പിജി പ്രവേശനം: വെയിറ്റിംഗ് ലിസ്റ്റ്
കാലിക്കട്ട് സർവകലാശാലയുടെ പിജി പ്രവേശനത്തിൽ സപ്ലിമെന്ററി അലോട്ട്മെന്റിന് ശേഷമുള്ള ഒഴിവിലേക്ക് കോളജുകളിലെ ഓരോ കോഴ്സിലേയും എസ് സി, എസ്ടി, ബിപിഎൽ (മുന്നോക്ക വിഭാഗം) ഒഴികെയുള്ള വിവിധ കാറ്റഗറിയിലുള്ള വെയിറ്റിംഗ് ലിസ്റ്റ് 16 മുതൽ കോളജുകളിൽ ലഭ്യമാകും. വിദ്യാർഥികൾക്ക് ലോഗിൻ ചെയ്ത് റാങ്ക് വിവരങ്ങൾ അറിയാം. ലിസ്റ്റിൽ ഉൾപ്പെട്ടവർക്ക് കോളജിൽ 19ന് ഉച്ചയ്ക്ക് 12 വരെ റിപ്പോർട്ട് ചെയ്യാം. റിപ്പോർട്ട് ചെയ്യുന്നവരിൽ നിന്ന് 19ന് ഉച്ചയ്ക്കുശേഷം രണ്ടിന് റാങ്ക് ലിസ്റ്റ് തയ്യാറാക്കും. 22ന് നാല് വരെ പ്രവേശനം നടത്തും. 22ന് ശേഷം പ്രവേശനം അവസാനിക്കുന്ന തിയതി വരെ ഉണ്ടാകുന്ന ഒഴിവിലേക്കും 19ന് കോളജ്, പഠനവകുപ്പുകൾ തയ്യാറാക്കുന്ന ലിസ്റ്റിൽ നിന്നും പ്രവേശനം നടത്തും. വിദ്യാർഥികൾക്ക് റാങ്ക്, റാങ്ക് ലിസ്റ്റിലെ സ്ഥാനം എന്നിവ ലോഗിൻ ചെയ്ത് പരിശോധിക്കാം. റാങ്ക് പ്രകാരം ലിസ്റ്റിൽ ഉൾപ്പെട്ടിട്ടുണ്ടോയെന്ന് പരിശോധിച്ച് കോളജുകളിൽ റിപ്പോർട്ട് ചെയ്യണം. ഒന്നിൽ കൂടുതൽ കോളജുകളിൽ റിപ്പോർട്ട് ചെയ്യാൻ ഉദ്ദേശിക്കുന്നവർക്ക് ഓണ്ലൈൻ പ്രിന്റൗട്ടിന്റെ പകർപ്പ് സഹിതം പ്രതിനിധികളെ അയക്കാം.
പിജി പ്രവേശനം: റീ ഓപ്ഷന് അവസരം
പിജി പ്രവേശനത്തിൽ സപ്ലിമെന്ററി അലോട്ട്മെന്റിന് ശേഷമുള്ള ഒഴിവിലേക്ക് എസ് സി, എസ്ടി, ബിപിഎൽ (മുന്നോക്ക വിഭാഗം) വിഭാഗങ്ങളിലെ വിദ്യാർഥികൾക്ക് ലോഗിൻ ചെയ്ത് 16 മുതൽ 20 വരെ കോളജ് റീഓപ്ഷൻ നൽകാം. വിവിധ കോളജ്, പഠനവകുപ്പുകളിലുള്ള ഒഴിവ് വിവരങ്ങൾ 18 മുതൽ വെബ്സൈറ്റിൽ ലഭ്യമാവും. ഈ വിഭാഗങ്ങളിലേക്കുള്ള സ്പെഷൽ അലോട്ട്മെന്റ് 22ന് നടത്തും. പ്രവേശനം 22, 23 തിയതികളിൽ കോളജ്, പഠനവകുപ്പ് നടത്തും.
പരീക്ഷാ അപേക്ഷ
ബിആർക് (2004 സ്കീം) (പ്രാക്ടിക്കൽ, തെസീസ് വൈവാ വോസി ഒഴികെ) ഇന്റേണൽ (ഒക്ടോബർ 2017) ഇംപ്രൂവ്മെന്റ് പരീക്ഷയ്ക്ക് 28വരെ അപേക്ഷിക്കാം. പ്രിന്റൗട്ട്, ചലാൻ, മാർക്ക് ലിസ്റ്റുകളുടെ പകർപ്പ് എന്നിവ സഹിതം ഒക്ടോബർ നാലിനകം പരീക്ഷാഭവനിൽ ലഭിക്കണം.
സൈക്കോളജി പഠനവകുപ്പിലെ പിജി ഡിപ്ലോമ ഇൻ റിഹാബിലിറ്റേഷൻ സൈക്കോളജി (2016 പ്രവേശനം) റഗുലർ പരീക്ഷക്ക് 19 വരെ അപേക്ഷിക്കാം. പരീക്ഷ 25ന് ആരംഭിക്കും.
പരീക്ഷാഫലം
2016 ഡിസംബറിൽ നടത്തിയ മൂന്നാം സെമസ്റ്റർ എംഎസ്സി മാത്തമാറ്റിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഒക്ടോബർ മൂന്ന് വരെ അപേക്ഷിക്കാം.
ഒന്നാം സെമസ്റ്റർ എംടെക് കംപ്യൂട്ടർ സയൻസ് ആൻഡ് എൻജിനിയറിംഗ്, കെമിക്കൽ പ്രോസസ് കണ്ട്രോൾ ജനുവരി 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
എക്സാമിനേഴ്സ് മീറ്റിംഗ്
നാലാം സെമസ്റ്റർ എംഎസ് സി മാത്തമാറ്റിക്സ് (സിയുസിഎസ്എസ്) പരീക്ഷയുടെ എക്സാമിനേഴ്സ് മീറ്റിംഗ് 19ന് രാവിലെ 11ന് മണ്ണാർക്കാട് എംഇഎസ് കല്ലടി കോളജിൽ നടക്കും. ഈ വിഷയം പഠിപ്പിക്കുന്ന എല്ലാ അധ്യാപകരും നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
ജൈവകൃഷിയിൽ പരിശീലനം
ലൈഫ്ലോംഗ് ലേണിംഗ് ആൻഡ് എക്സ്റ്റൻഷൻ വിഭാഗത്തിന്റെ ആഭിമുഖ്യത്തിൽ പൊതുജനങ്ങൾക്കായി ജൈവകൃഷിയിൽ പരിശീലന പരിപാടി സംഘടിപ്പിക്കുന്നു. ആലപ്പുഴ നാച്വർ ഫൗണ്ടേഷനുമായി സഹകരിച്ചാണ് പരിപാടി. 20 ഞായറാഴ്ചകളിലായി നടക്കുന്ന കോഴ്സിൽ കാർഷിക മേഖലയിലെ പ്രഗത്ഭർ ക്ലാസുകൾ നയിക്കും. ആദ്യം വരുന്ന 40 പേർക്ക് മാത്രമാണ് പ്രവേശനം. വിവരങ്ങൾക്കും രജിസട്രേഷനും ഫോണ്: 0494 2407360.