ബിരുദം: നാലാം ഫൈനൽ അലോട്ട്മെന്റ് പ്രസിദ്ധീകരിച്ചു
ബിരുദം നാലാം ഫൈനൽ അലോട്ട്മെന്റ് പ്രസിദ്ധീകരിച്ചു. അർഹരായവർ 29നു വൈകുന്നേരം നാലിനു മുന്പായി പ്രവേശനം നേടണം. 29നു വൈകുന്നേരം നാലിനു മുന്പായി ഫീസ് അടക്കാത്തവരുടെയും ഫീസടച്ച ശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. ഫൈനൽ അലോട്ട്മെന്റ് ലഭിക്കുന്ന എല്ലാവരും സ്ഥിരപ്രവേശനം നേടണം. ഫൈനൽ അലോട്ട്മെന്റിൽ ഹയർ ഓപ്ഷൻ സൗകര്യം ലഭ്യമല്ലാത്തതിനാൽ സ്ഥിരപ്രവേശനം നേടാത്തവരുടെ അലോട്ട്മെന്റ് റദ്ദാക്കും.
യുജി പ്രവേശനം 29ന് നടത്തണം
യുജി പ്രോഗ്രാമുകളുടെ പ്രവേശന നടപടി 29നു വൈകുന്നേരം നാലിനു മുന്പായി പൂർത്തീകരിക്കണം. 29നു ശേഷം പ്രവേശനം അനുവദിക്കില്ല. ഓണ്‍ലൈൻ അഡ്മിഷൻ പോർട്ടൽ 29ന് വൈകുന്നേരം അഞ്ചിനു ക്ലോസ് ചെയ്യും.
പ്രാക്ടിക്കൽ പരീക്ഷ
2017 ജൂലൈയിലെ രണ്ടാം സെമസ്റ്റർ എംഎസ്‌സി പ്ലാന്‍റ് ബയോടെക്നോളജി (റെഗുലർ/സപ്ലിമെന്‍ററി) ഡിഗ്രി പരീക്ഷയുടെ പ്രാക്ടിക്കൽ 30നു തിരുവല്ല മാക്ഫാസ്റ്റിൽ നടത്തും. ടൈം ടേബിൾ വെബ്സൈറ്റിൽ.
പരീക്ഷാഫലം
2017 മേയിലെ ഒന്നാം സെമസ്റ്റർ എംഫിൽ ബിസിനസ് സ്റ്റഡീസ് (റെഗുലർ/സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷമപരിശോധനയ്ക്കുള്ള അപേക്ഷ സെപ്റ്റംബർ എട്ടു വരെ സ്വീകരിക്കും.
2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്‌സി ഫിസിക്സ് (സിഎസ്എസ് റഗുലർ/സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷമപരിശോധനയ്ക്കുമുള്ള അപേക്ഷ സെപ്റ്റംബർ എട്ടു വരെ സ്വീകരിക്കും.
2016 ജൂലൈയിലെ എംഎസ്‌സി ഹോം സയൻസ് ഫാമിലി ആൻഡ കമ്യൂണിറ്റി സയൻസ്, ഫുഡ് സർവീസ് മാനേജ്മെന്‍റ് ആൻഡ് ഡയറ്റിറ്റിക്സ് (നോണ് സിഎസ്എസ് സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷമപരിശോധനയ്ക്കുമുള്ള അപേക്ഷ സെപ്റ്റംബർ എട്ടു വരെ സ്വീകരിക്കും.
സിൻഡിക്കറ്റ് യോഗം
എംജി യൂണിവേഴ്സിറ്റി സിൻഡിക്കറ്റ് യോഗം 31ന് രാവിലെ സിൻഡിക്കേറ്റ് ഹാളിൽ നടത്തും.