പിജി പ്രവേശനം: ഒന്നാം അലോട്ട്മെന്റ് പ്രസിദ്ധീകരിച്ചു
സർവകലാശാലയോട് അഫിലിയേറ്റ് ചെയ്തിട്ടുള്ള ഗവ./എയ്ഡഡ്/സ്വാശ്രയ കോളജുകളിലെയും യുഐടികളിലേയും 201718 അധ്യായന വർഷത്തെ ബിരുദാനന്തരബിരുദ (പിജി) കോഴ്സുകളിലേയ്ക്കുള്ള പ്രവേശനത്തിനുള്ള ഒന്നാം അലോട്ട്മെന്റ് പ്രസിദ്ധീകരിച്ചു. ആപ്ലിക്കേഷൻ നന്പർ, പാസ്വേർഡ് എന്നിവ ഉപയോഗിച്ച് ലോഗിൻ ചെയ്ത് വിദ്യാർഥികൾക്ക് അലോട്ട്മെന്റ് പരിശോധിക്കാവുന്നതാണ്. അലോട്ട്മെന്റ് ലഭിച്ച അപേക്ഷകർ 22നകം അഡ്മിഷൻ ഫീസ് ഒടുക്കുന്നതിനുള്ള ചലാൻ ഡൗണ്ലോഡ് ചെയ്ത് എസ്ബിഐയുടെ ഏതെങ്കിലും ശാഖയിൽ ഫീസ് ഒടുക്കി ജേർണൽ നന്പർ വെബ്സൈറ്റിൽ നൽകി തങ്ങളുടെ സീറ്റ് ഉറപ്പാക്കേണ്ട താണ്. ഫീസ് അടച്ച വിവരം (ജേർണൽ നന്പർ, തുക, ഫീസൊടുക്കിയ തീയതി, ശാഖ മുതലായവ) വെബ്സൈറ്റിൽ രേഖപ്പെടുത്താത്ത അപേക്ഷകരുടെ അലോട്ട്മെന്റ് നഷ്ടപ്പെടുകയും തുടർന്നുള്ള അലോട്ട്മെന്റുകളിൽ യാതൊരു കാരണവശാലും പരിഗണിക്കുന്നതുമല്ല. ഹയർ ഓപ്ഷനുകൾ ആവശ്യമില്ലാത്തവർ 22നകം അവ നീക്കം ചെയ്യേണ്ട താണ്. രണ്ടാം ഘട്ട അലോട്ട്മെന്റിന് ശേഷം മാത്രം കോളജുകളിൽ പ്രവേശനം നേടിയാൽ മതിയാകും. പ്രവേശനം സംബന്ധിച്ച വിശദമായ അറിയിപ്പ് അഡ്മിഷൻ വെബ്സൈറ്റിൽ പ്രസിദ്ധപ്പെടുത്തിയിട്ടുണ്ട്.
പരീക്ഷാ തീയതി മാറ്റം
28 നു നടത്താൻ നിശ്ചയിച്ചിരുന്ന ബിഎസ്സി ആന്വൽ സ്കീം മാത്തമാറ്റിക്സ് മെയിൻ പേപ്പർ രണ്ട് സപ്ലിമെന്ററി പരീക്ഷ ഒക്ടോബർ 19ന് ഉച്ചയ്ക്ക് 1.30 മുതൽ 4.30 വരെ നടത്തുന്നതാണ്. പരീക്ഷാകേന്ദ്രത്തിൽ മാറ്റമില്ല.
ബിഎ പരീക്ഷാ തീയതി മാറ്റം
28 നു നടത്താൻ നിശ്ചയിച്ചിരുന്ന ബിഎ (ആന്വൽ സ്കീം)/ ബിഎ (അഫ്സൽ ഉൽ ഉലാമ) പരീക്ഷകൾ കോളജ് യൂണിയൻ തെരഞ്ഞെടുപ്പ് പ്രസ്തുത ദിവസം നടക്കുന്നതിനാൽ ഒക്ടോബർ നാലിലേക്ക് മാറ്റിയിരിക്കുന്നു.
ബിഎസ്സി പരീക്ഷാകേന്ദ്രം
26ന് തുടങ്ങുന്ന ബിഎസ്സി ആന്വൽ സ്കീം പാർട്ട് മൂന്ന് മാത്തമാറ്റിക്സ് മെയിൻ സെപ്റ്റംബർ / ഒക്ടോബർ പരീക്ഷയ്ക്ക് പാളയം എസ്ഡിഇ, കൊല്ലം എസ്എൻ കോളജ് എന്നിവിടങ്ങൾ മാത്രമായിരിക്കും പരീക്ഷാകേന്ദ്രങ്ങൾ. ഗവ. ആർട്സ് കോളജ് പരീക്ഷാകേന്ദ്രമായി ഓഫ്ലൈനായും അപേക്ഷിച്ചവർ പാളയം എസ്ഡിഇയിൽ നിന്നും ഹാൾടിക്കറ്റ് വാങ്ങി അവിടെത്തന്നെ പരീക്ഷ എഴുതണം.
ബിഎസ്സി ഫലം
2016 ഡിസംബറിൽ നടത്തിയ മൂന്നാം സെമസ്റ്റർ ബിഎസ്സി (2015 അഡ്മിഷൻ റഗുലർ) പരീക്ഷയുടെ ഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി ഒക്ടോബർ 17 വരെ അപേക്ഷിക്കാം .
ബിഎ ഫലം
2016 ഡിസംബറിൽ നടത്തിയ മൂന്നാം സെമസ്റ്റർ ബിഎ ജേർണലിസം ആൻഡ് മാസ് കമ്യൂണിക്കേഷൻ ആൻഡ് വീഡിയോ പ്രൊഡക്ഷൻ (2013 ആൻഡ് 2014 സ്കീം), ബിഎ കമ്യൂണിക്കേറ്റീവ് അറബിക് (2014 സ്കീം), ബിപിഎ (2013 ആൻഡ് 2014 സ്കീം), ബിഎ മലയാളം ആൻഡ് മാസ് കമ്യൂണിക്കേഷൻ (2013 ആൻഡ് 2014 സ്കീം) തുടങ്ങിയ പരീക്ഷകളുടെ ഫലം വെബ്സൈറ്റിൽ
എംഎ വൈവാ വോസി: പുതുക്കിയ തീയതി
വിദൂര വിദ്യാഭ്യാസ പഠന കേന്ദ്രം 18ന് നടത്താനിരുന്ന എംഎ സോഷ്യോളജി ഫൈനൽ വൈവാവോസി പരീക്ഷ നാളെ നടത്തും. പരീക്ഷാകേന്ദ്രത്തിനും സമയത്തിനും മാറ്റമില്ല.
എംടെക് (ടെക്നോളജി മാനേജ്മെന്റ്) സ്പോട്ട് അഡ്മിഷൻ
കാര്യവട്ടം ഫ്യൂച്ചേർസ് സ്റ്റഡീസ് പഠനവകുപ്പിൽ എംടെക് (ടെക്നോളജി മാനേജ്മെന്റ്) (201718 ബാച്ച്) പ്രവേശനത്തിനായി എസ്സി/എസ്ടി വിഭാഗത്തിന് (രണ്ട് സീറ്റ്) സ്പോട്ട് അഡ്മിഷൻ നടത്തുന്നു. താൽപര്യമുള്ളവർ അപേക്ഷാ ഫോമും (അപേക്ഷാ ഫീസ് 500 രൂപ) സർട്ടിഫിക്കറ്റുകളുടെ അസൽ പകർപ്പുകളുമായി നാളെ രാവിലെ 10.30ന് പഠനവകുപ്പിൽ ഹാജരാകേണ്ട താണ്. വിശദവിവരങ്ങൾ വെബ്സൈറ്റിൽ
മാർക്ക്ലിസ്റ്റുകൾ കൈപ്പറ്റണം
വിദൂര വിദ്യാഭ്യാസ പഠന കേന്ദ്രം ജനുവരിഫെബ്രുവരി മാസങ്ങളിൽ നടത്തിയ മൂന്നാം സെമസ്റ്റർ എംബിഎ (റഗുലർ/ സപ്ലിമെന്ററി) പരീക്ഷയുടെ മാർക്ക്ലിസ്റ്റുകൾ അതാത് പരീക്ഷാകേന്ദ്രങ്ങളിൽ ഹാൾടിക്കറ്റുമായി ചെന്ന് കൈപ്പറ്റേണ്ടതാണ്. സൂക്ഷ്മപരിശേധനയ്ക്കുള്ള അവസാന തിയതി 28.
യുജി/പിജി രജിസ്ട്രേഷൻ: തീയതി നീട്ടി
വിദൂര വിദ്യാഭ്യാസ പഠന കേന്ദ്രം വഴിയുള്ള യുജി അഡ്മിഷൻ രജിസ്ട്രേഷന് വേണ്ടിയുള്ള 250/ രൂപ ഫൈനോട്കൂടിയുള്ള അവസാന തീയതി ഒക്ടോബർ 10 വരെയും. പിജി അഡ്മിഷൻ രജിസ്ട്രേഷന് വേണ്ടിയുള്ള അവസാന തീയതി ഒക്ടോബർ 10 വരെയും ഫൈനോടുകൂടി 31 വരെയും നീട്ടി.
ബിഎസ്സി ഫലം
ഏപ്രിലിൽ നടത്തിയ സിബിസിഎസ് ബിഎസ്സി ആറാം സെമസ്റ്റർ (സപ്ലിമെന്ററി 2010, 2011 ആൻഡ് 2012 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി ഒക്ടോബർ 13 വരെ അപേക്ഷിക്കാം.
ബിഎഡ് സ്പെഷ്യൽ എഡ്യുക്കേഷൻ പരീക്ഷ
ഒക്ടോബർ 20ന് ആരംഭിക്കുന്ന രണ്ടാം സെമസ്റ്റർ ബിഎഡ് സ്പെഷ്യൽ എഡ്യുക്കേഷൻ (2015 സ്കീം)(സപ്ലിമെന്ററി 201517 ബാച്ച്) പരീക്ഷയ്ക്ക് പിഴ കൂടാതെ ഇൗ മാസം 28 (50 രൂപ പിഴയോടെ ഒക്ടോബർ മൂന്ന്, 125 രൂപ പിഴയോടെ ഒക്ടോബർ അഞ്ച്) വരെ ഫീസടച്ച് ഓഫ്ലൈൻ രജിസ്ട്രേഷൻ ചെയ്യാവുന്നതാണ്.
എൽഎൽഎം ഫലം
ഏപ്രിലിൽ നടത്തിയ മൂന്നാം സെമസ്റ്റർ എൽഎൽഎം പരീക്ഷകളുടെ ഫലം വെബ്സൈറ്റിൽ സൂക്ഷ്മപരിശോധനയ്ക്ക് ഒക്ടോബർ 10 വരെ അപേക്ഷിക്കാം.
ബി.ടെക് ഫലം
2016 നവംബറിൽ നടത്തിയ കന്പയിൻഡ് ഫസ്റ്റ് ആൻഡ് സെക്കൻഡ് സെമസ്റ്റർ സപ്ലിമെന്ററി ബിടെക് ഡിഗ്രി (2013 സ്കീം) പരീക്ഷയുടെ ഫലം വെബ്സൈറ്റിൽ പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി ഒക്ടോബർ 13 വരെ അപേക്ഷിക്കാം.
യുജിസി, ജെആർഫ്, നെറ്റ് പരിശീലന ക്ലാസ്
തിരുവനന്തപുരം യൂണിവേഴ്സിറ്റി എംപ്ലോയിമെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ യുജിസി, ജെആർഫ്, നെറ്റ് പരീക്ഷകളുടെ ജനറൽ പേപ്പറിന് ഒക്ടോബർ നാലു മുതൽ പരിശീലനം നൽകുന്നു. ആദ്യം രജിസ്റ്റർ ചെയ്യുന്ന 50 പേർക്കാണ് പരിശീലനം നൽകുന്നത്. താൽപര്യമുള്ള ഉദ്യോഗാർഥികൾ യൂണിവേഴ്സിറ്റി എംപ്ലോയിമെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ, സ്റ്റുഡന്റ്സ് സെന്റർ, പിഎംജി ജംഗ്ഷൻ, തിരുവനന്തപുരം എന്ന വിലാസത്തിൽ ബന്ധപ്പെടുക. ഫോണ്: 04712304577.
ബിഎസ്സി പ്രാക്ടിക്കൽ ടൈംടേബിൾ
ജൂലൈയിൽ നടത്തിയ നാലാം സെമസ്റ്റർ സിബിസിഎസ് ബിഎസ്സി പരീക്ഷയുടെ കോംപ്ലിമെന്ററി കംപ്യൂട്ടർ സയൻസ് പ്രാക്ടിക്കൽ പരീക്ഷ ഒക്ടോബർ അഞ്ചു മുതൽ അതാത് കോളജിൽ വച്ച് നടത്തുന്നതാണ് ടൈംടേബിൾ വെബ്സൈറ്റിൽ
ബിഎ പ്രാക്ടിക്കൽ ടൈംടേബിൾ
ജൂലൈയിൽ നടത്തിയ നാലാം സെമസ്റ്റർ സിബിസിഎസ് ബിഎ പരീക്ഷയുടെ കംപ്യൂട്ടർ സയൻസ് പ്രാക്ടിക്കൽ പരീക്ഷ 25 മുതൽ അതാത് കോളജിൽ വച്ച് നടത്തുന്നതാണ് ടൈംടേബിൾ വെബ്സൈറ്റിൽ
ബിസിഎ ഫലം
2016 ഡിസംബറിൽ നടത്തിയ കരിയർ റിലേറ്റഡ് സിബിസിഎസ് മൂന്നാം സെമസ്റ്റർ ബിസിഎ (2013 ആൻഡ് 2014 സ്കീം) സപ്ലിമെന്ററി ബിരുദ പരീക്ഷയുടെ ഫലം വെബ്സൈറ്റിൽ
സർട്ടിഫിക്കറ്റ് ഇൻ ടിവി ന്യൂസ് റീഡിംഗ് ആൻഡ് കോംപിയറിംഗ് കോഴ്സ്
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ ടിവി ന്യൂസ് റീഡിംഗ് ആൻഡ് കോംപിയറിംഗ് കോഴ്സിന് 27 വരെ അപേക്ഷിക്കാം. യോഗ്യത പ്ലസ്ടു/ പ്രീഡിഗ്രി ജയം. കോഴ്സ്കാലാവധി മൂന്ന് മാസം. ഫീസ് പതിനായിരം രൂപ. അപേക്ഷാഫീസ് 150 രൂപ. ക്ലാസുകൾ ശനി ഞായർ ദിവസങ്ങളിൽ മാത്രം. വിശദവിവരങ്ങൾക്ക് പിഎംജി ജംഗ്ഷനിലെ സിഎസിഇഇ കേന്ദ്രവുമായി ബന്ധപ്പെടുക. ഫോണ്:04712302523.
ബിഎ പരീക്ഷാ കേന്ദ്രങ്ങളിൽ മാറ്റം
26ന് ആരംഭിക്കുന്ന ബിഎ (ആന്വൽ സ്കീം) പാർട്ട് മൂന്ന് മെയിനും സബ്സിഡിയറിയും സപ്ലിമെന്ററി പരീക്ഷയുടെ ഏതാനും പരീക്ഷാകേന്ദ്രങ്ങളുടെ മാറ്റം ചുവടെ ചേർക്കുന്നു. തിരുവനന്തപുരം സംസ്കൃത കോളജ്, പെരിങ്ങമ്മല ഇക്ബാൽ കോളജ് എന്നിവ പരീക്ഷാകേന്ദ്രമായി അപേക്ഷിച്ചിരുന്നവർ തിരുവനന്തപുരത്തെ സർവകലാശാല വിദൂരവിദ്യാഭ്യാസ കേന്ദ്രത്തിലും, തിരുവനന്തപുരം മാർ ഇവാനിയോസ് കോളജും ചെന്പഴന്തി ശ്രീ നാരായണ കോളജും പരീക്ഷാകേന്ദ്രമായി അപേക്ഷിച്ചിരുന്നവർ തിരുവനന്തപുരം മഹാത്മാ ഗാന്ധി കോളജിലും, കാഞ്ഞിരംകുളം കെഎൻഎം കോളജ് പരീക്ഷാകേന്ദ്രമായി അപേക്ഷിച്ചിരുന്നവർ തിരുവനന്തപുരം യൂണിവേഴ്സിറ്റി കോളജിലും, കൊല്ലം ഫാത്തിമ മാതാ നാഷണൽ കോളജ് പരീക്ഷാകേന്ദ്രമായി അപേക്ഷിച്ചിരുന്നവർ കൊല്ലം ടികെഎം കോളജിലും, കൊട്ടിയം എംഎം എൻഎസ്എസ് കോളജ്, ശാസ്താംകോട്ട ഡിബി കോളജ്, കൊല്ലം ശ്രീ നാരായണ വനിതാ കോളജ്, ചവറ ബിജെഎം കോളജ് എന്നിവ പരീക്ഷാകേന്ദ്രമായി അപേക്ഷിച്ചിരുന്നവർ കൊല്ലം ശ്രീ നാരായണ കോളജിലും, ചേർത്തല ശ്രീ നാരായണ കോളജ് പരീക്ഷാകേന്ദ്രമായി അപേക്ഷിച്ചിരുന്നവർ ചേർത്തല സെന്റ് മൈക്കിൾസ് കോളജിലും , ആലപ്പുഴ സെന്റ് ജോസഫ്സ് കോളജ് പരീക്ഷാകേന്ദ്രമായി അപേക്ഷിച്ചിരുന്നവർ ആലപ്പുഴ എസ്ഡി കോളജിലും ചെങ്ങന്നൂർ ക്രിസ്ത്യൻ കോളജ് പരീക്ഷാകേന്ദ്രമായി അപേക്ഷിച്ചിരുന്നവർ പന്തളം എൻഎസ്എസ് കോളജിലും പരീക്ഷ എഴുതേണ്ടതാണ്. മുൻ ലേണർ സപ്പോർട്ട് സെന്ററുകൾ പരീക്ഷാകേന്ദ്രമായി അപേക്ഷിച്ചിരുന്നവർ ചേർത്തല സെന്റ് മൈക്കിൾസ് കോളജിൽ പരീക്ഷ എഴുതണം. മറ്റു പരീക്ഷാകേന്ദ്രങ്ങൾക്ക് മാറ്റമില്ല. ഓണ്ലൈനായി പരീക്ഷയ്ക്ക് രജിസ്റ്റർ ചെയ്ത വിദ്യാർഥികൾക്ക് ബന്ധപ്പെട്ട വെബസൈറ്റിൽ നിന്ന് ഹാൾടിക്കറ്റ് ഡൗണ്ലോഡ് ചെയ്യാവുന്നതാണ്. മറ്റുള്ളവർ അനുവദിച്ചിട്ടുള്ള പരീക്ഷാകേന്ദ്രങ്ങളിൽ നിന്നും നേരിട്ട് ഹാൾടിക്കറ്റ് കൈപ്പറ്റേണ്ട താണ്.
ബിഎസ്സി പരീക്ഷ
വിദൂര വിദ്യാഭ്യാസ വിഭാഗം ഒകടോബർ 24നും നവംബർ ആറിനും ആരംഭിക്കുന്ന ഒന്നും രണ്ടും വർഷ ബിഎസ്സി കംപ്യൂട്ടർ സയൻസ് / ബിസിഎ ആന്വൽ സ്കീം സപ്ലിമെന്ററി പരീക്ഷകൾക്ക്, 2013 സ്കീം സപ്ലിമെന്ററി 2014 അഡ്മിഷൻ (പുതിയ സ്കീം) ഓണ്ലൈനായും, 2013 സ്കീം സപ്ലിമെന്ററി 2013 അഡ്മിഷൻ (പുതിയ സ്കീം), 2013ന് മുന്പുള്ള അഡ്മിഷൻ (പഴയ സ്കീം) വിദ്യാർഥികൾ ഓഫ്ലൈനായും അപേക്ഷിക്കണം. പിഴ കൂടാതെ 28 (50 രൂപ പിഴയോടെ ഒക്ടോബർ നാല്, 125 രൂപ പിഴയോടെ ഒക്ടോബർ ആറ്) വരെ ഫീസടച്ച് അപേക്ഷിക്കാം. ഓണ്ലൈൻ രജിസ്ട്രേഷൻ ആരംഭിച്ചു.
പ്രാക്ടിക്കൽ പരീക്ഷ
ജൂലൈയിൽ നടത്തിയ കരിയർ റിലേറ്റഡ് സിബിസിഎസ്എസ് രണ്ടാം സെമസ്റ്റർ ബിഎസ്സി എൻവയോണ്മെന്റൽ സയൻസ് ആൻഡ് എൻവയോണ്മെന്റ് ആൻഡ് വാട്ടർ മാനേജ്മെന്റിന്റെ (കെമിസ്ട്രി പ്രാക്ടിക്കൽ) പരീക്ഷ അതാത് പരിക്ഷാ കേന്ദ്രങ്ങളിൽ വച്ച് നടത്തും. വിശദവിവരങ്ങൾ വെബ്സൈറ്റിൽ
ജൂലൈയിൽ നടത്തിയ കരിയർ റിലേറ്റഡ് സിബിസിഎസ്എസ് രണ്ടാം സെമസ്റ്റർ ഹോട്ടൽ മാനേജ്മെന്റ് ആൻഡ് കാറ്ററിംഗ് സയൻസിന്റെ പ്രാക്ടിക്കൽ പരീക്ഷകൾ 25 മുതൽ അതാത് പരീക്ഷാ കേന്ദ്രങ്ങളിൽ വച്ച് നടത്തും. വിശദവിവരങ്ങൾ വെബ്സൈറ്റിൽ
ജൂലൈയിൽ നടത്തിയ കരിയർ റിലേറ്റഡ് സിബിസിഎസ്എസ് നാലാം സെമസ്റ്റർ ബിഎസ്സി ഫിസിക്സ് ആൻഡ് കംപ്യൂട്ടർ ആപ്ലിക്കേഷന്റെ (ഫിസിക്സ് പ്രാക്ടിക്കൽ) പരീക്ഷകൾ നാളെ മുതൽ അതാത് പരീക്ഷാ കേന്ദ്രങ്ങളിൽ വച്ച് നടത്തും. വിശദമായ ടൈംടേബിൾ വെബ്സൈറ്റിൽ