പുന:ക്രമീകരിച്ച തീയതികൾ
സെപ്റ്റംബർ 18ന് നടത്താനിരുന്ന പരീക്ഷകളുടെ പുന:ക്രമീകരിച്ച തീയതികൾ വെബ്സൈറ്റിൽ ലഭിക്കും. പരീക്ഷാകേന്ദ്രങ്ങൾക്കും സമയത്തിനും മാറ്റമില്ല.
എംഎ ആർക്കിയോളജി: സ്പോട്ട് അഡ്മിഷൻ
കാര്യവട്ടം ആർക്കിയോളജി പഠനവകുപ്പിൽ എംഎ ആർക്കിയോളജി (2017 അഡ്മിഷൻ) പ്രവേശനത്തിനായി എസ്സി (പട്ടികജാതി) വിഭാഗത്തിന് (ഒരു സീറ്റ്) സ്പോട്ട് അഡ്മിഷൻ നടത്തുന്നു. യോഗ്യരായവർ സർട്ടിഫിക്കറ്റുകളുടെ അസൽ പകർപ്പുകളുമായി 20ന് രാവിലെ 10ന് പഠനവകുപ്പിൽ ഹാജരാകണം.
ബിഎ ഫലം
2016 ഡിസംബറിൽ നടത്തിയ മൂന്നാം സെമസ്റ്റർ ബിഎ സിബിസിഎസ്എസ് (റഗുലർ) (2013 സപ്ലിമെന്ററി & 2014 സ്കീം ഇംപ്രൂവ്മെന്റ് & 2015 സ്കീം റഗുലർ) പരീക്ഷാഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും അപേക്ഷിക്കേണ്ട അവസാന തീയതി ഒക്ടോബർ 16.
എംഫിൽ ഇന്റർവ്യൂ
വിവിധ പഠന വകുപ്പുകളിലെയും യൂണിവേഴ്സിറ്റി കോളജിലേയും 201718 അധ്യയന വർഷത്തേക്കുള്ള എംഫിൽ പ്രോഗ്രാമുകളിലേക്കുള്ള ഇന്റർവ്യൂ 25 മുതൽ ഒക്ടോബർ ആറുവരെ കേരള സർവകലാകാശാലയുടെ അതാത് പഠന വകുപ്പുകളിൽ നടക്കും. ഇന്റർവ്യൂവിന് എസ്എംഎസ് ലഭിച്ചിട്ടുള്ള വിദ്യാർഥികൾ അതാതു വകുപ്പുകളിൽ ഷെഡ്യൂൾ പ്രകാരം ഹാജരാകണം. വിശദവിവരങ്ങൾ വെബ്സൈറ്റിൽ ലഭിക്കും.
എംഎൽഐഎസി ഒരു സീറ്റ് ഒഴിവ്
ലൈബ്രറി ആൻഡ് ഇൻഫർമേഷൻ സയൻസ് വിഭാഗം നടത്തുന്ന ദ്വിവത്സര എംഎൽഐഎസി കോഴ്സിന് എസ്ടി വിഭാഗത്തിന് ഒരു സീറ്റ് ഒഴിവുണ്ട് . താത്പര്യമുള്ളവർ ജാതി സർട്ടിഫിക്കറ്റും, സർട്ടിഫിക്കറ്റുകളുടെ അസൽ പകർപ്പുകളുമായി ലൈബ്രറി ആൻഡ് ഇൻഫർമേഷൻ സയൻസ് വിഭാഗത്തിൽ 20ന് ഉച്ചകഴിഞ്ഞ് മൂന്നിനു മുന്പായി ഹാജരാകണം. എസ്ടി വിഭാഗത്തിന്റെ അഭാവത്തിൽ എസ്സി വിഭാഗക്കാരെ പരിഗണിക്കും.
സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ കോഴ്സ് ഈവനിംഗ് ബാച്ച്തീയതി നീട്ടി
തുടർ വിദ്യാഭ്യാസ വ്യാപനകേന്ദ്രം നടത്തുന്ന സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ ഈവനിംഗ് കോഴ്സിന് 27 വരെ അപേക്ഷിക്കാം. യോഗ്യത പ്ലസ് ടു/ പ്രീഡിഗ്രി ജയിച്ചിരിക്കണം. ഫീസ് 6000 രൂപ. അപേക്ഷാ ഫീസ് 100 രൂപ. ക്ലാസുകൾ തിങ്കൾ മുതൽ ശനി വരെ. സമയം വൈകുന്നേരം അഞ്ച് മുതൽ ഏഴുവരെ. വിശദവിവരങ്ങൾക്ക് പിഎംജിയിലുള്ള (സ്റ്റുഡന്റ്സ് സെന്റർ ക്യാന്പസ്) സിഎസിഇഇ കേന്ദ്രവുമായി ബന്ധപ്പെടുക. ഫോണ്: 04712302523.
സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് ഇന്റർവ്യൂ
തുടർ വിദ്യാഭ്യാസ വ്യാപനകേന്ദ്രം നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന്റെ അഡ്മിഷൻ ഇന്റർവ്യൂ ഒക്ടോബർ നാലിന് രാവിലെ 11ന് പിഎംജിയിലുള്ള (സ്റ്റുഡന്റ്സ് സെന്റർ കാന്പസ്) സിഎസിഇഇ ഓഫീസിൽ നടക്കും. അപേക്ഷ സമർപ്പിച്ചവർക്ക് അറിയിപ്പ് നൽകിയിട്ടുണ്ട്. സീറ്റുകൾ ഒഴിവ് വന്നാൽ അപേക്ഷ സമർപ്പിക്കാത്തവരേയും പരിഗണിക്കും. യോഗ്യത പ്ലസ് ടു/ പ്രീഡിഗ്രി ജയിച്ചിരിക്കണം. ഫീസ് 7500 രൂപ. അപേക്ഷാ ഫീസ് 100 രൂപ. ക്ലാസുകൾ ശനി, ഞായർ ദിവസങ്ങളിൽ മാത്രം. കോഴ്സ് കാലാവധി ആറ് മാസം. വിശദവിവരങ്ങൾക്ക് ഫോണ്: 04712302523.