എംടെക് ഒപ്റ്റോഇലക്ട്രോണിക്സ് (2017 അഡ്മിഷൻ സീറ്റൊഴിവ്)
കാര്യവട്ടം ഒപ്റ്റോഇലക്ട്രോണിക്സ് പഠനവകുപ്പിൽ AICTE അംഗീകൃത എംടെക് ഇലക്ട്രോണിക്സ് ആൻഡ് കമ്യൂണിക്കേഷനി (ഒപ്റ്റോഇലക്ട്രോണിക്സ് & ഒപ്റ്റിക്കൽ കമ്യൂണിക്കേഷൻ)ലെ എസ്ടി വിഭാഗത്തിൽ ഒരു സീറ്റ് ഒഴിവുണ്ട്. താത്പര്യമുള്ളവർ സർട്ടിഫിക്കറ്റുകളുടെ അസൽ പകർപ്പുകളുമായി 29ന് രാവിലെ 11ന് ഒപ്റ്റോഇലക്ട്രോണിക്സ് പഠനവകുപ്പിൽ ഹാജരാകണം.
എംബിഎ പരീക്ഷ
നാലാം സെമസ്റ്റർ എംബിഎ (2009 സ്കീം) സപ്ലിമെന്ററി പരീക്ഷയ്ക്ക് പിഴ കൂടാതെ അപേക്ഷിക്കുന്നതിനുള്ള അവസാന തീയതി 31. വിശദവിവരങ്ങൾ വെബ്സൈറ്റിൽ.
യുഐടികളിലെ പി.ജി പ്രവേശനം
യുഐടികളിൽ പുതുതായി അനുവദിച്ചിട്ടുള്ള പി.ജി കോഴ്സുകളിലേക്കു 31 വരെ അഡ്മിഷൻ വെബ്സൈറ്റിൽ ഓണ്ലൈൻ രജിസ്ട്രേഷൻ ചെയ്യാം. കരുവാറ്റ യുഐടിയിൽ എംഎസ്സി കംപ്യൂട്ടർ സയൻസും നെയ്യാറ്റിൻകര, പത്തനാപുരം, വക്കം, കൊല്ലം, മാന്നാർ യുഐടികളിൽ എംകോം (ഫിനാൻസ്) കോഴ്സുമാണ് അനുവദിച്ചിരിക്കുന്നത്. പത്തനാപുരം, ആലപ്പുഴ യുഐടികളിൽ അനുവദിച്ചിരിക്കുന്ന എംഎസ്ഡബ്ലിയു കോഴ്സിലേക്കുള്ള അഡ്മിഷൻ ഓണ്ലൈൻ വഴിയായിരിക്കില്ല നടത്തുന്നത്. ഇതു സംബന്ധിച്ച വിശദവിവരങ്ങൾ പിന്നീട് ലഭ്യമാക്കും.
ബിഎസ്സി പുന:പരീക്ഷ
ഓഗസ്റ്റ് ഏഴിന് നടത്തിയ രണ്ടാം സെമസ്റ്റർ കരിയർ റിലേറ്റഡ് സിബിസിഎസ്എസ് ബിഎസ്സി ഫിസിക്സ് ആൻഡ് കംപ്യൂട്ടർ ആപ്ലിക്കേഷന്റെ മാത്തമാറ്റിക്സ് പേപ്പറിന്റെ (ങങ 1231.6) പുന:പരീക്ഷ 29ന് ഉച്ചയ്ക്ക് 1.30 മുതൽ 4.30 വരെ അതാത് പരീക്ഷാകേന്ദ്രങ്ങളിൽ നടക്കും.
സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ: ഈവനിംഗ് ബാച്ച് പ്രവേശനം
തുടർവിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ ഈവനിംഗ് കോഴ്സിന് സെപ്റ്റംബർ 14 വരെ അപേക്ഷിക്കാം. യോഗ്യത പ്ലസ് ടു/പ്രീഡിഗ്രി ജയം. കോഴ്സ് ഫീസ് 6000 രൂപ. അപേക്ഷ ഫീസ് 100 രൂപ. ക്ലാസുകൾ തിങ്കൾ മുതൽ ശനി വരെ വൈകുന്നേരം അഞ്ച്മുതൽ ഏഴുവരെ. താത്പര്യമുള്ളവർ പിഎംജി ജംഗ്ഷനിലെ സിഎസിഇഇ ഓഫീസുമായി ബന്ധപ്പെടുക. ഫോണ് 04712302523.
ഇന്റഗ്രേറ്റഡ് (പഞ്ചവൽസരം) ബിഎ/ബികോം/ബിബിഎ എൽഎൽബി ഫലം
2016 ഒക്ടോബറിൽ നടത്തിയ ആറാം സെമസ്റ്റർ ഇന്റഗ്രേറ്റഡ് (പഞ്ചവൽസരം) ബിഎ/ബികോം/ബിബിഎ എൽഎൽബി പരീക്ഷാഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും സെപ്റ്റംബർ 20 വരെ അപേക്ഷിക്കാം.
ബിഎംഎംഎഎം (ഇന്റഗ്രേറ്റഡ് എംബിഎ) പരീക്ഷ
രണ്ടും (റഗുലർ & സപ്ലിമെന്ററി), നാലും (റഗുലർ) സെമസ്റ്റർ (2015 സ്കീം) ബിഎംഎംഎഎം (ഇന്റഗ്രേറ്റഡ് എംബിഎ) പരീക്ഷകൾക്ക് സെപ്റ്റംബർ രണ്ടുവരെ (50 രൂപ പിഴയോടെ സെപ്റ്റംബർ എട്ട്, 125 രൂപ പിഴയോടെ സെപ്റ്റംബർ 14) സർവകലാശാല വെബ്സൈറ്റ് വഴി ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ .
ബിആർക്ക് പരീക്ഷ
സെപ്റ്റംബർ 13ന് ആരംഭിക്കുന്ന നാലാം സെമസ്റ്റർ ബിആർക്ക് (2013 സ്കീം) ഇംപ്രൂവ്മെന്റ് സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ .