എംഎസ്സി കംപ്യൂട്ടർ സയന്സ് സപ്ലിമെന്ററി പരീക്ഷ
കണ്ണൂര് സര്വകലാശാലയുടെ മാങ്ങാട്ടുപറമ്പ് കാമ്പസില് പ്രവര്ത്തിക്കുന്ന ഐടി ഡിപ്പാർട്ട്മെന്റില് എംഎസ്സി കംപ്യൂട്ടർ സയന്സ് സപ്ലിമെന്ററി പരീക്ഷയ്ക്ക് (മേഴ്സി ചാന്സ്2010 അഡ്മിഷന് മുതൽ) അപേക്ഷ ക്ഷണിച്ചു. അപേക്ഷകൾ 20ന് മുന്പ് സമർപ്പിക്കണം. പരീക്ഷാതീയതി പിന്നീട് പ്രഖ്യാപിക്കും. കൂടുതല് വിവരങ്ങള്ക്ക് വകുപ്പുമായി ബന്ധപ്പെടണം.
അസി. പ്രഫസർ നിയമനം: ഇന്റർവ്യൂ മാറ്റി
കണ്ണൂർ സർവകലാശാലയുടെ പാലയാട്, തലശേരി കാന്പസിൽ പ്രവർത്തിക്കുന്ന ഡിപ്പാർട്ട്മെന്റ് ഓഫ് ലോയിലേക്ക് കരാറടിസ്ഥാനത്തിൽ അസി. പ്രഫസർമാരെ തെരഞ്ഞെടുക്കുന്നതിനായി താവക്കര കാന്പസിൽ 14ന് രാവിലെ 11ന് നിശ്ചയിച്ചിരുന്ന വാക്ക് ഇൻ ഇന്റർവ്യൂ മാറ്റിവച്ചു. പുതുക്കിയ തീയതി പിന്നീട് അറിയിക്കും.
അഞ്ചും മൂന്നും സെമസ്റ്റർ ഡിഗ്രി പരീക്ഷകൾ
കണ്ണൂർ സർവകലാശാലയുടെ അഞ്ചും മൂന്നും സെമസ്റ്റർ ബിഎ, ബിഎസ്സി, ബികോം, ബിസിഎ, ബിബിഎ, ബിബിഎടിടിഎം, ബിബിഎ ആർടിഎം, ബിഎ ടിടിഎം, ബിബിഎം/ ബിഎസ്ഡബ്ല്യു/ ബിഎ അഫ്സൽഉൽ ഉലമ ഡിഗ്രി (റഗുലർ/സപ്ലിമെന്ററി/ ഇംപ്രൂവ്മെന്റ് നവംബർ 2017) പരീക്ഷകൾ യഥാക്രമം ഒക്ടോബർ 19, 31 തീയതികളിൽ ആരംഭിക്കും. അഞ്ചാം സെമസ്റ്റർ പരീക്ഷകളുടെ ഓണ്ലൈൻ രജിസ്ട്രേഷൻ പിഴകൂടാതെ ഈമാസം 13 മുതൽ 20 വരെയും 150 രൂപ പിഴയോടെ 23 വരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ 28നകം സർവകലാശാലയിൽ എത്തിക്കണം. മൂന്നാം സെമസ്റ്റർ പരീക്ഷകളുടെ ഓണ്ലൈൻ രജിസ്ട്രേഷൻ പിഴകൂടാതെ 15 മുതൽ 23 വരെയും 150 രൂപ പിഴയോടെ 28 വരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ ഒക്ടോബർ ആറിനകം സർവകലാശാലയിൽ എത്തിക്കണം. വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
ഒൻപതും ഏഴും സെമസ്റ്റർ ബിഎഎൽഎൽബി പരീക്ഷകൾ
ഒൻപതും ഏഴും സെമസ്റ്റർ ബിഎ എൽഎൽബി ഡിഗ്രി (റഗുലർ/സപ്ലിമെന്ററി നവംബർ 2016) പരീക്ഷകൾ യഥാക്രമം ഈമാസം 18, ഒക്ടോബർ മൂന്ന് തീയതികളിൽ ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
തുറന്ന സംവാദം 15ന്
ഇംഗ്ലീഷിൽ ഗവേഷണം നടത്തുന്ന ജയശ്രീ ജയകൃഷ്ണൻ എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിലുള്ള തുറന്ന സംവാദം 15ന് രാവിലെ 11ന് തലശേരി കാന്പസിലെ ഡിപ്പാർട്ട്മെന്റ് ഓഫ് സ്റ്റഡീസ് ഇൻ ഇംഗ്ലീഷ് വിഭാഗത്തിൽ നടത്തും. പ്രസ്തുത പ്രബന്ധം സെമിനാറിന് മൂന്നു ദിവസം മുന്പുമുതൽ തലശേരി കാന്പസിലെ ഡിപ്പാർട്ട്മെന്റ് ഓഫ് സ്റ്റഡീസ് ഇൻ ഇംഗ്ലീഷ് വിഭാഗം ലൈബ്രറിയിൽ പരിശോധനയ്ക്ക് ലഭിക്കും.