ഒക്ടോബർ അഞ്ചിനും ആറിനും നിശ്ചയിച്ചിരുന്ന അഞ്ച്, മൂന്ന് സെമസ്റ്റർ പരീക്ഷകൾ മാറ്റി
ഒക്ടോബർ അഞ്ചിനു നടത്താൻ നിശ്ചയിച്ചിരുന്ന അഞ്ചാം സെമസ്റ്റർ സിബിസിഎസ്എസ് (റെഗുലർ/റീ അപ്പിയറൻസ്/സപ്ലിമെന്ററി 2013 മുതൽ അഡ്മിഷൻ) പരീക്ഷ ഒക്ടോബർ 24നും ഒക്ടോബർ ആറിനു നടത്താൻ നിശ്ചയിച്ചിരുന്ന മൂന്നാം സെമസ്റ്റർ സിബിസിഎസ്എസ് (റെഗുലർ/റീഅപ്പിയറൻസ്/സപ്ലിമെന്ററി 2013 മുതൽ അഡ്മിഷൻ) കോമണ് കോഴ്സ് (ഇംഗ്ലീഷ്) പരീക്ഷ 30നും നടത്തും. ഈ സെമസ്റ്ററുകളിലെ മറ്റ് പരീക്ഷകൾ മുൻ നിശ്ചയപ്രകാരം നടക്കും.
പ്രാക്ടിക്കൽ
2017 ഓഗസ്റ്റിൽ നടത്തിയ ആറാം സെമസ്റ്റർ ബി വോക് ഫുഡ് പ്രോസസിംഗ് ടെക്നോളജി (റെഗുലർ/സപ്ലിമെന്ററി) പരീക്ഷയുടെ പ്രാക്ടിക്കൽ പരീക്ഷ നാളെ പാലാ സെന്റ് തോമസ് കോളജിൽ നടത്തും. ടൈംടേബിൾ വെബ്സൈറ്റിൽ.
പരീക്ഷാഫലം
2017 ഓഗസ്റ്റിൽ നടന്ന നാലാം സെമസ്റ്റർ എംഎസ്സി എൻവയോണ്മെന്റ് സയൻസ് ആൻഡ് മാനേജ്മെന്റ് (റെഗുലർ) പരീക്ഷാഫലം പ്രസിദ്ധീകരിച്ചു.
2017 മാർച്ചിൽ എറണാകുളം ഗവണ്മെന്റ് ലോ കോളജ്, കാണക്കാരി സിഎസ്ഐ കോളജ് ഓഫ് ലീഗൽ സ്റ്റഡീസ്, തൊടുപുഴ അൽ അസ്ഹർ ലോ കോളജ് എന്നീ കേന്ദ്രങ്ങളിൽ നടത്തിയ രണ്ടാം സെമസ്റ്റർ എൽഎൽഎം ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിന് ഒക്ടോബർ 13 വരെയും സൂക്ഷ്മപരിശോധനയ്ക്ക് ഒക്ടോബർ 21 വരെയും അപേക്ഷിക്കാം.
2017 മാർച്ചിൽ എറണാകുളം ഗവണ്മെന്റ് ലോ കോളജ്, തൊടുപുഴ അൽ അസ്ഹർ ലോകോളജ് എന്നീ കേന്ദ്രങ്ങളിൽ നടത്തിയ നാലാം സെമസ്റ്റർ എൽഎൽഎം പരീക്ഷാഫലം പ്രസിദ്ധപ്പെടുത്തി. സൂക്ഷ്മപരിശോധനയ് ക്കും പുനർമൂല്യനിർണയത്തിനും ഒക്ടോബർ ഒന്പതു വരെ അപേക്ഷിക്കാം. എറണാകുളം ഗവണ്മെന്റ് ലോ കോളജിലെ എൻ.സി. ഹസ്ന, കെ. ജിൻസി, ടി. അബ്ദുൾ ഹസൻ എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി.
പുനർമൂല്യനിർണയം
2017 മേയിലെ നാലാം സെമസ്റ്റർ എംഎസ്സി അനലിറ്റിക്കൽ കെമിസ്ട്രി പരീക്ഷയുടെ പുനർമൂല്യനിർണയത്തിനും സൂക്ഷ്മപരിശോധനയ്ക്കുമുള്ള അപേക്ഷ ഒക്ടോബർ ആറ് വരെ സ്വീകരിക്കും.
സിൻഡിക്കറ്റ് യോഗം
മഹാത്മാഗാന്ധി സർവകലാശാലാ സിൻഡിക്കറ്റ് യോഗം ഒക്ടോബർ ഏഴിനു രാവിലെ 10.30 ന് കാന്പസിലെ സിൻഡിക്കേറ്റ് ഹാളിൽ നടത്തും.