എൻമാറ്റ് 15 വരെ അപേക്ഷിക്കാം
രാജ്യത്തെ പ്രമുഖ മാനേജ്മെന്റ് ഇൻസ്റ്റിറ്റ്യൂട്ടായ നർസീ മോഞ്ജി ഇൻസ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസ് നടത്തുന്ന വിവിധ മാനേജ്മെന്റ് കോഴ്സുകളിലേക്കുള്ള പ്രവേശന പരീക്ഷയാണ് എൻ മാറ്റ്.
ഫിനാൻസ്, ഇൻഫർമേഷൻ സിസ്റ്റംസ്, മാർക്കറ്റിംഗ്, ഓപ്പറേഷൻ ആൻഡ് ഡിസിഷൻ സയൻസസ്, അനലിറ്റിക്സ്, ഹ്യൂമൻ റിസോഴ്സ്, ഫാർമസ്യൂട്ടിക്കൽ മാനേജ്മെന്റ് എന്നിവയിൽ എംബിഎ കോഴ്സിനും ബംഗളൂരു, ഹൈദരാബാദ്, നവിമുംബൈ, ഇൻഡോർ കാന്പസുകളിൽ മാനേജ്മെന്റിൽ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകളിലേക്കുള്ള അഡ്മിഷനാണ് എൻമാറ്റ് നടത്തുന്നത്. 50 ശതമാനം മാർക്കോടെ ബിരുദമാണു യോഗ്യത. ഫാർമസ്യൂട്ടിക്കൽ കോഴ്സിന് ലൈഫ് സയൻസ്, എംബിബിഎസ്, ബിഡിഎസ്, ബിഎച്ച്എംഎസ്, ബിഎഎംഎസ്, ബയോ ടെക്നോളജി, ബിടെക് ബിരുദം നേടിയവർക്ക് അപേക്ഷിക്കാം. ഫാർമസ്യൂട്ടിക്കൽ കന്പനിയിൽ രണ്ടു വർഷത്തെ പ്രവൃത്തി പരിചയമുള്ളവർക്കും അപേക്ഷിക്കാം.
അപേക്ഷ സമർപ്പിക്കേണ്ട അവസാന തീയതി ഈ മാസം 15. കേരളത്തിൽ കൊച്ചി പരീക്ഷാ കേന്ദ്രമാണ്. 120 മിനിറ്റ് ദൈർഘ്യമുള്ളതാണ് എൻമാറ്റ്. ലാംഗ്വേജ് സ്കിൽസ്, ക്വാണ്ടിറ്റേറ്റീവ് സ്കിൽസ്, ലോജിക്കൽ റീസണിംഗ് എന്നിവയാണു പ്രവേശന പരീക്ഷയിൽ ഉൾപ്പെടുത്തിയിരിക്കുന്നത്. ഗ്രാജ്വേറ്റ് മാനേജ്മെന്റ് അഡ്മിഷൻ കൗണ്സിലി (ജിമാക്) നാണ് എൻമാറ്റ് നടത്തിപ്പിന്റെ ചുമതല.
നർസീ മോഞ്ജി ഇൻസ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസ് കൂടാതെ രാജ്യത്തെ ഇരുപതോളം ബിസിനസ് സ്കൂളുകൾ അഡ്മിഷന് എൻമാറ്റ് സ്കോർ ഉപയോഗിക്കുന്നുണ്ട്. സ്കോർ മോശമാണെങ്കിൽ വീണ്ടും പരീക്ഷ എഴുതുന്നതിനും അവസരമുണ്ട്.