എംഎ ഹിസ്റ്ററി: സീറ്റൊഴിവ്
കാര്യവട്ടം കാന്പസിൽ ഹിസ്റ്ററി പഠന വകുപ്പിൽ ഒന്നാം വർഷ എംഎ ഹിസ്റ്ററി (സിഎസ്എസ്) 201718 പ്രോഗാമിൽ എസ്ടി വിഭാഗത്തിൽ ഒരു സീറ്റ് ഒഴിവുണ്ട്. അർഹരായിട്ടുള്ളവർ അസൽ രേഖകളുമായി സെപ്റ്റംബർ 13ന് രാവിലെ 10 ന് ഡിപ്പാർട്ട്മെന്റ് ഓഫീസിൽ ഹാജരാകണം. കൂടുതൽ വിവരങ്ങൾക്ക് താഴെപ്പറയുന്ന ഫോണ് നന്പരുകളിൽ 04712308839, 09446533386 ബന്ധപ്പെടുക.
എംഎസ്സി ഫലം
വിദൂര വിദ്യാഭ്യാസ പഠനകേന്ദ്രം ഫെബ്രുവരിയിൽ നടത്തിയ രണ്ടാം സെമസ്റ്റർ എംഎസ്സി കംപ്യൂട്ടർ സയൻസ് (സപ്ലിമെന്ററി) മൂന്നാം സെമസ്റ്റർ എംഎസ്സി കംപ്യൂട്ടർ സയൻസ് (റഗുലർ & സപ്ലിമെന്ററി) പരീക്ഷകളുടെ ഫലം വെബ്സൈറ്റിൽ ലഭിക്കും.
പി.ജി ഓണ്ലൈൻ രജിസ്ട്രേഷൻ തീയതി നീട്ടി
അഫീലിയേറ്റ് ചെയ്തിട്ടുള്ള കോളജുകളിലെ പി.ജി ഓണ്ലൈൻ രജിസ്ട്രേഷൻ നടത്തുവാനുള്ള തീയതി 16വരെ നീട്ടിയിരിക്കുന്നു.
പെർഫോമ സമർപ്പിക്കണം
റിസർച്ച് പോർട്ടൽ പുതുക്കുന്നതിന്റേയും വിവിധ വിഷയങ്ങളിലെ ഗവേഷണ വിദ്യാർഥികളുടെ നിലവിലുള്ള കഴിവുകൾ കണക്കാക്കുന്നതിന്റെയും ഭാഗമായി സർവകലാശാല അംഗീകരിച്ച സർവീസിലുള്ള/ വിരമിച്ച ഗവേഷണ മാർഗദർശികൾ തങ്ങളുടെ ഗവേഷണ മാർഗ നിർദേശവുമായി ബന്ധപ്പെട്ട വിശദാംശങ്ങൾ നൽകേണ്ടതുണ്ട്. ഇതിലേക്കായി എല്ലാ ഗവേഷണ മാർഗനിർദേശകരും വെബ്സൈറ്റിൽ ലഭ്യമാക്കിയിട്ടുള്ള പെർഫോമ ഡൗണ്ലോഡ് ചെയ്ത് പൂരിപ്പിച്ച് 18നു മുന്പായി അതാത് സർവകലാശാല പഠന വകുപ്പ് അധ്യക്ഷന്മാർ സമക്ഷം സമർപ്പിക്കണം. സർവകലാശാല പഠന വകുപ്പുകൾ നിലവിലില്ലാത്ത വിഷയങ്ങൾക്ക് ബന്ധപ്പെട്ട ഫാക്കൽറ്റി ഡീനുമാർ സമക്ഷം പെർഫോമ പൂരിപ്പിച്ച് സമർപ്പിക്കണം.
ബിഎ/ ബിബിഎ/ ബികോം ഫലം
2016 സെപ്റ്റംബറിൽ നടത്തിയ നാലാം സെമസ്റ്റർ ബിഎ/ ബിബിഎ/ബികോം എൽഎൽബി ഇന്റഗ്രേറ്റഡ് (പഞ്ചവത്സര) ഡിഗ്രി ഫലം വെബ്സൈറ്റിൽ ലഭിക്കും. സൂക്ഷമപരിശോധനയ്ക്കും പുനർമൂല്യനിർണയത്തിനും 27 വരെ അപേക്ഷിക്കാം.