സെക്കൻഡറി ഇംപ്രൂവ്മെന്റ് തുല്യതാ പരീക്ഷ : ഹാള്ടിക്കറ്റ് കൈപ്പറ്റണം
തിരുവനന്തപുരം: 22, 23, 24 തീയതികളില് നടക്കുന്ന ഒന്നാംവര്ഷ ഹയര്സെക്കൻഡറി ഇംപ്രൂവ്മെന്റ് തുല്യതാ പരീക്ഷയുടെ ഹാള്ടിക്കറ്റ് പരീക്ഷാര്ഥികള്ക്ക്, രജിസ്ട്രേഷന് കേന്ദ്രങ്ങളില് 18, 19, 20 തീയതികളില് വിതരണംചെയ്യും.
പരീക്ഷാര്ഥികള് രജിസ്ട്രേഷന് കേന്ദ്രങ്ങളിലെത്തി പ്രിന്സിപ്പൽമാരില് നിന്ന് ഹാള്ടിക്കറ്റ് വാങ്ങണം. കൊല്ലം തേവള്ളി ഗവ. മോഡല് എച്ച്എസ്എസ്, ആലപ്പുഴ, കലവൂര് ഗവ. എച്ച്എസ്എസ്, കടുത്തുരുത്തി സെന്റ് മൈക്കിള്സ് എച്ച്എസ്എസ് എന്നീ കേന്ദ്രങ്ങളില് രജിസ്റ്റര് ചെയ്ത പരീക്ഷാര്ഥികള് അതതു ജില്ലയിലെ ഇതര പരീക്ഷാ കേന്ദ്രങ്ങളിലെത്തണം. വിശദാംശം ഹയര് സെക്കൻഡറി പോര്ട്ടലില് ലഭിക്കും.