അവസാന വർഷ ബിഎ സപ്ലിമെന്ററി, ഇംപ്രൂവ്മെന്റ്: പരീക്ഷാ കേന്ദ്രത്തിൽ മാറ്റം
അവസാന വർഷ ബിഎ സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് താഴെ കൊടുത്ത കോളജിൽ രജിസ്റ്റർ ചെയ്ത ന്യൂമെറിക്കൽ രജിസ്റ്റർ നന്പറുള്ളവർ മലപ്പുറം ഫലാഹിയ അറബിക് കോളജിൽ നിന്നും ഹാൾടിക്കറ്റ് കൈപ്പറ്റി അവിടെ തന്നെ പരീക്ഷയ്ക്ക് ഹാജരാകണം. ആൽഫാ ന്യൂമെറിക് രജിസ്റ്റർ നന്പറുള്ളവർ ഹാൾടിക്കറ്റ് വെബ്സൈറ്റിൽ നിന്ന് ഡൗണ്ലോഡ് ചെയ്ത് അതിൽ കാണിച്ച കേന്ദ്രത്തിൽ പരീക്ഷ എഴുതണം.
നിലന്പൂർ അമൽ കോളജ്, ചുങ്കത്തറ മാർത്തോമ കോളേജ്, അരീക്കോട് എംഇഎഎസ്എസ് കോളജ്, മന്പാട് എംഇഎസ് കോളജ്, കരുവാരക്കുണ്ട് നജാത്ത് ആർട്സ് ആൻഡ് സയൻസ് കോളജ്, മഞ്ചേരി എൻഎസ്എസ് കോളജ്, മഞ്ചേരി യൂണിറ്റി വിമൻസ് കോളജ്, മലപ്പുറം ഗവണ്മെന്റ് കോളജ്, മഞ്ചേരി എച്ച്എം കോളജ്, പെരിന്തൽമണ്ണ പിടിഎം ഗവണ്മെന്റ് കോളജ്, പുത്തനങ്ങാടി സെന്റ് മേരീസ് കോളജ്, കൊണ്ടോട്ടി ഇഎംഇഎ കോളജ്, എളങ്കൂർ ശ്രീ ശാസ്ത കോളജ്, എടവണ്ണ ജാമിയ നദ്വിയ കോളജ്, പാലേമാട് എസ് വിപികെ, രാമപുരം ജെംസ് കോളജ്.
ഇസ്ലാമിക് സൈക്കോളജി സർട്ടിഫിക്കറ്റ് കോഴ്സ്
ഇസ്ലാമിക് ചെയർ നടത്തുന്ന ഇസ്ലാമിക് സൈക്കോളജി കോഴ്സ് 21ന് ആരംഭിക്കും. അടിസ്ഥാന യോഗ്യത പ്ലസ്ടു. ശനിയാഴ്ചകളിൽ മാത്രം അഞ്ച് മാസമായി നടത്തും. രജിസ്ട്രേഷൻ: 9746904678.
16ലെ പരീക്ഷ മാറ്റി
16ന് നടത്താനിരുന്ന താഴെ കൊടുത്ത പരീക്ഷകൾ മാറ്റി. ആറാം സെമസ്റ്റർ ബിടെക്, ബിആർക് (2004 സ്കീം) സപ്ലിമെന്ററി പരീക്ഷ 30ലേക്കും, ഏഴാം സെമസ്റ്റർ ബി.ടെക്/പാർട്ട് ടൈം ബിടെക് (2000 സ്കീം) സപ്ലിമെന്ററി പരീക്ഷ 23ലേക്കും മാറ്റി.
പിജി സീറ്റ് ഒഴിവ്
സ്റ്റാറ്റിസ്റ്റിക്സ് പഠനവകുപ്പിൽ എംഎസ് സി സ്റ്റാറ്റിസ്റ്റിക്സിന് മൂന്ന് സീറ്റുകൾ ഒഴിവുണ്ട്. നിയമാനുസൃതമായി മുൻഗണനാക്രമത്തിൽ പ്രവേശനം നൽകും. സർട്ടിഫിക്കറ്റുകളും നിർദ്ദിഷ്ട രേഖകളും സഹിതം 19ന് ഉച്ചയ്ക്ക് 12ന് പഠനവകുപ്പിൽ ഹാജരാകണം.
പരീക്ഷാ അപേക്ഷ
ഒന്നാം സെമസ്റ്റർ എംപിഎഡ് (2013 മുതൽ 2015 പ്രവേശനം, സിസിഎസ്എസ്) സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് 17 വരെ അപേക്ഷിക്കാം.
പരീക്ഷാഫലം
ജൂണിൽ നടത്തിയ നാലാം സെമസ്റ്റർ എംടെക് (സിയുസിഎസ്എസ്) ജിയോടെക്നിക്കൽ എൻജിനിയറിംഗ് (സിവിൽ) പരീക്ഷാഫലം വെബ്സൈറ്റിൽ.
എംപ്ലാനിംഗ് (അർബൻ പ്ലാനിംഗ്) (സിയുസിഎസ്എസ്) ഒന്ന് (2016 ഡിസംബർ), മൂന്ന് (ഫെബ്രുവരി 2017), നാല് (2017 ജൂലൈ) സെമസ്റ്റർ പരീക്ഷാഫലം വെബ്സൈറ്റിൽ. ഒന്നാം സെമസ്റ്റർ പുനർമൂല്യനിർണയത്തിന് 27 വരെ അപേക്ഷിക്കാം.
എംആർക് (അഡ്വാൻസ്ഡ് ആർകിടെക്ച്വർ, സിയുസിഎസ്എസ്) ഒന്ന്, മൂന്ന് (2017 ജനുവരി), നാല് (2017 ജൂലൈ) സെമസ്റ്റർ, എംആർക് (സസ്റ്റയിനബിൾ ആർകിടെക്ച്വർ, സിയുസിഎസ്എസ്) ഒന്ന്, മൂന്ന് (2017 ജനുവരി), നാല് (ജൂലൈ 2017) സെമസ്റ്റർ പരീക്ഷാഫലങ്ങൾ വെബ്സൈറ്റിൽ. ഒന്നാം സെമസ്റ്റർ പരീക്ഷകൾക്ക് പുനർമൂല്യനിർണയത്തിന് 27 വരെ അപേക്ഷിക്കാം.
ജൂണിൽ നടത്തിയ രണ്ടാം സെമസ്റ്റർ എംഎ ഇംഗ്ളീഷ് (സിസിഎസ്എസ്) പരീക്ഷാഫലം വെബ്സൈറ്റിൽ.
എംഎ മലയാളം മൂല്യനിർണയ ക്യാന്പ്
നാലാം സെമസ്റ്റർ എംഎ മലയാളം (സിയുസിഎസ്എസ്) മൂല്യനിർണയ ക്യാന്പ് 23 മുതൽ പട്ടാന്പി എസ്എൻജിഎസ് കോളജിൽ നടക്കും. പിജി ക്ലാസുകളിൽ ഒരു വർഷത്തിൽ കൂടുതൽ അധ്യാപന പരിചയമുള്ളവർ നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
സിഎച്ച്എം കെ ലൈബ്രറി പ്രവർത്തനം
സിഎച്ച്എംകെ ലൈബ്രറി 16ന് രാവിലെ പത്ത് മുതൽ അഞ്ച് വരെയായിരിക്കും പ്രവർത്തിക്കുക.