ബിഎ, ബികോം ഓപ്പണ്‍ സ്ട്രീം പ്രവേശനം: അഞ്ചിന് അപേക്ഷിക്കാം
വിദൂരവിദ്യാഭ്യാസ വിഭാഗം അടിസ്ഥാന യോഗ്യതയില്ലാത്തവർക്കായി നടത്തുന്ന ബിഎസ്‌‌സി, ബികോം ഓപ്പണ്‍ സ്ട്രീം പ്രവേശന പരീക്ഷക്ക് ആയിരം രൂപ പിഴയോടെ അഞ്ചിന് ഓണ്‍ലൈനായി അപേക്ഷിക്കാം. അപേക്ഷയുടെ പ്രിന്‍റൗട്ടും അനുബന്ധ രേഖകളും ആറ് വരെ വിദൂരവിദ്യാഭ്യാസ വിഭാഗത്തിൽ സ്വീകരിക്കും.
പിജി സീറ്റ് ഒഴിവ്
മാത്തമാറ്റിക്സ് പഠനവകുപ്പിൽ എംഎസ് സി മാത്തമാറ്റിക്സിന് എസ്ടി വിഭാഗത്തിൽ ഒരു സീറ്റ് ഒഴിവുണ്ട്. എസ്ടി വിഭാഗക്കാരുടെ അഭാവത്തിൽ എസ് സി വിഭാഗക്കാരെ പരിഗണിക്കും. എസ് സി, എസ്ടി വിഭാഗക്കാരുടെ അഭാവത്തിൽ മറ്റ് വിഭാഗത്തെ പരിഗണിക്കും. ആറിന് 11.30 ന് പഠനവിഭാഗത്തിൽ ഹാജരാകണം.
അരണാട്ടുകര ഡോ. ജോണ് മത്തായി സെന്‍ററിൽ പിജി ഇക്കണോമിക്സിന് ഇടിബി, എസ്ടി, ലക്ഷദ്വീപ്, പിഎച്ച് എന്നീ വിഭാഗങ്ങളിലും ഫിനാൻഷ്യൽ ഇക്കണോമിക്സിന് എസ്ടി, പിഎച്ച്, എസ്പി, ലക്ഷദ്വീപ് വിഭാഗങ്ങളിലും ഒരോ ഒഴിവുകളുണ്ട്. ആറിന് 12ന് സർട്ടിഫിക്കറ്റുകൾ സഹിതം കേന്ദ്രത്തിൽ ഹാജരാകണം. എസ്ടി വിഭാഗങ്ങളുടെ അഭാവത്തിൽ സീറ്റ് എസ് സി വിഭാഗത്തിന് നൽകും.
ഫിസിക്സ് പഠനവകുപ്പിൽ എംഎസ് സി ഫിസിക്സിന് എസ്ടി വിഭാഗത്തിൽ ഒഴിവുള്ള രണ്ട് സീറ്റിലേക്ക് ക്യാപ് രജിസ്ട്രേഷനുള്ള എസ്ടി, എസ് സി വിഭാഗക്കാർ ആറിന് രാവിലെ 11ന് സർട്ടിഫിക്കറ്റുകൾ സഹിതം പഠനവിഭാഗത്തിൽ ഹാജരാകണം. ഫോണ് : 0494 2407416.
ലൈഫ് സയൻസ് പഠനവകുപ്പിൽ എംഎസ് സി ഹ്യൂമൺ ഫിസിയോളജിക്ക് എസ് സി വിഭാഗത്തിൽ രണ്ടും, എംഎസ് സി ബയോകെമിസ്ട്രിക്ക് എസ് സി വിഭാഗത്തിൽ ഒന്നും സീറ്റ് ഒഴിവുണ്ട്. ക്യാപ് രജിസ്ട്രേഷനുള്ള എസ് സി, എസ് ടി വിഭാഗക്കാർ ആറിന് രാവിലെ 10.30 ന് സർട്ടിഫിക്കറ്റുകൾ സഹിതം പഠനവകുപ്പിൽ ഹാജരാകണം.
പരീക്ഷാ അപേക്ഷ: തിയതി നീട്ടി
വിദൂരവിദ്യാഭ്യാസം നാലാം സെമസ്റ്റർ ബിഎ, ബിഎസ് സി മാത്തമാറ്റിക്സ്, ബിഎസ് സി കൗണ്‍സലിംഗ് സൈക്കോളജി, ബികോം, ബിബിഎ, ബിഎംഎംസി, ബിഎ അഫ്സൽഉൽഉലമ പരീക്ഷക്ക് അപേക്ഷിക്കാനുള്ള തിയതി 150 രൂപ പിഴയോടെ ഏഴ് വരെയും ആയിരം രൂപ സൂപ്പർ ഫൈനോടെ 17 വരെയും നീട്ടി.
പരീക്ഷാഫലം
2017 ഏപ്രിലിൽ നടത്തിയ അഞ്ചാം സെമസ്റ്റർ എംസിഎ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 16 വരെ അപേക്ഷിക്കാം.
2017 ജൂണിൽ നടത്തിയ നാലാം സെമസ്റ്റർ എംഎ തമിഴ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 16 വരെ അപേക്ഷിക്കാം.
2017 ജൂണിൽ നടത്തിയ രണ്ട്, നാല് സെമസ്റ്റർ എംഎ സംസ്കൃതം (സിസിഎസ്എസ്) പരീക്ഷാഫലം വെബ്സൈറ്റിൽ.
സ്പെഷൽ സപ്ലിമെന്‍ററി പരീക്ഷ
അവസരം കഴിഞ്ഞവർക്കായുള്ള ഒന്ന്, മൂന്ന് സെമസ്റ്റർ എംഎസ് സി കംപ്യൂട്ടർ സയൻസ് (നോണ് സിയുസിഎസ്എസ്, 200509 പ്രവേശനം) സ്പെഷൽ സപ്ലിമെന്‍ററി പരീക്ഷ യഥാക്രമം 12, 16 തിയതികളിൽ ആരംഭിക്കും. ഹാൾടിക്കറ്റ് പത്തിന് പരീക്ഷാഭവൻ സ്പെഷൽ സപ്ലിമെന്‍ററി വിഭാഗത്തിൽ നിന്ന് വിതരണം ചെയ്യും. ഐഡി സഹിതം ഹാജരാകണം.
രണ്ടാം സെമസ്റ്റർ യുജി സ്പെഷൽ പരീക്ഷ
ഇന്‍റർ യൂണിവേഴ്സിറ്റി കായിക മത്സരങ്ങൾ എൻസിസി ക്യാന്പ് എന്നിവയിൽ പങ്കെടുത്തത് മൂലം പരീക്ഷ എഴുതാൻ സാധിക്കാത്ത രണ്ടാം സെമസ്റ്റർ ബിഎസ് സി, ബിഎ (സിയുസിബിസിഎസ്എസ്) വിദ്യാർഥികളുടെ റഗുലർ സ്പെഷൽ പരീക്ഷയുടെ ടൈംടേബിൾ വെബ്സൈറ്റിൽ.
എക്സാമിനേഴ്സ് മീറ്റിംഗ്
കാലിക്കട്ട് സർവകലാശാല നാലാം സെമസ്റ്റർ ബിഎസ് സി കെമിസ്ട്രി (കോംപ്ലിമെന്ററി) ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് പാലക്കാട് ജില്ലയിലെ കോളജുകളിലെ അധ്യാപകർ ഒക്ടോബർ ഒന്പതിന് രാവിലെ പത്തിന് പാലക്കാട് ഗവണ്‍മെന്‍റ് വിക്ടോറിയ കോളജിൽ ഹാജരാകണം.
സെലിഫിയസ്റ്റസ്റ്റുഡന്‍റ്സ് കാർണിവൽ: രജിസ്ട്രേഷൻ ആരംഭിച്ചു
കാലിക്കട്ട് സർവകലാശാലാ യൂണിയന്‍റെ നേതൃത്വത്തിൽ 11, 12, 13 തിയതികളിൽ പട്ടാന്പി ശ്രീ നീലകണ്ഠ ഗവ. സംസ്കൃത കോളജിൽ വെച്ച് നടത്തുന്ന സെലിഫിയസ്റ്റ സ്റ്റുഡന്‍റ്സ് കാർണിവലിന്‍റെ രജിസ്ട്രേഷൻ ആരംഭിച്ചു. നാടകം, പാട്ട്, ഡാൻസ്, ചിത്രം, എഴുത്ത്, പ്രസംഗം എന്നീ മേഖലകളിലായി സർവകലാശാലാ വിദ്യാർഥികൾക്ക് v http://sngscollege.org/celefiesta എന്ന ലിങ്കിലൂടെ ഓണ്‍ലൈനായി രജിസ്റ്റർ ചെയ്യാം. അവസാന തിയതി ഏഴ്. വിവരങ്ങൾക്ക് ജനറൽ സെക്രട്ടറി (94 46 53 31 41).
100 സിംഹാസനങ്ങൾ: നാടകം അഞ്ചിന്
പബ്ലിക് റിലേഷൻസ് വിഭാഗം കേരള സംഗീത നാടക അക്കാഡമിയുടെ സഹകരണത്തോടെ സംഘടിപ്പിക്കുന്ന നാടക പ്രദർശനത്തിൽ അഞ്ചിന് ഹാഷ്മി തിയറ്റേഴ്സിന്‍റെ "100 സിംഹാസനങ്ങൾ’ എന്ന നാടകം അരങ്ങേറും. ജയമോഹന്റെ 100 സിംഹാസനങ്ങൾ എന്ന പ്രശസ്ത നോവൽ ആധാരമാക്കിയാണ് നാടകം. സർവകലാശാലാ ഓഡിറ്റോറിയത്തിൽ വൈകുന്നേരം ഏഴിന് ആരംഭിക്കുന്ന നാടക പ്രദർശനത്തിന് പ്രവേശനം സൗജന്യമാണ്.
കോളജ് അധികൃതർക്കായി അദാലത്ത്
201718 അധ്യയന വർഷത്തെ ബിരുദ പ്രവേശനത്തോടനുബന്ധിച്ച് വിവിധ കോഴ്സുകളിൽ പ്രവേശനം നൽകിയിട്ടുള്ള വിദ്യാർഥികളുടെ അഡ്മിഷൻ ലിങ്കിൽ അപ്‌ലോഡ് ചെയ്യുന്ന സമയത്ത് സംഭവിച്ചിട്ടുള്ള പിഴവുകൾ തിരുത്തുന്നതിന് കോളജ് അധികൃതർക്കായി അദാലത്ത് സംഘടിപ്പിക്കുന്നു. സ്വാശ്രയ കോളജ്: വയനാട്, കോഴിക്കോട് ( അഞ്ച്), മലപ്പുറം (ഒന്പത്, പത്ത്), തൃശൂർ ( 11), പാലക്കാട് ( 12). ഗവണ്‍മെന്‍റ്, എയ്ഡഡ് കോളജ്: തൃശൂർ, പാലക്കാട് (16), കോഴിക്കോട്, വയനാട് (17), മലപ്പുറം ( 19). പ്രവേശന സമയത്ത് പിഴവുകൾ സംഭവിച്ച കോളജുകൾ അദാലത്ത് തിയതികളിൽ ടാഗോർ നികേതനിലെ ഡയറക്‌ടറേറ്റ് ഓഫ് അഡ്മിഷനിൽ രാവിലെ 11ന് ഹാജരാകണം. വിദ്യാർഥികളെയോ അവരുടെ പ്രതിനിധികളെയോ അദാലത്തിനായി അയക്കാൻ പാടുള്ളതല്ല.
സംസ്കൃതം ദേശീയ സെമിനാർ
സംസ്കൃത പഠനവിഭാഗം കേരള സാഹിത്യ അക്കാഡമിയുടെ സഹകരണത്തോടെ "ഇന്ത്യൻ ധൈഷണിക പാരന്പര്യങ്ങൾ: ആശയങ്ങളും പരിഗണനകളും’ എന്ന വിഷയത്തിൽ അഞ്ച്, ആറ് തിയതികളിൽ ദേശീയ സെമിനാർ സംഘടിപ്പിക്കുന്നു. ഉദ്ഘാടനം പ്രഫ. പി.പി. ദിവാകരൻ നിർവഹിക്കും. പ്രഫ. കെ.എൻ. നീലകണ്ഠൻ ഇളയത്, പ്രഫ. നിസാർ അഹമ്മദ്, പ്രഫ. എം.വി. നാരായണൻ, പ്രഫ. ശ്രീനിവാസ വരക്കോടി, പ്രഫ. പി. രാം മനോഹർ, പ്രഫ. പി.പി. ദിവാകരൻ തുടങ്ങിയവർ പ്രബന്ധങ്ങൾ അവതരിപ്പിക്കും.
മാഗസിൻ പ്രകാശനം
ഡിപ്പാർട്ടുമെന്‍റ് സ്റ്റുഡന്‍റ്സ് യൂണിയൻ മാഗസിൻ അഞ്ചിന് നോവലിസ്റ്റ് ടി.ഡി. രാമകൃഷ്ണൻ പ്രകാശനം ചെയ്യും. വൈകുന്നേരം അഞ്ചിന് സർവകലാശാലാ സെമിനാർ കോംപ്ലക്സിൽ വെച്ചാണ് ചടങ്ങ്.
അപേക്ഷ ക്ഷണിച്ചു
ലേഡീസ് ഹോസ്റ്റലിൽ സ്റ്റോർ നടത്താൻ താത്പര്യമുള്ള വനിതകളിൽ നിന്ന് അപേക്ഷ ക്ഷണിച്ചു. അപേക്ഷാ ഫോം 16ന് 12ന് വരെ പിഎൽഡി വിഭാഗത്തിൽ നിന്ന് ലഭിക്കും. വിവരങ്ങൾ വെബ്സൈറ്റിൽ.