എംടെക് (ടെക്നോളജി മാനേജ്മെന്റ്) സ്പോട്ട് അഡ്മിഷൻ
കാര്യവട്ടം ഫ്യൂച്ചേർസ് സ്റ്റഡീസ് പഠനവകുപ്പിൽ എംടെക് (ടെക്നോളജി മാനേജ്മെന്റ്) (201718 ബാച്ച്) പ്രവേശനത്തിനായി എസ്സി/എസ്ടി വിഭാഗത്തിന് (2 സീറ്റ്) സ്പോട്ട് അഡ്മിഷൻ നടത്തുന്നു. താത്പര്യമുള്ളവർ അപേക്ഷാ ഫോമും (അപേക്ഷാ ഫീസ് 500 രൂപ) സർട്ടിഫിക്കറ്റുകളുടെ അസൽ പകർപ്പുകളുമായി 13ന് രാവിലെ 10.30ന് പഠനവകുപ്പിൽ ഹാജരാകണം. വിശദവിവരങ്ങൾ വെബ്സൈറ്റിൽ ലഭിക്കും.
എംടെക്: സീറ്റൊഴിവ്
കാര്യവട്ടം ഒപ്റ്റോഇലക്ട്രോണിക്സ് പഠന വകുപ്പിൽ എഐസിടിഇ അംഗീകൃത ഇലക്ട്രോണിക്സ് ആൻഡ് കമ്യൂണിക്കേഷനിലെ എസ്.ടി വിഭാഗത്തിൽ ഒരു സീറ്റ് ഒഴിവുണ്ട്. കംപ്യൂട്ടേഷണൽ ബയോളജി ആൻഡ് ബയോഇൻഫർമാറ്റിക്സ് പഠന വകുപ്പിൽ കംപ്യൂട്ടേഷണൽ ബയോളജിയിൽ എസ്സി വിഭാഗത്തിൽ രണ്ടും എസ്ടി വിഭാഗത്തിൽ ഒരു ഒഴിവുമുണ്ട്. താത്പര്യമുള്ളവർ അസൽ സർട്ടിഫിക്കറ്റുകളുമായി 14ന് രാവിലെ 11ന് അതാത് പഠനവകുപ്പുകളിൽ ഹാജരാകണം.
യുജി പ്രൈവറ്റ് രജിസ്ട്രേഷൻ പുന:സ്ഥാപിച്ചു
201718 അധ്യയന വർഷം മുതൽ നിർത്തലാക്കാൻ തീരുമാനിച്ചിരുന്ന യുജി പ്രൈവറ്റ് രജിസ്ട്രേഷൻ ബിഎ (ഹിന്ദി, തമിഴ്, അറബിക്, സംസ്കൃതം (ജനറലും സ്പെഷ്യലും), മ്യൂസിക്, ഫിലോസഫി, ഇസ്ലാമിക് ഹിസ്റ്ററി, അഫ്സൽഉൽഉലമ, മലയാളം, ഇക്കണോമിക്സ്, ഹിസ്റ്ററി, പൊളിറ്റിക്കൽ സയൻസ്, ഇംഗ്ലീഷ്), ബികോം (അഡീഷണൽ ഇലക്ടീവ്കോഓപ്പറേഷൻ), ബിബിഎ എന്നീ യുജി പ്രോഗ്രാമുകൾക്ക് പുന:സ്ഥാപിച്ചു.
പി.ജി വനിതാ ഹോസ്റ്റൽ പ്രവേശനം: ഇപ്പോൾ അപേക്ഷിക്കാം
ഗവണ്മെന്റ് കോളജുകളിലെ ഒന്നാം വർഷ ബിരുദാനന്തര ബിരുദ വിദ്യാർഥിനികൾക്ക് തൈക്കാടുള്ള സർവകലാശാല വനിതാ ഹോസ്റ്റൽ പ്രവേശനത്തിനുള്ള അപേക്ഷകൾ ഓണ്ലൈനായി ക്ഷണിച്ചു. പ്രവേശനം മെറിറ്റ് അടിസ്ഥാനത്തിലും നിലവിലുള്ള ഹോസ്റ്റൽ നിയമങ്ങളും അനുസരിച്ചായിരിക്കും. ഈ അധ്യയന വർഷം മുതൽ ഹോസ്റ്റൽ പ്രവേശനത്തിനുള്ള അപേക്ഷകൾ ഓണ്ലൈനായി മാത്രമേ സ്വീകരിക്കുകയുള്ളു.
ബിബിഎ ഫലം
വിദൂരവിദ്യാഭ്യാസ കേന്ദ്രം ജൂണിൽ നടത്തിയ ബിബിഎ (2014 റഗുലർ & 2013 സപ്ലിമെന്ററി) ആറാം സെമസ്റ്റർ പരീക്ഷാഫലം പ്രസിദ്ധീകരിച്ചു. ഫലം വിദൂരവിദ്യാഭ്യാസ കേന്ദ്രത്തിൽ നിന്നും ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും അപേക്ഷിക്കേണ്ട അവസാന തീയതി നവംബർ പത്ത്.
എംഎ സോഷ്യോളജി വൈവാവോസി
വിദൂരവിദ്യാഭ്യാസ പഠനകേന്ദ്രം ജൂലൈയിൽ നടത്തിയ എംഎ സോഷ്യോളജി ഫൈനൽ സപ്ലിമെന്ററി പരീക്ഷയുടെ വൈവാവോസി 18 മുതൽ പാളയം വിദൂര വിദ്യാഭ്യാസ കേന്ദ്രത്തിൽ നടക്കും. വിശദവിവരങ്ങൾ വെബ്സൈറ്റിൽ ലഭിക്കും.
പി.ജി പ്രവേശനത്തിനുള്ള ഓണ്ലൈൻ രജിസ്ട്രേഷൻ അവസാന തീയതി 16
അഫിലിയേറ്റ് ചെയ്തിട്ടുള്ള ഗവ/എയ്ഡഡ്/സ്വാശ്രയ/യുഐടി കോളജുകളിലെ ബിരുദാനന്തര ബിരുദ (പി.ജി) കോഴ്സുകളിലേയ്ക്കുള്ള പ്രവേശനത്തിന് 16നു വൈകുന്നേരം അഞ്ചുവരെ ഓണ്ലൈനായി അപേക്ഷ സമർപ്പിക്കാം. പ്രവേശനവുമായി ബന്ധപ്പെട്ട തുടർന്നുള്ള ആവശ്യങ്ങൾക്കായി അപേക്ഷകർ പ്രിന്റൗട്ട് നിർബന്ധമായും സൂക്ഷിക്കണം. ഇതിനോടകം അപേക്ഷ സമർപ്പിച്ചവർ തങ്ങളുടെ കൈവശമുള്ള അപേക്ഷയുടെ പ്രിന്റൗട്ട് സൂക്ഷ്മമായി പരിശോധിച്ച് 18 നകം ആവശ്യമുള്ള തിരുത്തലുകൾ വരുത്തിയ ശേഷം പുതിയ പ്രിന്റൗട്ട് നിർബന്ധമായും സൂക്ഷിക്കണം. അപേക്ഷയിലെ തെറ്റുകൾ പ്രവേശനത്തെ പ്രതികൂലമായി ബാധിക്കും.
പി.ജി പ്രവേശനം: കമ്യൂണിറ്റി ക്വാട്ട
അഫിലിയേറ്റ് ചെയ്തിട്ടുള്ള എയ്ഡഡ് കോളജുകളിലെ ബിരുദാനന്തരബിരുദ (പി.ജി) കോഴ്സുകളിലേയ്ക്കുള്ള കമ്യൂണിറ്റി ക്വാട്ട പ്രവേശനത്തിന് അപേക്ഷിക്കുവാൻ ആഗ്രഹിക്കുന്നവർ 16വരെ ഓണ്ലൈൻ അപേക്ഷയുടെ പ്രിന്റൗട്ട്, അനുബന്ധ രേഖകൾ എന്നിവ സഹിതം ബന്ധപ്പെട്ട കോളജുകളിൽ അപേക്ഷ സമർപ്പിക്കണം. 20ന് കോളജിൽ കമ്യൂണിറ്റി മെറിറ്റ് റാങ്ക് പട്ടിക പ്രസിദ്ധീകരിക്കും. 26ന് പ്രവേശനം നടത്തും. സർവകലാശാലയിലേയ്ക്ക് അപേക്ഷ സമർപ്പിക്കേണ്ട തില്ല.
പി.ജി പ്രവേശനം: സ്പോർട്സ് ക്വാട്ട
അഫിലിയേറ്റ് ചെയ്തിട്ടുള്ള എയ്ഡഡ് കോളജുകളിലെ ബിരുദാനന്തരബിരുദ (പി.ജി) കോഴ്സുകളിലേയ്ക്കുള്ള സ്പോർട്സ് ക്വാട്ട പ്രവേശനത്തിന് അപേക്ഷിക്കുവാൻ ആഗ്രഹിക്കുന്നവർ ഓണ്ലൈൻ അപേക്ഷയുടെ പ്രിന്റൗട്ട്, സ്പോർട്സിലെ നേട്ടങ്ങൾ തെളിയിക്കുന്ന രേഖകളുടെ പകർപ്പ് എന്നിവ സഹിതം ബന്ധപ്പെട്ട കോളജുകളിൽ അപേക്ഷ സമർപ്പിക്കണം. സർവകലാശാലയിലേയ്ക്ക് അപേക്ഷ സമർപ്പിക്കേണ്ടതില്ല.
എംബിഎ ടൈംടേബിൾ
എംബിഎ (റഗുലർ 2014 സ്കീം) നാലാം സെമസ്റ്റർ പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും. പരീക്ഷകൾ 20ന് ആരംഭിക്കും.
എംസിഎ ഫലം
ഏപ്രിലിൽ നടത്തിയ അഞ്ചാം സെമസ്റ്റർ എംസിഎ പരീക്ഷയുടെ ഫലം (2011 സ്കീം റഗുലർ & സപ്ലിമെന്ററി, 2006 സ്കീം മേഴ്സി ചാൻസ്) വെബ്സൈറ്റിൽ ലഭിക്കും.