ബിടെക് സൂക്ഷ്മപരിശോധന
2016 സെപ്റ്റംബറിൽ നടത്തിയ അഞ്ചാം സെമസ്റ്റർ ബിടെക് (2008 സ്കീം) പരീക്ഷയുടെ സൂക്ഷ്മപരിശോധനയ്ക്ക് ഓണ്‍ലൈനായി അപേക്ഷിച്ചിട്ടുള്ള വിദ്യാർഥികൾ സൂക്ഷ്മപരിശോധനയ്ക്കായി ഫോട്ടോ പതിച്ച ഐഡി കാർഡും ഹാൾടിക്കറ്റുമായി ബിടെക് റീവാല്യുവേഷൻ സെക്‌ഷനിൽ 15 മുതൽ 23 വരെയുള്ള പ്രവൃത്തി ദിനങ്ങളിൽ ഹാജരാകണം.
ബിഎഎംഎസ് പരീക്ഷ
26ന് ആരംഭിക്കുന്ന രണ്ടാം വർഷ ബിഎഎംഎസ് (സപ്ലിമെന്‍ററി) പരീക്ഷയ്ക്ക് അപേക്ഷിച്ചവർ അതാത് കോളജുകളിൽ നിന്നും ഹാൾടിക്കറ്റ് കൈപറ്റി തിരുവനന്തപുരം ഗവ. ആയുർവേദ കോളജിൽ പരീക്ഷയ്ക്ക് ഹാജരാകണം.
സീറ്റ് ഒഴിവ്
കേരള സർവകലാശാല കാര്യവട്ടത്തെ പഠനവകുപ്പുകളിൽ താഴെ പറയുന്ന വിഭാഗങ്ങളിൽ സീറ്റ് ഒഴിവുണ്ട്. സോഷ്യോളജി എസ്‌സി മൂന്ന്, എസ്ടി ഒന്ന്, എംഎസ്ഡബ്ലിയു ഒന്ന്, സംസ്കൃതം എസ്‌സി മൂന്ന്. താത്പര്യമുള്ളവർ അസൽ സർട്ടിഫിക്കറ്റുകളുമായി 19നു ഉച്ചകഴിഞ്ഞ് മൂന്നിനു മുന്പായി അതാത് പഠനവകുപ്പുകളിൽ ഹാജരാകണം.
സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് ഫലം
തുടർവിദ്യാഭ്യാസ വ്യാപന കേന്ദ്രം മേയ് മാസത്തിൽ പിഎംജിയിലെ സിഎസിഇഇ ഓഫീസിലും ശാസ്താംകോട്ട ഡി.ബി കോളജിലും നടത്തിയ സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് പരീക്ഷയുടെ ഫലം പ്രസിദ്ധീകരിച്ചു. ജി.സാരംഗി (രജി. നന്പർ 11078 സിഎസിഇഇ) ഒന്നാം റാങ്ക് നേടി.
സർട്ടിഫിക്കറ്റ് ഇൻ കംപ്യൂട്ടറൈസ്ഡ് അക്കൗണ്ടിംഗ് ഫലം
തുടർവിദ്യാഭ്യാസ വ്യാപന കേന്ദ്രം മേയ് മാസത്തിൽ മാവേലിക്കര ബിഷപ്പ്മൂർ കോളജിൽ നടത്തിയ സർട്ടിഫിക്കറ്റ് ഇൻ കംപ്യൂട്ടറൈസ്ഡ് അക്കൗണ്ടിംഗ് പരീക്ഷയുടെ ഫലം പ്രസിദ്ധീകരിച്ചു. അജീന അജി (രജി. നന്പർ 11051), ജീന കെ. ജെയിംസ് (രജി. നന്പർ 11055) എന്നിവർ ഒന്നാം റാങ്ക് പങ്കിട്ടു.
എംഎ ഇംഗ്ലീഷ് വൈവ വോസി
വിദൂരവിദ്യാഭ്യാസ കേന്ദ്രം ജൂലൈ/ഓഗസ്റ്റിൽ നടത്തിയ എംഎ ഇംഗ്ലീഷ് സപ്ലിമെന്‍ററി/മേഴ്സി ചാൻസ് പരീക്ഷകളുടെ വൈവ വോസി 20ന് പാളയം വിദൂരവിദ്യാഭ്യാസ കേന്ദ്രത്തിൽ നടക്കും.
എൽഎൽബി പരീക്ഷ
ഒക്ടോബറിൽ ആരംഭിക്കുന്ന ഒന്നാം സെമസ്റ്റർ യൂണിറ്ററി എൽഎൽബി പരീക്ഷകൾക്ക് ഓണ്‍ലൈനായി 18 മുതൽ അപേക്ഷിക്കാം. 25വരെ (50 രൂപ പിഴയോടെ സെപ്റ്റംബർ 27, 125 രൂപ പിഴയോടെ ഒക്ടോബർ 3) ഫീസടച്ച് അപേക്ഷിക്കാം. പരീക്ഷകൾ ഒക്ടോബർ 23ന് ആരംഭിക്കും.
മാർക്കുകൾ അപ്‌ലോഡ് ചെയ്യാം
ജൂലൈയിൽ നടത്തിയ രണ്ടാം സെമസ്റ്റർ കരിയർ റിലേറ്റഡ് സിബിസിഎസ് കോഴ്സുകളുടെ കണ്ടിന്യൂയിംഗ് ഇവാല്യുവേഷൻ മാർക്കുകൾ അതാത് കോളജുകൾക്ക് 16 വരെ അപ്‌ലോഡ് ചെയ്യാം.