മെഡിക്കൽ വിദ്യാഭ്യാസ ഡയറക്ടറേറ്റിൽ ബിഫാം സ്പോട്ട് അലോട്ട്മെന്റ്
തിരുവനന്തപുരം : 27ന് രാവിലെ 9.30 ന് തിരുവനന്തപുരം മെഡിക്കൽ കോളജ് കാന്പസിലുള്ള മെഡിക്കൽ വിദ്യാഭ്യാസ ഡയറക്ടറേറ്റിൽ ബിഫാം കോഴ്സിലേക്ക് സ്പോട്ട് അലോട്ട്മെന്റ് നടക്കും.
സർക്കാർ ഫാർമസി കോളജുകളിലെ ഒഴിവുകളിലേക്കും മെരിറ്റ് സീറ്റുകൾ ഒഴിവുള്ള സ്വകാര്യ ഫാർമസി കോളജുകളിലേക്കുമാണ് സ്പോട്ട് അലോട്ട്മെന്റ്. കേരള പ്രവേശന പരീക്ഷ കമ്മീഷണർ പ്രസിദ്ധീകരിച്ചിട്ടുള്ള ബിഫാം പ്രവേശന പരീക്ഷയുടെ റാങ്ക് ലിസ്റ്റിൽനിന്നായിരിക്കും അലോട്ട്മെന്റ് നടത്തുന്നത്. യോഗ്യത തെളിയിക്കുന്നതിനാവശ്യമായ പ്രോസ്പെക്ടസ് പ്രകാരമുള്ള അസൽ രേഖകളും, അസൽ ടിസിയും ഹാജരാക്കുന്ന വിദ്യാർഥികളെ മാത്രമാണ് പരിഗണിക്കുന്നത്. അലോട്ട്മെന്റ് ലഭിക്കുന്നവർ 28 ന് തന്നെ ബന്ധപ്പെട്ട കോളജുകളിൽ ഹാജരായി പ്രവേശനം നേടണം. ഒഴിവുകളും വിശദവിവരങ്ങളും ഡിഎംഇയുടെ വെബ്സൈറ്റിൽ പ്രസിദ്ധീകരിക്കും. സ്പോട്ട് അലോട്ട്മെന്റിന് ഒഴിവുകൾ റിപ്പോർട്ട് ചെയ്ത സ്വകാര്യ ഫാർമസി കോളജുകൾ വെബ്സൈറ്റ് പരിശോധിച്ച് ആവശ്യമെങ്കിൽ ഡിഎംഇ ഓഫീസുമായി ബന്ധപ്പെട്ട് വ്യക്തതവരുത്തണം. ww w.dmekerala.gov.in