എസ്ഡിഇ-യുജി മൂന്നാം സെമസ്റ്റർ പുനഃപ്രവേശനം
വിദൂരവിദ്യാഭ്യാസ വിഭാഗത്തിൽ ബിഎ/ബികോം/ബിഎസ്സി (മാത്സ്)/ബിബിഎ (സിയുസിബിസിഎസ്എസ്) പ്രോഗ്രാമുകൾക്ക് 2012 മുതൽ 2015 വരെയുള്ള വർഷങ്ങളിൽ പ്രവേശനം നേടി ഒന്നും രണ്ടും സെമസ്റ്റർ പരീക്ഷകൾക്ക് അപേക്ഷിച്ച ശേഷം തുടർപഠനം നടത്താനാവാത്ത എസ്ഡിഇ വിദ്യാർഥികൾക്ക് മൂന്നാം സെമസ്റ്ററിലേക്ക് പുനഃപ്രവേശനത്തിന് 28 വരെ ഓണ്ലൈനായി അപേക്ഷിക്കാം. ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ചലാൻ, രണ്ടാം സെമസറ്റർ പരീക്ഷാ ഹാൾടിക്കറ്റിന്റെ പകർപ്പ്, എസ്ഡിഇ ഐഡി/ടിസി എന്നിവ സഹിതം വിദൂരവിദ്യാഭ്യാസ വിഭാഗത്തിൽ ലഭിക്കേണ്ട അവസാന തിയതി നവംബർ മൂന്ന്. വിവരങ്ങൾ വെബ്സൈറ്റിൽ. ഫോണ് : 0494 2407356.
എനിയാഗ്രാം പരിശീലന പരിപാടി
ഇസ്ലാമിക് ചെയറിന്റെ ആഭിമുഖ്യത്തിൽ 18ന് എനിയാഗ്രാം പരിശീലന പരിപാടി സംഘടിപ്പിക്കുന്നു. ഫോൺ: 9746904678.
പിജി സീറ്റ് ഒഴിവ്
പൊളിറ്റിക്കൽ സയൻസ് പഠനവകുപ്പിൽ എംഎ പൊളിറ്റിക്കൽ സയൻസിന് എസ്ടി വിഭാഗത്തിൽ ഒരു സീറ്റ് ഒഴിവുണ്ട്. എസ്ടി വിഭാഗത്തിന്റെ അഭാവത്തിൽ എസ്സി, ഒഇസി വിഭാഗങ്ങളിൽ നിന്ന് മുൻഗണനാക്രമത്തിൽ നൽകും. ഈ വിഭാഗക്കാർ ഓണ്ലൈൻ അപേക്ഷയുടെ പ്രിന്റൗട്ടും സർട്ടിഫിക്കറ്റുകളും സഹിതം 12ന് ഉച്ചയ്ക്ക് 12.30നകം പഠനവകുപ്പിൽ ഹാജരാകണം. ഫോണ് : 0494 2407388.
കൗണ്സലിംഗ്/പ്രോഗ്രാം സെന്ററുകളുടെ ശ്രദ്ധക്ക്
201516 വർഷത്തേക്കുള്ള പുതുക്കൽ ഫീസടച്ച മുൻ കൗണ്സലിംഗ്/പ്രോഗ്രാം സെന്ററുകൾ ആ തുകക്കുള്ള ചെക്ക് വിദൂരവിദ്യാഭ്യാസ വിഭാഗം ഓഫീസിൽ നിന്ന് എത്രയും വേഗം കൈപ്പറ്റണം. സാക്ഷ്യപ്പെടുത്തിയ സ്ഥാപന മേധാവിയുടെ സമ്മതപത്രവും തിരിച്ചറിയൽ കാർഡും അതിന്റെ ഒരു പകർപ്പും ഹാജരാക്കണം. അപേക്ഷയും മുൻകൂർ റസീറ്റും സമർപ്പിക്കാത്തവർ അവയും കൊണ്ടുവരേണ്ടതാണ്.
എംപിഎഡ് റാങ്ക്ലിസ്റ്റ്
എംപിഎഡ് റാങ്ക്ലിസ്റ്റ് പ്രസിദ്ധീകരിച്ചു. ലിസ്റ്റ് വെബ്സൈറ്റിൽ. കൗണ്സലിംഗ്13ന് രാവിലെ ഒന്പത് മുതൽ സർവകലാശാലാ കാന്പസിലെ ടാഗോർ നികേതൻ ഹാളിൽ നടക്കും.
പരീക്ഷ
കോളജ് വിദ്യാർഥികൾക്കുള്ള അഞ്ചാം സെമസ്റ്റർ യുജി ഓപ്പണ് കോഴ്സ് (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ നവംബർ 14ന് ആരംഭിക്കും.
17ന് ആരംഭിക്കാനിരുന്ന ബിഎസ്സി അവസാന വർഷ പാർട്ട് മൂന്ന് മെയിൻ പരീക്ഷ നവംബർ ആറ് മുതൽ നടക്കും. ടൈംടേബിൾ വെബ്സൈറ്റിൽ. 17ന് നടക്കുന്ന മൂന്നാം വർഷ ബിഎ സപ്ലിമെന്ററി, രണ്ടാം സെമസ്റ്റർ ബിഎ/ബിഎസ്സി (സിയുസിബിസിഎസ്എസ്) റഗുലർ/ഇംപ്രൂവ്മെന്റ് പരീക്ഷകൾക്ക് മാറ്റമില്ല.
പരീക്ഷാ അപേക്ഷ
അഞ്ചാം സെമസ്റ്റർ ബിടിഎ റഗുലർ/സപ്ലിമെന്ററി/ഇംപ്രൂവ്മെന്റ് (സിയുസിബിസിഎസ്എസ്, 2014 മുതൽ പ്രവേശനം) പരീക്ഷക്ക് പിഴകൂടാതെ 17 വരെയും 150 രൂപ പിഴയോടെ 23 വരെയും അപേക്ഷിക്കാം.
നാലാം സെമസ്റ്റർ ബിഎഡ് (ഹിയറിംഗ് ഇംപയേർഡ്, 2015 പ്രവേശനം) റഗുലർ പരീക്ഷക്ക് പിഴകൂടാതെ 12 മുതൽ 25 വരെ അപേക്ഷിക്കാം. പ്രിന്റൗട്ടും അനുബന്ധ രേഖകളും 25നകം ലഭിക്കണം.
പരീക്ഷാഫലം
ഒന്നാം സെമസ്റ്റർ ബിവോക് ടൂറിസം ആൻഡ് ഹോസ്പിറ്റാലിറ്റി മാനേജ്മെന്റ് റഗുലർ (നവംബർ 2015) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 20 വരെ അപേക്ഷിക്കാം.
ബിഎംഎംസി പ്രാക്ടിക്കൽ മാറ്റി
11ന് നടത്താനിരുന്ന മൂന്ന്, നാല് സെമസ്റ്റർ ബിഎംഎംസി പ്രാക്ടിക്കൽ പരീക്ഷ 17ലേക്ക് മാറ്റി.
യൂണിയൻ കലാജാഥ
സർവകലാശാലാ യൂണിയന്റെ നേതൃത്വത്തിൽ കലാജാഥ സംഘടിപ്പിക്കുന്നു. ജാഥ മലപ്പുറം ജില്ലയിൽ 11 മുതൽ 16 വരെയും, പാലക്കാട് ജില്ലയിൽ 19 മുതൽ 24 വരെയും, തൃശൂർ ജില്ലയിൽ 24, 25 തിയതികളിലും, വയനാട് ജില്ലയിൽ 19, 20 തിയതികളിലും പര്യടനം നടത്തും.