യുജിസി-നെറ്റ് പരീക്ഷാ പരിശീലനം നാളെ തുടങ്ങും
സർവകലാശാലാ എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ മാനവിക വിഷയങ്ങളിൽ യുജിസിനെറ്റ്, ജെആർഎഫ് പരീക്ഷക്ക് തയ്യാറെടുക്കുന്നവർക്ക് നൽകുന്ന പരിശീലനം നാളെ ആരംഭിക്കും. ജനറൽ പേപ്പറിനാണ് (പേപ്പർ ഒന്ന്) പത്ത് ദിവസത്തെ പരിശീലനം. അറിയിപ്പ് ലഭിച്ചവർ രാവിലെ പത്തിന് ടാഗോർ നികേതൻ ഹാളിൽ എത്തണം.
ശിൽപ്പശാല
ഫോക്ലോർ പഠനവിഭാഗം കാന്പസ് ഗവ. എൽപി സ്കൂളിന്റെ സഹകരണത്തോടെ നാളെ ശിൽപ്പശാല സംഘടിപ്പിക്കുന്നു. "സുസ്ഥിര വികസനത്തിനായി മാനവശേഷി വികസനം’ എന്ന വിഷയത്തിൽ സർവകലാശാലാ സെമിനാർ കോംപ്ലക്സിലാണ് ശിൽപശാല.
50 രൂപ അടയ്ക്കണം
കാലിക്കട്ട് സർവകലാശാല വിദൂരവിദ്യാഭ്യാസ വിഭാഗത്തിൽ പ്രവേശനം നേടുന്ന സമയത്ത് ഹാജരാക്കുന്ന യോഗ്യതാ സർട്ടിഫിക്കറ്റുകൾ തിരികെ ലഭിക്കുന്നതിനും അധ്യയനം പൂർത്തിയാക്കിയവർക്ക് ടിസി തപാൽ മാർഗം ലഭിക്കുന്നതിനും പ്രവേശന, ടിസി അപേക്ഷയോടൊപ്പം 50 രൂപ ചലാൻ സമർപ്പിക്കണം. ഫീ ഓണ്ലൈനായോ ചലാൻ കൗണ്ടറിലോ അടക്കാം. ഓണ്ലൈനായി അടക്കുന്നതിന് സർവകലാശാലാ വെബ്സൈറ്റിലെ ഡിസ്റ്റൻസ് എഡ്യുക്കേഷൻ ലിങ്ക് സന്ദർശിക്കുക. ഫോണ്: 0494 2407356, 2400288.
എംസിഎ പ്രവേശന കൗണ്സലിംഗ്
എംസിഎ പ്രവേശന കൗണ്സലിംഗ് ഇന്നു രാവിലെ 10.30ന് സർവകലാശാലാ കാന്പസിലെ സിസിഎസ്ഐടിയിൽ നടക്കും. സർട്ടിഫിക്കറ്റുകളും ഓണ്ലൈൻ അപേക്ഷയുടെ പ്രിന്റൗട്ടും സഹിതം ഹാജരാകണം. ഫോണ്: 0494 2407422.
പിജി സീറ്റ് ഒഴിവ്
ഹിന്ദി പഠനവകുപ്പിൽ എംഎ ഹിന്ദിക്ക് എൽസി (ഒന്ന്), ബിപിഎൽ (ഒന്ന്), എസ് സി (ഒന്ന്), എസ്ടി (രണ്ട്) വിഭാഗങ്ങളിലെ ഒഴിവിലേക്ക് ഇന്നുരാവിലെ 11ന് പ്രവേശനം നടത്തും. ക്യാപ് രജിസ്ട്രേഷനുള്ള അപേക്ഷകർ സർട്ടിഫിക്കറ്റുകൾ സഹിതം പഠനവകുപ്പിൽ ഹാജരാകണം.
ഹിന്ദി പഠനവകുപ്പിൽ എംഎ ഫംഗ്ഷണൽ ഹിന്ദിക്ക് ഓപ്പണ് (നാല്), മുസ്ലിം (ഒന്ന്), ബിപിഎൽ (ഒന്ന്), ഒബിഎച്ച് (ഒന്ന്), എസ് സി (ഒന്ന്), എസ്ടി (ഒന്ന്) വിഭാഗങ്ങളിലെ ഒഴിവിലേക്ക് ഇന്നുരാവിലെ 11ന് പ്രവേശന നടത്തും. ക്യാപ് രജിസ്ട്രേഷനുള്ള അപേക്ഷകർ സർട്ടിഫിക്കറ്റുകൾ സഹിതം പഠനവകുപ്പിൽ ഹാജരാകണം.
വിമണ് സ്റ്റഡീസ് പഠനവകുപ്പിൽ എംഎക്ക് എസ് സി (രണ്ട്), ജനറൽ (ഒന്ന്) വിഭാഗങ്ങളിൽ ഒഴിവുണ്ട്. സർട്ടിഫിക്കറ്റുകളും അനുബന്ധ രേഖകളും സഹിതം 19ന് പഠനവകുപ്പിൽ ഹാജരാകണം. എസ് സി വിഭാഗത്തിന്റെ അഭാവത്തിൽ നിയമാനുസൃതം മറ്റ് വിഭാഗങ്ങളെ പരിഗണിക്കും.
പരീക്ഷ റദ്ദാക്കി
ഒക്ടോബർ മൂന്ന്, നാല്, ആറ് തിയതികളിൽ നടത്തിയ കോളജ്, വിദൂരവിദ്യാഭ്യാസം, പ്രൈവറ്റ്യൂണിഫൈഡ് രണ്ടാം സെമസ്റ്റർ ബിഎ, ബിഎസ് സി, ബിഎസ് സി ആൾട്ടർനേറ്റ്. പാറ്റേണ്ബി .എംഎംസി, ബിടിഎഫ്പി, ബിസിഎ, ബിഎസ്ഡബ്ലൂ, ബിവിസി, ബിഎ അഫ്സൽഉൽഉലമ (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷകൾ റദ്ദ് ചെയ്തു. അവ യഥാക്രമം നവംബർ എട്ട്, ഒന്പത്, പത്ത് തിയതികളിൽ നടക്കും. സമയം ഉച്ച കഴിഞ്ഞ് 1.30 മുതൽ 4.30 വരെ. മറ്റ് പരീക്ഷകൾക്ക് മാറ്റമില്ല.
പരീക്ഷാ കേന്ദ്രം
17ന് ആരംഭിക്കുന്ന മൂന്നാം വർഷ ബിഎ അഫ്സൽഉൽഉലമ സപ്ലിമെന്ററി, ഇംപ്രൂവ്മെന്റ് പരീക്ഷയുടെ ഹാൾടിക്കറ്റുകൾ 13 മുതൽ അതത് കേന്ദ്രങ്ങളിൽ വിതരണം ചെയ്യും. താഴെ കൊടുത്ത കോളേജുകളിൽ പരീക്ഷക്ക് അപേക്ഷിച്ചവർ ബ്രാക്കറ്റിൽ കാണുന്ന കേന്ദ്രത്തിൽ നിന്ന് ഹാൾടിക്കറ്റ് വാങ്ങി അവിടെ തന്നെ പരീക്ഷക്ക് ഹാജരാകണം. മണ്ണാർക്കാട് എംഇഎസ് കല്ലടി കോളജ്, ഒറ്റപ്പാലം മർകസ് ഓറിയന്റൽ അറബിക് കോളേജ് (പാലക്കാട് ഗവ.വിക്ടോറിയ കോളജ്), ഫറോക്ക് ആർയുഎ കോളജ് (മീഞ്ചന്ത ഗവ.ആർട്സ് ആൻഡ് സയൻസ് കോളജ്), മുട്ടിൽ ഡബ്ല്യൂഎംഒ കോളജ് (സുൽത്താൻ ബത്തേരി സെന്റ് മേരീസ് കോളജ്).
എംഎ ഇംഗ്ളീഷ് വൈവാ വോസി
വിദൂരവിദ്യാഭ്യാസം പ്രീവിയസ് എംഎ ഇംഗ്ളീഷ് ഏപ്രിൽ 2017 പരീക്ഷയുടെ വൈവാ വോസി 30 മുതൽ തൃശൂർ സെന്റ് തോമസ് കോളജിലും (സൗത്ത് സോണ്), കോഴിക്കോട് സെന്റ് ജോസഫ്സ് കോളജിൽ (നോർത്ത് സോണ്) നടക്കും. ഷെഡ്യൂൾ വെബ്സൈറ്റിൽ.
പരീക്ഷ
അഞ്ചാം സെമസ്റ്റർ ബിഎസ് സി ഹോട്ടൽ മാനേജ്മെന്റ് ആൻഡ് കാറ്ററിംഗ് സയൻസ്, കളിനറി ആർട്സ് (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷ 20ന് ആരംഭിക്കും.
പരീക്ഷാഫലം
ആറാം സെമസ്റ്റർ ബികോം, ബിബിഎ (സിസിഎസ്എസ്) ഏപ്രിൽ 2016 സപ്ലിമെന്ററി, ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 2012, 2013 പ്രവേശനം (എം, എൻ) സീരീസ് വിദ്യാർഥികൾ ഓണ്ലൈനിലും മറ്റുള്ളവർ സാധാരണ ഫോമിലും 24നകം അപേക്ഷിക്കണം.
പുനർമൂല്യനിർണയ ഫലം
നാലാം സെമസ്റ്റർ ബിഎസ് സി (സിയുസിബിസിഎസ്എസ്) ഏപ്രിൽ 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.