അസിസ്റ്റന്റ് ഡയറക്ടർ നിയമനം: അപേക്ഷ ക്ഷണിച്ചു
ഫിസിക്കൽ എഡ്യുക്കേഷൻ പഠനവകുപ്പിൽ അസിസ്റ്റന്റ് ഡയറക്ടർ നിയമനത്തിനായി, സർക്കാർ/സർവകലാശാല സർവീസിൽ ഫിസിക്കൽ എഡ്യുക്കേഷൻ അസിസ്റ്റന്റ് ഡയറക്ടറായി ജോലി ചെയ്യുന്നവരിൽ നിന്നും ഡപ്യൂട്ടേഷൻ അടിസ്ഥാനത്തിൽ അപേക്ഷ ക്ഷണിച്ചു. അവസാന തീയതി സെപ്റ്റംബർ 18 വൈകുന്നേരം അഞ്ച് . അപേക്ഷാഫോമും വിശദവിവരങ്ങളും വെബ്സൈറ്റിൽ .
ബിആർക്ക് പരീക്ഷ
സെപ്റ്റംബർ 13ന് ആരംഭിക്കുന്ന നാലാം സെമസ്റ്റർ ബി ആർക്ക് (2013 സ്കീം) റഗുലർ സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
യുഐടികളിലെ പി.ജി പ്രവേശനം
പിരപ്പൻകോട്, ആലപ്പുഴ യുഐടി കളിൽ അനുവദിച്ചിട്ടുള്ള കോഴ്സിലേക്കുള്ള പ്രവേശനം നടത്തുന്നതിനുള്ള വിശദവിവരങ്ങൾ പിന്നീടറിയിക്കും. എംഎസ്ഡബ്ലിയു കോഴ്സിനുള്ള അപേക്ഷകൾ ഓണ്ലൈനായി സമർപ്പിക്കേണ്ടതില്ല. എംകോം (ഫിനാൻസ്), നെയ്യാറ്റിൻകര, പത്തനാപുരം, വക്കം, കൊല്ലം, മന്നാർ എന്നീ യുഐടികളിലും എംഎസ്സി കംപ്യൂട്ടർ സയൻസ് കരുവാറ്റ യുഐടിയിലും അനുവദിച്ചു. ഈ കോഴ്സുകളിലേക്കുള്ള അപേക്ഷ ഓണ്ലൈൻ വഴി 31 വരെ സമർപ്പിക്കാം.
ക്ലാസ് ഉണ്ടായിരിക്കുന്നതല്ല
തുടർ വിദ്യാഭ്യാസ വ്യാപന കേന്ദ്രം നടത്തുന്ന യോഗാ കോഴ്സുകൾക്ക് 28ന് ക്ലാസ് ഉണ്ടായിരിക്കുന്നതല്ല.
പിജിഡിഡിഎൻ, പിജിഡിഎപി, പിജിഡിസിഎഎഫ്സി, പിജിഡിബിടി ടൈംടേബിൾ
വിദൂര വിദ്യാഭ്യാസ പഠനകേന്ദ്രം ഒക്ടോബർ ഒന്പത് മുതൽ പിജിഡിഡിഎൻ, പിജിഡിഎപി, പിജിഡിസിഎഎഫ്സി, പിജിഡിബിടി ഡിപ്ലോമ കോഴ്സുകളുടെ സപ്ലിമെന്ററി പരീക്ഷകളുടെ ടൈംടേബിൾ വെബ്സൈറ്റിൽ ലഭിക്കും.
പുതുതായി അനുവദിച്ച യുഐടികളിലെ ബിരുദ പ്രവേശനം
പുതുതായി ആരംഭിച്ച 11 യുഐടി(ആലപ്പുഴ ജില്ലയിലെ മുഹമ്മ, മണ്ണഞ്ചേരി, പത്തിയൂർ, മുതുകുളം, കൊല്ലം ജില്ലയിലെ ചരുപറന്പ്, തിരുവനന്തപുരം ജില്ലയിലെ കല്ലറ, ആഴൂർ, വള്ളക്കടവ്, കാഞ്ഞിരംകുളം, മലയിൻകീഴ്, തൊളിക്കോട്) കളിലേക്ക് പ്രവേശനം ആഗ്രഹിക്കുന്നവർക്ക് ഓണ്ലൈനായി രജിസ്റ്റർ ചെയ്യുന്നതിനുള്ള അവസാന തീയതി 28 വരെ നീട്ടി. ഇതിനോടകം ഓണ്ലൈൻ അപേക്ഷ സമർപ്പിച്ചവർക്ക് പുതിയ യുഐടികളിലേയ്ക്ക് ഓപ്ഷൻ നൽകുന്നതിനുള്ള അവസരവും 28 വരെ നീട്ടി. 29ന് റാങ്ക് പട്ടിക പ്രസിദ്ധീകരിക്കുകയും 30, 31 തീയതികളിൽ പ്രവേശനം നടത്തുകയും ചെയ്യും.