പിജി ഏകജാലകം: സപ്ലിമെന്‍ററി അലോട്ട്മെന്റിന് ഒാപ്ഷൻ പുതുക്കാം
അഫിലിയേറ്റഡ് ആർട്സ് ആൻഡ് സയൻസ് കോളജുകളിൽ ഒഴിവുള്ള ബിരുദാനന്തര ബിരുദ സീറ്റുകളിലേക്ക് സപ്ലിമെന്‍ററി അലോട്ട്മെന്റിനായി ഇന്നു മുതൽ ഒക്ടോബർ 14നു വൈകുന്നേരം അഞ്ചു വരെ ഓപ്ഷനുകൾ പുതുക്കി നൽകാവുന്നതാണ്. ഇതുവരെ രജിസ്റ്റർ ചെയ്യാത്തവർക്കും പുതുതായി ഓപ്ഷനുകൾ രജിസ്റ്റർ ചെയ്യാവുന്നതാണ്. കൂടുതൽ വിവരങ്ങൾക്ക് www.ca p.mgu.ac.in എന്ന വെബ്സൈറ്റ് കാണുക.
രണ്ടാം ശനി എംജിയിൽ പ്രവൃത്തിദിനം
യൂണിവേഴ്സിറ്റിയിൽ ഇന്നു മുതൽ 14 വരെ നാക് പിയർ ടീമിന്‍റെ സന്ദർശനം നടക്കുന്നതിനാൽ ഓഫീസുകൾക്കും പഠനവിഭാഗങ്ങൾക്കും 14നു പ്രവൃത്തി ദിനമായും 21 അവധിദിനമായും പ്രഖ്യാപിച്ച് ഉത്തരവായി.
സന്ദർശകർക്ക് നിയന്ത്രണം
സർവകലാശാലയുടെ അക്രഡിറ്റേഷനുമായി ബന്ധപ്പെട്ട് നാക് ടീം സർവകലാശാല സന്ദർശിക്കുന്നതിനാൽ 16 വരെ വൈസ് ചാൻസലറുടെ ഓഫീസിൽ സന്ദർശകരെ സ്വീകരിക്കുന്നതല്ല.
സ്പോട്ട് അഡ്മിഷൻ
സ്കൂൾ ഓഫ് കെമിക്കൽ സയൻസസിലെ എംടെക്ക് പോളിമർ സയൻസ് ആൻഡ് ടെക്നോളജി പ്രോഗ്രാമിൽ ഒഴിവുള്ള മെരിറ്റ് സീറ്റുകളിലേക്ക്, നേരത്തെ പ്രവേശന പരീക്ഷയെഴുതാത്ത വിദ്യാർഥികളെക്കൂടി ഉൾപ്പെടുത്തി സ്പോട്ട് പ്രവേശനം നടത്തുവാൻ തീരുമാനിച്ചു. www.cta.m gu.ac.in എന്ന വെബ്സൈറ്റിൽ പ്രസിദ്ധീകരിച്ചിരിക്കുന്ന എംടെക് പോളിമർ സയൻസ് ആൻഡ് ടെക്നോളജിയുടെ വിജ്ഞാപനപ്രകാരം യോഗ്യതയുള്ളവർ പൂരിപ്പിച്ച അപേക്ഷയും യോഗ്യത തെളിയിക്കുന്ന അസൽ സർട്ടിഫിക്കറ്റുകളും, അപേക്ഷാഫീസും ലേറ്റ് ഫീസും അടച്ച രസീതുകളും സഹിതം, 19നു രാവിലെ 11ന് യൂണിവേഴ്സിറ്റി ക്യാപ് സെല്ലിൽ ഹാജരാകണം.
പ്രാക്ടിക്കൽ
2017 ഏപ്രിൽ, മേയ് മാസങ്ങളിൽ നടത്തിയ ഒന്നു മുതൽ ആറു വരെ സെമസ്റ്റർ എംസിഎ (ഓഫ് കാന്പസ്, 2007ന് മുന്പുള്ള അഡ്മിഷനും, 20072010 അഡ്മിഷനും മേഴ്സി ചാൻസ്, 2011 മുതൽ അഡ്മിഷൻ റെഗുലർ ആൻഡ് സപ്ലിമെന്‍ററി) പരീക്ഷയുടെ കമ്മ്യൂണിക്കേഷൻ ആൻഡ് സോഫ്റ്റ് സ്കിൽ എന്ന പേപ്പറിന്‍റെ പ്രാക്ടിക്കൽ നാളെ കോട്ടയം സിഎംഎസ് കോളജിൽ നടക്കും. വിശദമായ ടൈംടേബിൾ സർവകലാശാലാ വെബ്സൈറ്റിൽ.
പരീക്ഷാഫലം
2017 ഏപ്രിൽ, മേയ് മാസത്തിൽ നടന്ന അഞ്ചും ആറും സെമസ്റ്റർ ബിസിഎ ഓഫ് കാന്പസ് (സിബിസിഎസ്എസ്, റെഗുലർ, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 23 വരെ അപേക്ഷിക്കാം.
2017 ജൂലൈയിൽ സ്കൂൾ ഓഫ് ഇന്ത്യൻ ലീഗൽ തോട്ടിൽ നടത്തിയ അവസാന സെമസ്റ്റർ ബിബിഎ എൽഎൽബി (ഓണേഴ്സ്, 2012 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. അസൂന്ത ഫ്രാൻസിസ്, ഫേബാ എൽമ വർഗീസ്, ആർദ്ര ശ്രീകുമാർ എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 24 വരെ അപേക്ഷിക്കാം.
അനുശോചിച്ചു
സ്കൂൾ ഓഫ് ലെറ്റേഴ്സ് ഡയറക്ടറായിരുന്ന പ്രഫ. ഡോ. വി.സി. ഹാരീസിന്‍റെ നിര്യാണത്തിൽ സർവകലാശാലയിൽ ചേർന്ന യോഗം അനുശോചനം രേഖപ്പെടുത്തി. വൈസ് ചാൻസലർ ഡോ. ബാബു സെബാസ്റ്റ്യന്‍റെ അധ്യക്ഷതയിൽ ചേർന്ന യോഗത്തിൽ രജിസ്ട്രാർ എം.ആർ. ഉണ്ണി അനുശോചന പ്രമേയം അവതരിപ്പിച്ചു. സിൻഡിക്കറ്റംഗം ആര്യാ രാജൻ, സ്കൂൾ ഓഫ് ലെറ്റേഴ്സ് അധ്യാപകനും ഡീനുമായ ഡോ. പി.എസ്. രാധാകൃഷ്ണൻ, ഫിനാൻസ് ഓഫീസർ ഏബ്രഹാം ജെ. പുതുമന, പ്രഫ. കെ.എം. കൃഷ്ണൻ, പ്രഫ. ആർ. വിജയകുമാർ, സംഘടനാ പ്രതിനിധികളായ ബാബുരാജ് വാര്യർ, ജി. പ്രകാശ്, കെ. രാജഗോപാൽ, കെ.എം. ഷാജി എന്നിവർ ആദരാഞ്ജലികൾ അർപ്പിച്ചു.