നഴ്സിംഗ്, പാരാമെഡിക്കൽ ഡിഗ്രി കോഴ്സുകളിലെ പ്രവേശനം: ഒന്നാംഘട്ട അലോട്ട്മെന്റ് പുതുക്കി പ്രസിദ്ധീകരിച്ചു
തിരുവനന്തപുരം: ബിഎസ്സി നഴ്സിംഗ്, വിവിധ പാരാമെഡിക്കൽ ഡിഗ്രി കോഴ്സുകൾ എന്നിവയ്ക്കുള്ള ഒന്നാം ഘട്ട അലോട്ട്മെന്റ് പ്രവേശന പരീക്ഷാ കമ്മീഷണറുടെ വെബ്സൈറ്റിൽ പുതുക്കി പ്രസിദ്ധീകരിച്ചു. ഇതിനോടകം അലോട്ട്മെന്റ് മെമ്മോ പ്രിന്റൗട്ട് എടുക്കുകയോ വെബ്സൈറ്റിൽ അലോട്ട്മെന്റ് പരിശോധിക്കുകയോ ചെയ്തിട്ടുള്ളവർ www.cee.kera la.gov.in എന്ന വെബ്സൈറ്റിൽ വീണ്ടും ലോഗിൻ ചെയ്ത് അലോട്ട്മെന്റ് പരിശോധിക്കേണ്ടതാണ്.
പുതിയ അലോട്ട്മെന്റ് മെമ്മോയുടെ പ്രിന്റൗട്ട് എടുത്ത് ഫീസ് ഓണ്ലൈനായോ സ്റ്റേറ്റ് ബാങ്ക് ഓഫ് ഇന്ത്യയുടെ തെരഞ്ഞെടുത്ത ശാഖകളിലോ 24നു വൈകുന്നേരം മൂന്നിനു ഒടുണം. ആദ്യ അലോട്ട്മെന്റ് മെമ്മോ പ്രകാരം ഫീസ് ഒടുക്കിയിട്ടുള്ളവർ പുതുക്കിയ അലോട്ട്മെന്റ് മെമ്മോ പ്രകാരം വീണ്ടും ഫീസ് ഒടുക്കേണ്ടതില്ല. 24നു വൈകുന്നേരം പ്രസിദ്ധീകരിക്കുന്ന രണ്ടാം അലോട്ട്മെന്റിനു ശേഷം മാത്രം വിദ്യാർഥികൾ കോളജുകളിൽ പ്രവേശനം നേടിയാൽ മതിയാകും.
താത്കാലിക കാറ്റഗറി ലിസ്റ്റ്
ബിഎസ്സിനഴ്സിംഗ്, പാരാമെഡിക്കൽ ഡിഗ്രി കോഴ്സുകളിലെ മൈനോറിറ്റി ക്വാട്ടാ സീറ്റുകളിലേക്കുള്ള പ്രവേശനം അപേക്ഷകരുടെ താത്കാലിക കാറ്റഗറി ലിസ്റ്റ് പ്രസിദ്ധീകരിച്ചു.
ന്യൂനപക്ഷ പദവിയുള്ള സ്വകാര്യ സ്വാശ്രയ നഴ്സിംഗ്, പാരാമെഡിക്കൽ കോളജുകളിൽ ന്യൂനപക്ഷ സമുദായത്തിൽപ്പെട്ട വിദ്യാർഥികൾക്കായി മാറ്റിവച്ചിട്ടുള്ള സീറ്റുകളിലേക്ക് പ്രവേശനം ആഗ്രഹിക്കുന്ന ബന്ധപ്പെട്ട ന്യൂനപക്ഷ സമുദായത്തിലെ വിദ്യാർഥികൾ 21 വൈകുന്നേരം അഞ്ചിനു മുമ്പായി ന്യൂനപക്ഷ സമുദായം തെളിയിക്കുന്ന രേഖകൾ പ്രവേശന പരീക്ഷാ കമ്മീഷണർക്ക് സമർപ്പിക്കാൻ ആവശ്യപ്പെട്ടിരുന്നു. നിശ്ചിത സമയത്തിനകം സർട്ടിഫിക്കറ്റുകൾ/രേഖകൾ സമർപ്പിച്ച വിദ്യാർഥികളുടെ താൽക്കാലിക കാറ്റഗറി ലിസ്റ്റ് പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റിൽ പ്രസിദ്ധീകരിച്ചു.
ലിസ്റ്റ് സംബന്ധമായി എന്തെങ്കിലും പരാതികൾ ഉള്ള പക്ഷം ആവശ്യമായ തെളിവുകൾ സഹിതം 23നു വൈകുന്നേരം അഞ്ചിനു മുമ്പായി പ്രവേശന പരീക്ഷാ കമ്മീഷണർക്ക് സമർപ്പിക്കണം. നിശ്ചിത സമയത്തിനുശേഷം ലഭിക്കുന്ന പരാതികൾ പരിഗണിക്കുന്നതല്ല.പുതുതായി ഈ കാറ്റഗറികളിലേക്ക് സർട്ടിഫിക്കറ്റുകൾ സ്വീകരിക്കുന്നതല്ല.