വിദൂരവിദ്യാഭ്യാസം ഡിഗ്രി, പിജി കോഴ്സുകൾക്ക് രണ്ടാം വാരം മുതൽ പ്രവേശനം
വിദൂരവിദ്യാഭ്യാസ വിഭാഗം യുജിസി അംഗീകാരത്തോടെ നടത്തുന്ന ബിഎ, ബികോം, ബിബിഎ, ബിഎസ് സി മാത്സ്. എംഎ, എംകോം, എംഎസ് സി മാത്സ് എന്നീ കോഴ്സുകളിലേക്കുള്ള 201718 വർഷത്തെ പ്രവേശന നടപടികൾ രണ്ടാം വാരം മുതൽ ആരംഭിക്കും. വിവരങ്ങൾ www.sdeuoc.ac.in വെബ്സൈറ്റിൽ.
ശരീരഭാഷവിജയത്തിലേക്കുള്ള രഹസ്യം
ലൈഫ്ലോംഗ് ലേണിംഗ് വിഭാഗത്തിൽ പൂർവവിദ്യാർഥി
സംഘടനകളുടെ സഹകരണത്തോടെ ശരീരഭാഷവിജയത്തിലേക്കുള്ള രഹസ്യം എന്ന വിഷയത്തിൽ 22ന് സെമിനാർ സംഘടിപ്പിക്കുന്നു. സർവകലാശാലാ ടാഗോർ നികേതൻ ഹാളിൽ രാവിലെ പത്തിന് ആരംഭിക്കും. രജിസ്ട്രേഷന് ഫോണ് : 94 46 49 61 67, 98 47 99 11 92.
പിജി സീറ്റ് ഒഴിവ്
ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിൽ എംഎൽഐഎസ് സിക്ക് എസ്ടി വിഭാഗത്തിൽ ഒരു സീറ്റ് ഒഴിവുണ്ട്. ക്യാപ് രജിസ്ട്രേഷനുള്ള എസ്ടി വിഭാഗത്തിൽപ്പെട്ടവർ സർട്ടിഫിക്കറ്റുകൾ സഹിതം ഒന്പതിന് മൂന്നിന് പഠനവകുപ്പിൽ ഹാജരാകണം.
ഇംഗ്ളീഷ് പഠനവകുപ്പിൽ എംഎ ഇംഗ്ളീഷിന് എസ് സി വിഭാഗത്തിൽ ഒരു സീറ്റ് ഒഴിവുണ്ട്. ക്യാപ് രജിസ്ട്രേഷനുള്ള എസ് സി വിഭാഗത്തിൽപ്പെട്ടവർ ഓണ്ലൈൻ അപേക്ഷയുടെ പ്രിന്റൗട്ടും സർട്ടിഫിക്കറ്റുകളും സഹിതം 11ന് ഉച്ചയ്ക്ക് 12 നകം പഠനവകുപ്പിൽ റിപ്പോർട്ട് ചെയ്യണം. ഫോണ് : 09494 2407259, 98 47 14 45 63.
പൊളിറ്റിക്കൽ സയൻസ് പഠനവകുപ്പിൽ എംഎ പൊളിറ്റിക്കൽ സയൻസിന് എസ് സി, എസ്ടി വിഭാഗങ്ങളിൽ ഓരോ സീറ്റ് ഒഴിവുണ്ട്. എസ് സി, എസ്ടി വിഭാഗങ്ങളിൽപ്പെട്ട അപേക്ഷകർ ഓണ്ലൈൻ അപേക്ഷയുടെ പ്രിന്റൗട്ടും സർട്ടിഫിക്കറ്റുകളും സഹിതം ഏഴിന് ഉച്ചയ്ക്ക് 12.30നകം പഠനവകുപ്പിൽ ഹാജരാകണം. ഫോണ് : 0494 2407388.
അഡീഷണൽ ബിരുദത്തിന് അപേക്ഷിക്കാം
കാലിക്കട്ട് സർവകലാശാല ബിരുദം ഉള്ളവർക്ക് വിദൂരവിദ്യാഭ്യാസം വഴി മൂന്നാം സെമസ്റ്ററിൽ ചേർന്ന് രണ്ട് വർഷം കൊണ്ട് മറ്റൊരു ഡിഗ്രി പഠനം പൂർത്തിയാക്കാവുന്നതാണ്. ബിഎ, ബിഎസ് സി ഡിഗ്രി ഉള്ളവർക്ക് കോമണ് കോഴ്സ് (ഇംഗ്ളീഷ്, സെക്കൻഡ് ലാംഗ്വേജ്) എഴുതേണ്ടതില്ല. ബികോം, ബിബിഎ, ബിഎംഎംസി (എൽആർപി) പാസായവർക്ക് ബിഎ, ബിഎസ് സി ഡിഗ്രി എടുക്കണമെങ്കിൽ എല്ലാവിഷയങ്ങളും (കോമണ് കോഴ്സ് ഉൾപ്പെടെ) എഴുതണം. 2008ന് മുന്പ് പഠനം പൂർത്തിയായവരാണെങ്കിൽ (ന്യുമറിക്കൽ രജിസ്റ്റർ നന്പർ ഉള്ളവർ) എസ്ഡി ഇയുടെ "ഫോംസ് ടു ഡൗണ്ലോഡ്’ എന്ന ലിങ്കിൽ നിന്നും അഡീഷണൽ ഡിഗ്രിയുടെ ഫോം ഡൗണ്ലോഡ് ചെയ്ത് അപേക്ഷിക്കണം. ഇവർക്ക് ഓണ്ലൈൻ രജിസ്ട്രേഷനുണ്ടായിരിക്കുന്നതല്ല. വിവരങ്ങൾ സർവകലാശാലാ വെബ്സൈറ്റിൽ. ഫോണ് : 0494 2407356, 2400288, 2407494.
പരീക്ഷ
എട്ടാം സെമസ്റ്റർ ബിടെക്, പാർട്ട് ടൈം ബിടെക് (2009 സ്കീം) സപ്ലിമെന്ററി, ഇംപ്രൂവ്മെന്റ് പരീക്ഷ നവംബർ മൂന്നിന് ആരംഭിക്കും.
പരീക്ഷാഫലം
2017 ജൂണിൽ നടത്തിയ രണ്ടാം സെമസ്റ്റർ എംബിഎ (സിസിഎസ്എസ്) പരീക്ഷാഫലം വെബ്സൈറ്റിൽ.
പരീക്ഷാ അപേക്ഷ
രണ്ട്, നാല് സെമസ്റ്റർ എൽഎൽഎം (2013 മുതൽ പ്രവേശനം) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷക്ക് പിഴകൂടാതെ 14 വരെയും 150 രൂപ പിഴയോടെ 18 വരെയും അപേക്ഷിക്കാം.
എംഎസ് സി കംപ്യൂട്ടർ സയൻസ് പ്രവേശന പരീക്ഷ
സിസിഎസ് ഐടികളിലേക്ക് എംഎസ് സി കംപ്യൂട്ടർ സയൻസ് പ്രവേശനത്തിന് പരീക്ഷ ആറിന് രാവിലെ 11ന് നടക്കും. ഹാൾടിക്കറ്റ് അന്ന് രാവിലെ 10.30ന് സർവകലാശാലാ സിസിഎസ്ഐടിയിൽ നിന്ന് ലഭിക്കും. ഐഡി കാർഡ് സഹിതം ഹാജരാകണം.
കളരി പരിശീലന പദ്ധതിക്ക് തുടക്കമായി
തേഞ്ഞിപ്പലം: കാലിക്കട്ട് സർവകലാശാലാ ഫോക് ലോർ പഠനവിഭാഗത്തിന്റെ ആഭിമുഖ്യത്തിൽ സർവകലാശാലാ വിദ്യാർഥികൾക്കും ജീവനക്കാർക്കുമായി കളരിപരിശീലനം ആരംഭിച്ചു. ഉദ്ഘാടനം രജിസ്ട്രാർ ഡോ.ടി.എ. അബ്ദുൾ മജീദ് നിർവഹിച്ചു.
ചടങ്ങിൽ കളരി പാരന്പര്യത്തിലെ പ്രതിഭയായ പത്മശ്രീ മീനാക്ഷിയമ്മയെ ആദരിച്ചു. കളരിപ്പയറ്റിന്റെ കേരള പാരന്പര്യത്തെക്കുറിച്ച് കെ.വി. രാജൻ പ്രഭാഷണം നടത്തി. പഠനവകുപ്പ് മേധാവി ഡോ.കെ.എം. അനിൽ അധ്യക്ഷത വഹിച്ചു. ഡോ.സി.കെ . ജിഷ , ഡോ. കെ.വി. ഷിനിമോൾ എന്നിവർ പ്രസംഗിച്ചു. വിവിധ കലാപരിപാടികളും കടത്തനാട് കളരിസംഘം അവതരിപ്പിച്ച കളരിപ്പയറ്റും അരങ്ങേറി. ഫോക് ലോർ പഠനവകുപ്പിനു കീഴിലുള്ള കുഴിക്കളരിയിൽ രാവിലെ ഏഴുമുതൽ എട്ടുവരെയാണ് പരിശീലനം നടക്കുന്നത്. പങ്കെടുക്കാനാഗ്രഹിക്കുന്നവർ 79 07 73 19 23 എന്ന നന്പറിൽ ബന്ധപ്പെടണം.