പ്രോജക്റ്റ് ഇവാല്യുവേഷൻ, വൈവാവോസി
2017 മേയ് മാസത്തിൽ നടത്തിയ നാലാം സെമസ്റ്റർ എംഎസ്സി അപ്ലൈഡ് മൈക്രോബയോളജി (സിഎസ്എസ് 2015 അഡ്മിഷൻ റെഗുലർ) ഡിഗ്രി പരീക്ഷയുടെ പ്രോജക്ട് ഇവാല്യുവേഷൻ, വൈവാവോസി എന്നിവ 30, 31 തീയതികളിൽ പാലാ സെന്റ് തോമസ് കോളജിൽ നടത്തും. ടൈംടേബിൾ വെബ്സൈറ്റിൽ.
പരീക്ഷാഫലം
2017 മേയിലെ നാലാം സെമസ്റ്റർ എംഎസ്സി സൈക്കോളജി ( സിഎസ്എസ് റെഗുലർ, സപ്ലിമെന്ററി) ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. ആലുവ യൂസി കോളജിലെ നിഖിത ആനി ബൈജു, ക്രസ്റ്റീന മറിയം ചാക്കോ, എച്ച്. ഷാഹിന എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. പുനർമൂല്യനിർണയത്തിനും സൂക്ഷ്മപരിശോധനയ്ക്കുമുള്ള അപേക്ഷ സെപ്റ്റംബർ 11 വരെ സ്വീകരിക്കും.
ബിടെക് സൂക്ഷ്മ പരിശോധന
2017 മേയിലെ എട്ടാം സെമസ്റ്റർ ബിടെക് പരീക്ഷയുടെ എൻവയണ്മെന്റൽ എൻജിനിയറിംഗ് എന്ന വിഷയത്തിന്റെ സൂക്ഷ്മപരിശോധനയ്ക്ക് അപേക്ഷിച്ചിട്ടുള്ള വിദ്യാർഥികൾ ഉത്തരക്കടലാസ് തിരിച്ചറിയാനായി 30ന് വൈകുന്നേരം നാലിനു മുന്പായി സർവകലാശാലാ പരീക്ഷാഭവനിൽ ഹാജരാകണം.
പരീക്ഷാ തീയതി
അഫിലിയേറ്റഡ് കോളജുകളിലെയും സ്റ്റാസിലെയും നാലാം സെമസ്റ്റർ എംസിഎ (2015 അഡ്മിഷൻ റെഗുലർ, 2011 മുതൽ 2014 വരെ അഡ്മിഷൻ സപ്ലിമെന്ററി, ലാറ്ററൽ എൻട്രി2016 അഡ്മിഷൻ റെഗുലർ, 2013 2015 അഡ്മിഷൻ സപ്ലിമെന്ററി) ഡിഗ്രി പരീക്ഷകൾ സെപ്റ്റംബർ 27ന് തുടങ്ങും. അപേക്ഷ സെപ്റ്റംബർ എട്ടു വരെയും 50 രൂപ പിഴയോടെ 11 വരെയും 500 രൂപ സൂപ്പർ ഫൈനോടെ 13 വരെയും സ്വീകരിക്കും.