സ്പോട്ട് അഡ്മിഷൻ ഇന്ന്
ഏകജാലക സംവിധാനം വഴി ബിരുദ കോഴ്സുകളിലേക്കു പ്രവേശനം നടത്തിയിട്ടുള്ള കോളജുകളിൽ നിലവിലുള്ള ഒഴിവുകളിലേക്ക് ഇന്ന് സ്പോട്ട് അഡ്മിഷൻ നടത്തും. താത്പര്യമുള്ളവർ രാവിലെ 11 നകം എല്ലാ സർട്ടിഫിക്കറ്റുകളുമായി കോളജിൽ ഹാജരാകണം. കോളജുകളിലുള്ള ഒഴിവുകളെ സംബന്ധിച്ചു ലഭ്യമായ വിവരങ്ങൾ സർവകലാശാലയുടെ വെബ്സൈറ്റിൽ പ്രസിദ്ധീകരിച്ചിട്ടുണ്ട്. കോളജുകൾ നിലവിലുള്ള എല്ലാ ഒഴിവുകളിലേക്കും ഇന്നുതന്നെ പ്രവേശനം നടത്തേണ്ടതാണ്. ഇനി പ്രവേശനം നൽകാൻ അവസരം ലഭിക്കുന്നതല്ല.
ഗ്രേഡ് കാർഡ് വിതരണം
കണ്ണൂർ സർവകലാശാല വിദൂര വിദ്യാഭ്യാസ വിഭാഗം മൂന്നാംവർഷ റഗുലർ, ഇംപ്രൂവ്മെന്റ്, സപ്ലിമെന്ററി ബിരുദ വിദ്യാർഥികളുടെ ഗ്രേഡ് കാർഡ്, പ്രൊവിഷണൽ സർട്ടിഫിക്കറ്റ്, കൺസോളിഡേറ്റഡ് ഗ്രേഡ് കാർഡ് എന്നിവ 26, 28, 29 തീയതികളിൽ (26ന് ബികോം കോഴ്സും 28ന് ബിഎ ഇംഗ്ലീഷ്, ഇക്കണോമിക്സ്, ഹിസ്റ്ററി കോഴ്സുകളും, 29ന് മറ്റു കോഴ്സുകളും) രാവിലെ 10 മുതൽ ഉച്ചകഴിഞ്ഞ് 3.30 വരെ വിവിധ കേന്ദ്രങ്ങളിൽ വിതരണം ചെയ്യും. വിദ്യാർഥികൾ നിർബന്ധമായും ഐഡന്റിറ്റി കാർഡും ഹാൾടിക്കറ്റും കൊണ്ടുവരണം. വിതരണവും പരീക്ഷാകേന്ദ്രവും ചുവടെ.
കണ്ണൂർ സർവകലാശാല കാന്പസ്, കാസർഗോഡ് ഗവ. കോളജ് കാസർഗോഡ്, മഞ്ചേശ്വരം ജിപിഎം ഗവ. കോളജ്. കാഞ്ഞങ്ങാട് നെഹ്റു കോളജ് കാഞ്ഞങ്ങാട് നെഹ്റു കോളജ്, രാജപുരം സെന്റ് പയസ് ടെൻത് കോളജ്, എളേരിത്തട്ട് ഇകെഎൻഎം ഗവ. കോളജ്. കണ്ണൂർ സർവകലാശാല മാങ്ങാട്ടുപറന്പ് കാന്പസ്മാടായി സിഎഎസ് കോളജ്, ശ്രീകണ്ഠപുരം എസ്ഇഎസ് കോളജ്, പയ്യന്നൂർ കോളജ്, തളിപ്പറന്പ് സർ സയ്യിദ് കോളജ്. കണ്ണൂർ താവക്കര കാന്പസ് കണ്ണൂർ എസ്എൻ കോളജ്, തലശേരി ഗവ. ബ്രണ്ണൻ കോളജ്, കണ്ണൂർ കെഎംഎം ഗവ. വിമൻസ് കോളജ്. ഇരിട്ടി എംജി കോളജ് ഇരിട്ടി എംജി കോളജ്, മട്ടന്നൂർ പിആർഎൻഎസ്എസ് കോളജ്, കൂത്തുപറന്പ് നിർമലഗിരി കോളജ്. മാനന്തവാടി ഗവ. കോളജ്മാനന്തവാടി ഗവ. കോളജ്.
പഠനക്കുറിപ്പ് വിതരണം
കണ്ണൂർ സർവകലാശാല വിദൂര വിദ്യാഭ്യാസ വിഭാഗത്തിൽ (2016 അഡ്മിഷൻ) രണ്ടാം വർഷ അഫ്സൽ ഉൽ ഉലമ (പ്രിലിമിനറി) വിദ്യാർഥികളുടെ പഠനക്കുറിപ്പുകൾ 29ന് വിവിധ സെന്ററുകളിൽ വിതരണം ചെയ്യും. ഇതുവരെയും രണ്ടാംവർഷ ട്യൂഷൻ ഫീ അടയ്ക്കാത്ത വിദ്യാർഥികൾ ഫീ അടച്ച് ചലാൻ അന്നേദിവസം വിതരണകേന്ദ്രത്തിൽ ഹാജരാക്കണം.
കണ്ണൂർ സർവകലാശാല കാന്പസ്, കാസർഗോഡ് ഗവ. കോളജ് കാസർഗോഡ്, മഞ്ചേശ്വരം ജിപിഎം ഗവ. കോളജ്. കാഞ്ഞങ്ങാട് നെഹ്റു കോളജ് കാഞ്ഞങ്ങാട് നെഹ്റു കോളജ്. കണ്ണൂർ സർവകലാശാല മാങ്ങാട്ടുപറന്പ് കാന്പസ്മാടായി സിഎഎസ് കോളജ്, ശ്രീകണ്ഠപുരം എസ്ഇഎസ് കോളജ്, പയ്യന്നൂർ കോളജ്, തളിപ്പറന്പ് സർ സയ്യിദ് കോളജ്. ഇരിട്ടി എംജി കോളജ് ഇരിട്ടി എംജി കോളജ്, മട്ടന്നൂർ പിആർഎൻഎസ്എസ് കോളജ്, കൂത്തുപറന്പ് നിർമലഗിരി കോളജ്.
കോൺടാക്ട് ക്ലാസുകൾ
കണ്ണൂർ സർവകലാശാല വിദൂര വിദ്യാഭ്യാസ വിഭാഗത്തിൽ മൂന്നാംവർഷ ബിഎ ഹിസ്റ്ററിഹിസ്റ്റോറിയോഗ്രാഫി, ബിഎ ഇക്കണോമിക്സ്ഡവലപ്മെന്റ് ഇഷ്യൂസ് ആൻഡ് ഇന്ത്യൻ ഇക്കോണമി, ബിബിഎഫിനാൻഷ്യൽ മാനേജ്മെന്റ് എന്നീ വിഷയങ്ങളുടെ കോൺടാക്ട് ക്ലാസുകൾ 26, 27 തീയതികളിൽ കണ്ണൂർ എസ്എൻ കോളജിൽ നടക്കും.