണയ വേതന വിതരണം കാലിക്കട്ട് സർവകലാശാലാ കാന്പസിൽ ഇന്ന്നടക്കും. തുടർന്നുള്ള ദിവസങ്ങളിൽ മറ്റ് ക്യാന്പുകളുടെ മൂല്യനിർണയ വേതന വിതരണവും വേഗത്തിൽ പൂർത്തീകരിക്കുന്നതിന് ക്രമീകരണം നടത്തിയതായി പരീക്ഷാ കണ്ട്രോളർ ഡോ. വി.വി. ജോർജ് കുട്ടി അറിയിച്ചു. വർധിപ്പിച്ച നിരക്കിലുള്ള വേതനമാണ് നൽകിവരുന്നത്. 19 മുതൽ ഇപ്രകാരം പുതുക്കിയ നിരക്ക് നൽകിവരുന്നതായും പരീക്ഷാ കണ്ട്രോളർ അറിയിച്ചു.