എംഎസ്സി മെഡിക്കൽ മൈക്രോബയോളജി/ബയോകെമിസ്ട്രി പരീക്ഷകൾ
കണ്ണൂർ സർവകലാശാലയുടെ പാർട്ട് രണ്ട് എംഎസ്സി മെഡിക്കൽ മൈക്രോബയോളജി/ബയോകെമിസ്ട്രി ഡിഗ്രി ഒന്നാം സെമസ്റ്റർ (സപ്ലിമെന്ററി), മൂന്നാം സെമസ്റ്റർ (റഗുലർ/സപ്ലിമെന്ററിമാർച്ച് 2017) ഇന്റേണൽ പരീക്ഷകൾ യഥാക്രമം സെപ്റ്റംബർ 22, ഒക്ടോബർ 11 തീയതികളിൽ ആരംഭിക്കും. അപേക്ഷകൾ പിഴകൂടാതെ സെപ്റ്റംബർ 11 വരെയും 150 രൂപ പിഴയോടെ 14 വരെയും സമർപ്പിക്കാം. അപേക്ഷയോടൊപ്പം എപിസി, ചലാൻ എന്നിവ സെപ്റ്റംബർ 16നകം സർവകലാശാലയിൽ എത്തിക്കണം. ഫീസ് നിരക്ക് ഇപ്രകാരമാണ്: തിയറി 130 രൂപ പേപ്പറൊന്നിന് (സപ്ലി: 180), പ്രാക്ടിക്കൽ 510 (സപ്ലി: 510), ഡിസർട്ടേഷൻ/പ്രോജക്ട് 760, വൈവ 160, ആപ്ലിക്കേഷൻ ഫീസ് 40 രൂപ. ഡൗണ്ലോഡ് ചെയ്തെടുക്കുന്ന അപേക്ഷാഫോമിനു 40 രൂപയുടെ ചലാൻ അടയ്ക്കേണ്ടതാണ്.
എംസിഎ ഹാൾടിക്കറ്റ്
സെപ്റ്റംബർ 14ന് ആരംഭിക്കുന്ന നാലാം സെമസ്റ്റർ എംസിഎ ഡിഗ്രി (ജൂലൈ 2017) പരീക്ഷയുടെ ഹാൾടിക്കറ്റുകൾ സെപ്റ്റംബർ രണ്ടുമുതൽ സർവകലാശാല വെബ്സൈറ്റിൽനിന്നും ഡൗണ്ലോഡ് ചെയ്യാം.
നാലാം സെമസ്റ്റർ എംഎ ഇംഗ്ലീഷ് പരീക്ഷാഫലം
നാലാം സെമസ്റ്റർ എംഎ ഇംഗ്ലീഷ് (ഏപ്രിൽ 2017) ഡിഗ്രി പരീക്ഷാഫലം പ്രസിദ്ധീകരിച്ചു. മാർക്ക് ലിസ്റ്റുകൾ പഠനവകുപ്പിൽ ലഭ്യമാണ്. പുനഃപരിശോധന/ സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ സെപ്റ്റംബർ 18 വരെ സർവകലാശാലയിൽ സ്വീകരിക്കും.