ഒന്നാം വർഷ ബിരുദ പ്രവേശനം - 2017- സ്പോട്ട് അഡ്മിഷൻ
അഫിലിയേറ്റ് ചെയ്തിട്ടുള്ള ഗവ./എയ്ഡഡ്/സ്വാശ്രയ/യുഐടി കോളജുകളിൽ 201718 അധ്യയന വർഷത്തെ ഒന്നാം ബിരുദ പ്രവേശനത്തിന് ജനറൽ/മറ്റ് സംവരണ വിഭാഗങ്ങൾക്ക് 24ന് അതത് കോളജുകളിൽ സ്പോട്ട് അഡ്മിഷൻ നടത്തും. രാവിലെ ഒന്പതുമുതൽ ഉച്ചയ്ക്ക് 12വരെ ഹാജരാകുന്നവരെ മാത്രമേ പരിഗണിക്കുകയുള്ളൂ. ഈ സമയത്തിനകം ഹാജരാകുന്ന വിദ്യാർഥികളിൽ നിന്നും റാങ്ക് പട്ടിക തയാറാക്കി ഉച്ചയ്ക്ക് 1.30 മുതൽ പ്രവേശനം നടത്തും.
ഒന്നാം വർഷ ബിരുദ പ്രവേശനം 2017 സിഎഎസ് കലഞ്ഞൂരിൽ പുതിയ കോഴ്സുകൾ
അഫിലിയേറ്റ് ചെയ്തിട്ടുള്ള സർക്കാർ മേഖലയിലെ സ്വാശ്രയ സ്ഥാപനമായ കലഞ്ഞൂർ കോളജ് ഓഫ് അപ്ലൈഡ് സയൻസിൽ (ഐഎച്ച്ആർഡി) ബികോം കോമേഴ്സ് ആൻഡ് ടാക്സ് പ്രൊസീഡ്യർ & പ്രാക്ടീസ്, ബിഎസ്സി കംപ്യൂട്ടർ സയൻസ് എന്നീ കോഴ്സുകൾ പുതുതായി അനുവദിച്ചിരുന്നു. പ്രവേശനം ആഗ്രഹിക്കുന്ന വിദ്യാർഥികൾ 24ന് കോളജിൽ അപേക്ഷ സമർപ്പിക്കണം. 26ന് റാങ്ക് പട്ടിക പ്രസിദ്ധീകരിക്കും. 29, 30, 31 തീയതികളിൽ പ്രവേശനം നടക്കും.
എംബിഎ ഫലം
2016 ജൂലൈയിൽ നടത്തിയ നാലാം സെമസ്റ്റർ എംബിഎ (2009 സ്കീം സപ്ലിമെന്ററി, യുഐഎം, ഈവനിംഗ്) പരീക്ഷാഫലവും കരട് മാർക്ക് ലിസ്റ്റും വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്ക് സെപ്റ്റംബർ 11 വരെ അപേക്ഷിക്കാം.
എംഎ/ എംഎസ്സി ടൈംടേബിൾ
29ന് ആരംഭിക്കുന്ന രണ്ടാം സെമസ്റ്റർ എംഎ/ എംഎസ്സി സപ്ലിമെന്ററി, മേഴ്സിചാൻസ് പരീക്ഷകളുടെ വിശദമായ ടൈംടേബിൾ വെബ്സൈറ്റിൽ ലഭിക്കും. ഹാൾടിക്കറ്റ് അതാത് പരീക്ഷാകേന്ദ്രങ്ങളിൽ നിന്നും ലഭിക്കും.
ബിഎ (അഫ്സൽഉൽഉലമ) പരീക്ഷ
ജൂലൈ 24ന് നടത്താനിരുന്ന ബിഎ (അഫ്സൽഉൽഉലമ) പാർട്ട് രണ്ട്, അറബി, പേപ്പർ ഒന്ന് പരീക്ഷ 29ന് നടത്തും. പരീക്ഷാകേന്ദ്രം, സമയം എന്നിവയിൽ മാറ്റമില്ല.
ബിഎസ്സി കംപ്യൂട്ടർ സയൻസ് ഫലം
2016 നവംബറിൽ നടത്തിയ ബിഎസ്സി കംപ്യൂട്ടർ സയൻസ് (2013ന് മുന്പ് പ്രവേശനം നേടിയവർക്ക്) രണ്ടാം സെമസ്റ്റർ ബിരുദ പരീക്ഷയുടെ ഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും സെപ്റ്റംബർ 20 വരെ അപേക്ഷിക്കാം.
ബിഎച്ച്എം പരീക്ഷ
ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജിയുടെ (ബിഎച്ച്എം) ആറാം സെമസ്റ്റർ പരീക്ഷകൾ (ഐഇടി ട്രെയിനിംഗ് റിപ്പോർട്ട് ആൻഡ് വൈവ) 25, 29 തീയതികളിൽ അതാത് കോളജുകളിൽ നടത്തും. വിശദമായ ടൈംടേബിൾ വെബ്സൈറ്റിൽ ലഭിക്കും.
ബിആർക്ക് ഫലം
ജനുവരിയിൽ നടത്തിയ ട1ട2 ബി.ആർക്ക് (2013 സ്കീം) പരീക്ഷാഫലം വെബ്സൈറ്റിൽ ലഭിക്കും.
യുഐടികളിലേക്കുള്ള ഓണ്ലൈൻ രജിസ്ട്രേഷൻ
പുതുതായി അനുവദിച്ച 11 യുഐടികളിലേക്കുള്ള ഓണ്ലൈൻ രജിസ്ട്രേഷൻ ആരംഭിച്ചു. ഓണ്ലൈൻ രജിസ്ട്രേഷന്റെ പ്രിന്റൗട്ട് അതത് യുഐടികളിൽ 24ന് സമർപ്പിക്കണം.