നാളത്തെ പരീക്ഷകൾ മാറ്റി
നാളെ നടത്താൻ നിശ്ചയിച്ചിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തീയതി പിന്നീട്.
ബിഎഡ് മേഴ്സി ചാൻസ്
ബിഎഡ് (ഏകവർഷം) മേഴ്സി ചാൻസ് പരീക്ഷകൾ (20062008 അഡ്മിഷനും, 2009 12 അഡ്മിഷനും) 20ാം തീയതി ആരംഭിക്കും. കോട്ടയം മൗണ്ട് കാർമൽ കോളജ് ഓഫ് ടീച്ചർ എഡ്യൂക്കേഷൻ മാത്രമായിരിക്കും പരീക്ഷാ കേന്ദ്രം. ഹാൾടിക്കറ്റുകൾ കേന്ദ്രത്തിൽനിന്നു കൈപ്പറ്റണം.
പ്രാക്ടിക്കൽ/വൈവാവോസി
മൂന്നാം വർഷ ബിഎസ്സി നഴ്സിംഗ് (സപ്ലിമെന്ററി) ജൂലൈ 2017 പരീക്ഷയുടെ പ്രാക്ടിക്കലും വൈവാവോസിയും 20 മുതൽ 25 വരെ ഇൻസ്റ്റിറ്റ്യൂട്ട് ഓഫ് നഴ്സിംഗ് എഡ്യൂക്കേഷന്റെ ഗാന്ധിനഗർ, പത്തനംതിട്ട, നെടുങ്കണ്ടം, മണിമലക്കുന്ന്, പാലാ കേന്ദ്രങ്ങളിലും പരുമല സെന്റ് ഗ്രിഗോറിയസ് കോളജ് ഓഫ് നഴ്സിംഗിലും നടക്കും. ടൈംടേബിൾ സർവകലാശാലാ വെബ്സൈറ്റിൽ ലഭിക്കും.
പരീക്ഷാഫലം
2017 മേയിലെ നാലാം സെമസ്റ്റർ എംഎസ്സി ബോട്ടണി (സിഎസ്എസ് റഗുലർ ആൻഡ് സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം. കോലഞ്ചേരി സെന്റ് പീറ്റേഴ്സ് കോളജിലെ ആമോസ് പി. തോമസ്, എറണാകുളം സെന്റ് ആൽബർട്സ് കോളജിലെ അനില മേരി, പാലാ സെന്റ് തോമസ് കോളജിലെ റീനു ആന്റണി എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.2017 ഫെബ്രുവരി/മാർച്ച് മാസങ്ങളിൽ നടത്തിയ ബിബിഎ ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മ പരിശോധനയ്ക്കും 25 വരെ അപേക്ഷിക്കാം.
എൻഎസ്എസ് ക്യാന്പ്
നാഷണൽ സർവീസ് സ്കീം വിദ്യാർഥികൾക്കായി നടത്തുന്ന പ്രിആർഡി സെലക്ഷൻ ക്യാന്പ്, കോട്ടയം അമലഗിരി ബികെ കോളജിൽ 24ന് രാവിലെ 9.30ന് നടക്കും. പങ്കെടുക്കാൻ താത്പര്യമുള്ള എൻഎസ്എസ് വോളന്റിയർമാരുടെ പേരുവിവരങ്ങൾ 19നു വൈകുന്നേരം നാലിനു മുന്പായി സർവകലാശാലാ എൻഎസ്എസ് ഓഫീസിൽ ഇമെയിൽ ആയി നൽകണം.